Jump to content

Wb/nia/Esera/5

From Wikimedia Incubator
< Wb‎ | nia‎ | Esera
Wb > nia > Esera > 5

I. Latohugö wolau osali. Itenaŵa ena'ö Tatenai andrö.

[edit | edit source]

I. 1 Ba mama'ele'ö ndra Haga'i Sakharia ono Ido, sama'ele'ö andrö, li Lowalangi Ndraono Gizeraeli, si so yaŵara, lafa'ema ba niha Yehuda ba danö mado Yuda ba ba Yeruzalema. [1]

2 Ba maoso ndra Serubabeli, ono Zelatieli, Yesua, ono Yosadaki, labörötaigö wolau osali Lowalangi ba Yeruzalema, ba awöra zama'ele'ö andrö khö Lowalangi, latolo ira.

3 Ba me luo da'ö, ba möi khöra Datenai, kumandru ba danö yefo Oifarati, tanö andre, ba Sitara-Bosinai ba awöra, ba lamane khöra: Ha niha zanehe khömi folau osali andre, awö wangasiwai öli kara andrö?

4 Ba lamane na göi: Ha niha döi niha andrö, sotomo?

5 Ba ihörö-hörögö wolau niha Yehuda andrö Lowalangira, ba tobali tebai latenaŵa ira, irege no irongo huhuo andrö Dario, ba irege ifa'ohe'ö khöra zura, hadia niŵa'önia.

II. Sura Datenai khö Dario.

[edit | edit source]

II. 6 Da'e zura andrö, nifa'ohe'ö Datenai, kumandru ba danö yefo Oifarati tanö andre ba Sitara-Bosinai ba awönia andrö, banua Gafarasekhi, si so ba danö yefo Oifarati tanö andre, nifa'ohe'ö khö razo Dario—fangombakha khönia,

7 lamane ba zura andrö —: "Khö razo Dario, ya ahowu!

8 Böi zi lö irongo, razo, wa no möiga ba danö mado Yuda, ba gosali Lowalangi sebua andrö; la'otomosi gosali andrö, kara sebua, kara nitoto, ba lahare'ö yaŵa mbuatö: owölö-ölö sibai ira ba halöŵö andrö ba alio tedou ba dangara.

9 Ba no masofu ba zatuara, no mamane khöra: Ha niha zanehe khömi folau osali andre, awö wangasiwai öli kara andrö?

10 Ba he töira göi, ba no masofu khöra, ba wangombakha khöu, ba no mabe'e ba zura khöu döi högöra andrö.

11 Ba no lamane wangombakha khöma: Enoni Lowalangi andrö ndra'aga, si no Lowalangi zorugo ba Lowalangi danö, ba mafuli malau gosali andrö, si no mulau föna, ha uga götö niha fönama, me ilau razo Ndraono Gizeraeli, sebua, ba me i'asiwai. [2]

12 Ba me no la'andrö wönu Lowalangi zorugo andrö ira tuama, ba ibe'e ira ba danga Nebukanesa, razo Mbabeli, Dawa Galedaia; da'ö zanudugö osali andrö ba sangoloi'ö niha ba Mbabeli. [3]

13 Ba me awena razo Giro andrö, razo Mbabeli, me lö döfi na, ba itehe razo Kiro andrö lafuli lalau gosali Lowalangi andre. [4]

14 Ba he gama-gama andrö, ba gosali Lowalangi, ana'a ba firö, ni'oloi'ö Nebukanesa moroi ba gosali ba Yeruzalema, nibe'enia ba gosali ba Mbabeli, ibe'e baero razo Kiro, ihalö ba gosali ba Mbabeli, ba tebe'e ba danga nifataronia kumandru andrö, Sesibasa döinia.

15 Ba ibe'e li khönia, imane: 'Halö gama-gama andre, ba ae'e, ba be'e ba gosali ba Yeruzalema; ba lafuli lalau gosali Lowalangi ba nahania föna.'

16 Ba möi Zesibasa andrö, ibe'e tou doyo gosali Lowalangi, ba Yeruzalema, ba i'otarai luo da'ö, ba la'otomo-tomosi ia, ba lö sawai na.

17 Ba iya'e, ba na omasi razo, ba ndra mu'alu-alui ba nomo girö-girö andrö, khö razo, ba da'ö, ba Mbabeli, na si ndruhu si manö, na no itehe razo Kiro, lalau gosali Lowalangi andrö, ba Yeruzalema; ba yamufarongogö khöma dödönia ba huhuo andrö."

Famotokhi ba gahe

[edit | edit source]
  1. Hag 1:1; Sakh 1:1
  2. RazI 6:1
  3. RazII 24:10 b.t.
  4. F. 1:1

Fabaliŵa lala

[edit source]

Olayama Esera: 12345678910

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö