Wb/nia/Esera/8

I. Töi nawö Gasera andrö, misi yaŵa ba Yeruzalema.

I. 1 Ba da'e döi duara ba töi nga'ötö da'ö, si fao khögu misi yaŵa, me luo razo Aretazasa.

2 Ma'uwu Wineha, ba Gereso. Ba ma'uwu Gitamari, ba Dani'eli. Ba ma'uwu Dawido, ba Hatusi, ono Zekhania.

3 Ba ma'uwu Wareo, ba Sakharia, ba nitanö ba zura awönia, ba 150 ndra matua.

4 Ba ma'uwu Wahata-Moabi, ba Eliyeho'enai, ono Zerahia, ba 200 naŵonia, ira matua.

5 Ba ma'uwu Zatu, ba Sekhania, ono Yehazi'eli, ba 300 nawönia, ira matua. 6 Ba ma'uwu Gadini, ba Ebedi, ono Yonata, ba 50 nawönia, ira matua.

7 Ba ma'uwu Gelama, ba Yesaya, ono Gatalia, ba 70 nawönia, ira matua.

8 Ba ma'uwu Zefatia, ba Sebadia, ono Mikha'eli, ba 80 nawönia, ira matua.

9 Ba ma'uwu Yoabi, ba Obadia ono Yehi'eli, ba 218 nawönia, ira matua.

10 Ba ma'uwu Mbani, ba Selomiti, ono Yosifia, ba 160 nawönia, ira matua.

11 Ba ma'uwu Mbebai, ba Sakharia, ono Mbebai, ba 28 nawönia, ira matua.

12 Ba ma'uwu Asigada, ba Yohanano, ono Hakatana, ba 110 nawönia, ira matua.

13 Ba ma'uwu Gadonika, si akhi ba wa'atumbu, Elifeleti ba Ye'ieli ba Semaya döira, ba 60 nawöra, ira matua.

14 Ba ma'uwu Mbigewai, ba Uta'i ba Sabudi, ba 70 nawöra, ira matua.

II. Ifakaoni'ö göi Nono Lewi Esera, ba mamoni ira ba mangandrö.

II. 15 Ba u'owuloi ira ba mbewe nidanö andrö, si saŵa miyou Ahawa, ba ma'iagö da'ö ua, tölu ngaluo. Ba me ufaigi niha sato, awö gere, ba no samösa lö ono Lewi ba da'ö.

16 Ba ufatenge ndra Eli'ezeri, Ari'eli, Semaya, Elinata, Yaribi, Elinata, Natano, Sakharia, Mesula, oi satua, ba Yoyaribi ba Elinata, guru, ufatenge khö Ido,

17 satua ba mba nua Gasifia, ba ube'e li khöra, hadia niŵa'ö khö Ido ba ba dalifusönia ba ba zangai halöŵö ba gosali, banua Gasifia, ba wamaigi khöma sangai halöŵö ba gosali Lowalangima. 18Ba me no itologa tanga Lowalangida, si hakhösi tödö ya'aga, ba la'ohe khöma niha satua-tua, ma'uwu Maheli ono Lewi ono Gizeraeli, Serebia andrö, awö ndraononia ba awö dalifusönia,

18 fefu, ba Hasabia, 19 awö Yesaya ma'uwu Merari ba talifusönia ba iraonora, 20 fefu. 20 Ba sangai halöŵö ba gosali, nihonogöi Dawido ba awönia salaŵa, tohu-tohu danga Nono Lewi: 220 zangai halöŵö ba gosali, oi nitötöi töi.

21 Ba ufaŵa'ögö wamoni ba gö, ba da'ö, ba mbewe Gahawa, ena'ö ma'ide-ide'ö ndra'aga föna Lowalangida, ba ba wangandrö khönia, ena'ö lö gönaga hadia ia, ba lala, ya'aga ba iraonoma ba si so khöma.

22 Aila sa ndra'o, u'andrö khö razo zabölö ba si fakudo, ba wanimba khöma emali, ba lala. Noa sa mamane khö razo: Lö aefa danga Lowalangima ba zangalui ya'ia fefu, ba wangorifi ya'ira; ba ba zangerogö ya'ia, fefu, ba tohare wa'abölönia ba fönunia.

23 Ba mamoni ndra'aga ba ma'andrö da'ö khö Lowalangida, ena'ö ifondrondrongo khöma, ba ifondrondrongo lima.

III. Ibe'e ba danga gere ba ba danga Nono Lewi gama-gama andrö, gama-gama ba ni'amoni'ö andrö.

III. 24 Ba 12 ututuyu satua gere: Serebia ba Hasabia ba dafulu nawöra, talifusöra,

25 ba utulo khöra wirö andrö ba ana'a, awö gama-gama andrö — buala andrö ba gosali Lowalangida, nibe'e razo ba anofulania ba keomandrunia ba Iraono Gizeraeli fefu, si so ba da'ö, saoha gölöra.

26 Utulo ba dangara: 460 fiku wirö; ba gama-gama firö, 70 fiku; ba ana'a 80 fiku.

27 Ba 20 mako ana'a, 1000 hua balaki [fowöli], ba dombua na nahia hadia ia, töla si sökhi, nifosönö gana'a, timba gana'a ba mböli.

28 Ba umane khöra: No ni'amoni'ö ami, khö Yehowa; ba gama-gama andrö, ba no ni'amoni'ö, ba firö andrö ba ana'a, ba no nibe'e saoha gölö khö Yehowa, Lowalangi ndra tuami.

29 Ba mihaogö wangirö'ö ya'ia, irege mitulo ia ba zi so satua gere ba satua Nono Lewi, awö högö ngafu Ndraono Gizeraeli, ba Yeruzalema, ba mbate'e andrö ba gosali Yehowa.

30 Ba lahalö wirö andrö ere ba Ono Lewi, awö gana'a, awö gama-gama andrö, nitulo, ba wolohe ba Yeruzalema, ba gosali Lowalangima.

IV. Mofanö ira, ba lö hadia ia ba lala, ba larugi Yeruzalema.

IV. 31 Ba mangefa ndra'aga ba mbewe Gahawa, ba zi mewelendrua, ba mbaŵa si föföna, ba wanaŵa Yeruzalema; ba itologa tanga Lowalangida, lö ilulu ndra'aga ba danga nemali ba ba danga zanaro-narogö ya'aga ba zinga lala.

32 Ba marugi Yeruzalema, ba tölu bongi ndra'aga ba da'ö.

33 Ba mahemolu ö, ba latulo wirö andrö, awö gana'a, awö gama-gama andrö, ba gosali Lowalangida, labe'e ba danga Merimoto ere, ono Guria — ba awönia Geleazari, ono Wineha, ba awöra na Nono Lewi andrö, Yosabada, ono Yesua ba Noadia, ono Mbinui —

34 ahori la'erai ba latulo khöra; ba fa'abua fefu, ba latanö ba zura, me luo da'ö.

35 Ba si no so andrö, si no mangawuli moroi ba ni'oloi'ö ya'ira mege, ba mame'e sumange nitunu khö Lowalangi Ndraono Gizeraeli: 12 nga'eu zaŵi, si matua, tana ba Ndraono Gizeraeli fefu, ba 96 nga'eu mbiri-biri si matua, ba 77 rozi nono mbiri-biri, ba 12 nga'eu nambi si matua sumange fameta horö — oi sumange nitunu khö Yehowa.

37 Ba labe'e ba danga nifataro zalaŵa andrö ba ba danga ndra kumandru ba zi tambai Oifarati tanö andre, nifakhoi zalaŵa, ba latolo niha [Yehuda], ba he ba wolau osali Lowalangi andrö.

Famotokhi ba gahe

Fabaliŵa lala

Olayama Esera: 1 • 2 • 3 • 4 • 5 • 6 • 7 • 8 • 9 • 10

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö