Wb/nia/Esera/10
Laŵa'ö wangehao satua.[edit | edit source]
I. 1 Ba me imanö wangandrö Esera, me mege-ege ia, wangombakha horö andrö, me no ifalögu tou ia ba danö, ba no ato sibai zowulo khönia Iraono Gizeraeli, ira matua ba ira alawe ba iraono, oi sa sege-ege sibai niha sato [göi].
2 Ba humede Zekhania, ono Yehi'eli, ma'uwu Gelama, imane khö Gesera: No molalö ndra'aga khö Lowalangida, me no mahalö ndra alawe bö'ö, ba niha ba danö; ba so zui na dötönafö ba Ndraono Gizeraeli, ba da'ö.
3 Ba datafabu'u khö Lowalangida, tatibo'ö ndra alawe andrö fefu, fabaya onora, dali niŵa'ö zokhö ya'o, awö niŵa'ö zangata'ufi oroisa Lowalangida andrö; oroisa ni'o'ö.
4 Faoso, khöu mangawuli huhuo andrö, ba matolo'ö; abe'e'ö dödöu ba labu!
5 Ba maoso Gesera, ba ibe'e ba hölu zatua gere ba satua Nono Lewi ba satua Ndraono Gizeraeli fefu, ba wolo'ö da'ö; ba möi ira ba hölu.
6 Ba mofanö Gesera, iröi nahania andrö, föna gosali Lowalangi, möi ia ba mbate'e Yohanano andrö, ono Geliasibi. Ba da'ö mörö ia, lö manga ia ba lö ibadu nidanö; me no abu dödönia ba horö zangawuli andrö.
II. Lafabu'u niha sato fefu, la'efa'ö ndrongara andrö, niha baero.[edit | edit source]
II. 7 Ba lafakaoni'ö mado Yuda ba banua Yeruzalema, awö dozi si no mangawuli moroi ba ni'oloi'ö ya'ira mege, enaö la'owuloi ira ba Yeruzalema.
8 Ba si lö so, na no aefa dua wongi. Si lö molo'ö niŵa'ö zatua ba salaŵa, ba labe'e balazo gosali zi so khönia, fefu, ba ya'ia, ba ni'efa'ö banua zangawuli andrö.
9 Ba owulo ndra matua mado Yuda ba mado Mbeniyami fefu, ba Yeruzalema, me no aefa dua wongi; ba zi dua wulu ba mbaŵa si siŵa. Ba no dumadao niha sato fefu ba golayama, föna gosali Lowalangi, manizi-nizi ira, börö huhuo andrö ba he teu.
10 Ba maoso Gesera ere, ba imane khöra: No molalö ami, no mihalö ndra alawe bö'ö, ba wonönö na horö Ndraono Gizeraeli. [1]
11 Ba mitehe iada'e [horömi], khö Yehowa Lowalangi ndra tuami, ba mi'o'ö zomasi ia, wamabali ya'ami ba niha ba danö ba ba ndra alawe bö'ö andrö.
12 Ba latema linia niha sato fefu, ebua lira, lamane: Ya'itörö niŵa'öu!
13 Ba niha, ba no ato, ba no baŵa deu, tobali tebai baero manö so ita; ba tenga göi ha ma'öma'ökhö ba tenga ha dua ngaluo wangasiwai huhuo andre, me no oya ngawalö lalöda nifatunö.
14 Ba alakha lahuhuo'ö satuada, salahi zato, ba banuada fefu, si no mangai ira alawe bö'ö, ba akha lafa'aso'aso ira ba ginötö niŵa'ö khöra, awö zatua ba awö zanguhuku ba mbanuara, irege alö wönu Lowalangida khöda, ba golalöŵa andrö.
15 Ba ha Yonata, ono Gazaheli ba Yehasia, ono Dikiwa, zamadaö da'ö; ba si fa'awö khöra, ba Mesula ba Sabata'i, Ono Lewi.
III. Lafalua wangefa'ö.[edit | edit source]
III. 16 Ba la'o'ö da'ö si no mangawuli moroi ba ni'oloi'ö ya'ira mege. Ba itutuyu khönia niha Esera ere, högö ngafura andrö, oi nitötöi töi, ba falukha ira, ba zi sambua desa'a ba mbaŵa si fulu, ba wanguhuhuo'ö da'ö.
17 Ba irugi zi sambua desa'a ba mbaŵa si föföna, ba awai huhuo ba niha andrö fefu, si no mangai ira alawe bö'ö.
18 Ba da'e nga'ötö gere, si no mangai ira alawe bö'ö: Ma'uwu Yesua, ono Yosadaki, ba ma'uwu dalifusönia: Ma'aseya ba Eli'ezeri ba Yaribi ba Gedalia.
19 Da'ö zondra'u tanga ndra Esera, lafabu'u latibo'ö ndra alawera andrö ba sageu labe'e biri-biri si matua ömöra ba lalöra andrö.
20 Ba ma'uwu Imeri, ba Hanani ba Sebadia.
21 Ba ma'uwu Harimi, ba Ma'aseya ba Elia ba Semaya ba Yehi'eli ba Usia.
22 Ba ma'uwu Wasuri, ba Eliyo'enai ba Ma'aseya ba Sima'eli ba Netane'eli ba Yosabada ba Eleasa.
23 Ba Ono Lewi, ba Yosabada ba Sime'i ba Kelaya — ya'ia Kelita andrö — ba Fetaya ba Yuda ba Eli'ezeri.
24 Ba sanunö andrö, ba Eliasibi. Ba sanaro ba mbawandruhö, ba Salumi ba Telemi ba Uri.
25 Ba Iraono Gizeraeli sato: Ma'uwu Wareo, ba Ramia ba Yisia ba Malakhia ba Miyamini ba Eleazari ba Malakhia ba Benaya.
26 Ba ma'uwu Gelama, ba Matania ba Sakharia ba Yehi'eli ba Abidi ba Yeremoto ba Elia.
27 Ba ma'uwu Zatu, ba Eliyo'enai ba Eliasibi ba Matania ba Yeremoto ba Sabada ba Asisa.
28 Ba ma'uwu Mbebai, ba Yohanano ba Hanania ba Sabai ba Atalai.
29 Ba ma'uwu Mbani, ba Mesula ba Malukha ba Adaya ba Yasubi ba Seala ba Yeramoto.
30 Ba ma'uwu Wahata-Moabi, ba Adena ba Kelala ba Benaya ba Ma'aseya ba Matania ba Besale'eli ba Binui ba Manase.
31 Ba ma'uwu Harimi ba Eli'ezeri ba Yisia ba Malakhia ba Semaya ba Simeoni,
32 ba Beniyami ba Malukha ba Semaria.
33 Ba ma'uwu Hasumi, ba Matanai ba Matata ba Sabada ba Elifeleti ba Yeremai ba Manase ba Sime'i.
34 Ba ma'uwu Mbani, ba Ma'adai ba Ameramo ba Ueli,
35 ba Benaya ba Bedia ba Keluhi
36 ba Wania ba Meremoto ba Eliasibi
37 ba Matania ba Matanai ba Ya'asai
38 ba Bani ba Binui ba Sime'i
39 ba Selenia ba Natano ba Adaya
40 ba Makhanadabai ba Sasai ba Sarai
41 ba Asare'eli ba Selemia ba Semaria
42 ba Salumi ba Amaria ba Yosefo.
43 Ba ma'uwu Nebo, ba Yeïeli ba Matitia ba Sabada ba Sebina ba Yada'i ba Yo'eli ba Benaya.
44 Oi si no mangai ira alawe bö'ö da'ö, ba so zi no mo'ono ösa, ira alawe andrö.
Famotokhi ba gahe[edit | edit source]
- ↑ MozV 7:3
Fabaliŵa lala[edit source]
Olayama Esera: 1 • 2 • 3 • 4 • 5 • 6 • 7 • 8 • 9 • 10
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö