Wb/nia/Esera/1
I. Itehe khöra wangawuli ba danöra ba folau osali Kiro, razo Weresia.[edit | edit source]
I. 1 Ba me awena razo Giro andrö, razo Weresia — lö döfi na — ena'ö itörö li Yehowa andrö, nifa'ema Yeremia — ba ibe'e ba dödö Giro, razo Weresia, Yehowa wame'e oroisa ba mbanuania fefu—nifa'ohe'ö sura göi—imane: [1]
2 Da'e niŵa'ö Giro, razo Weresia: Fefu gamatöröŵa ba guli danö, ba no ibe'e khögu Yehowa, Lowalangi zorugo, ba ya'ia zanguma'ö khögu wolau osali khönia ba Yeruzalema ba danö mado Yuda.
3 Ba ha niha ba khömi mbanuania, ba yamutolo ia Lowalanginia, ba yamöi misi yaŵa ba Yeruzalema ba yamulau gosali andrö khö Yehowa, Lowalangi Ndraono Gizeraeli; da'ö Lowalangi andrö, ba Yeruzalema.
4 Ba ha niha zi tosai na, ba mbanua heza, fefu, si fatewu ia, ba ndramutolo ia banuara, firö ba ana'a ba balazo ba urifö, lö lai nibe'e saoha gölö, balazo gosali Lowalangi andrö, ba Yeruzalema.
II. Mangawuli niha Yehuda ösa. Ibe'e khöra gama-gama ni'amoni'ö andrö Kiro.[edit | edit source]
II. 5 Ba maoso zatua ngafōē mado Yuda ba mado Mbeniyami ba ere ba Ono Lewi — dozi nibe'e Lowalangi ba dödö fe'amöi misi yaŵa, ba wolau osali Yehowa ba Yeruzalema.
6 Ba dozi niha si so ba ngaira, ba latolo ira gama-gama firö ba ana'a ba balazo ba urifö ba aya, lö lai fefu hadia ia nibe'e saoha gölö.
7 Ba razo Kiro, ba ibe'e baero gama-gama andrö ba gosali Yehowa, ni'oloi'ö Nebukanesa mege, nihalö ba Yeruzalema, nibe'enia ba gosali Lowalanginia. [2]
8 Da'ö nibe'e Giro, razo Weresia, ba danga Miteredata sangirö ana'a, ba da'ö zangofaya khö zalaŵa mado Yuda Sesibasa [Serubabeli]. [3]
9 Ba da'e wa'oya: 30 wiga ana'a ba 1.000 wiga firö ba 29 gali
10 ba 30 mako ana'a, ba 410 mako firö, ba 1.000 ngawua gama-gama bö'ö, 11— oruduania ba no 5400 ngawua gama-gama ana'a ba gama-gama firö. Da'ö fefu ni'ohe Zesibasa misi yaŵa, me te'ohe mangawuli ba Yeruzalema ni'oloi'ö andrö, moroi ba Mbabali.
Famotokhi ba gahe[edit | edit source]
Fabaliŵa lala[edit source]
Olayama Esera: 1 • 2 • 3 • 4 • 5 • 6 • 7 • 8 • 9 • 10
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö