Jump to content

Wb/nia/Esera/6

From Wikimedia Incubator
< Wb‎ | nia‎ | Esera
Wb > nia > Esera > 6

I. Itolo sibai Dario, ba wolau osali.

[edit | edit source]

I. 1 Ba ibe'e li razo Dario ena'ö la'alui ba naha zura andrö, ba ni'irö'ö göi girö-girö ba Mbabeli.

2 Ba lasöndra zura ba gödo ba Gameta, ba danö Media, mane nösinia:

3 "Nitanö ba dödö: Me awena razo Giro, me lö döfi na, ba ibe'e goroisa, imane: 'Osali andrö ba Yeruzalema, — lafuli lalau gosali andrö, naha ba nibe'e-be'e sumange, Toyonia ba böi mangiwa. Fa'alaŵania, ba 60 hela, ba fa'ebolonia, ba 60 hela göi:

4 Tölu winaeta gara sebua, kara nitoto, ba sawinaeta geu balo, ba balazonia, ba ba gödo razo lahalö.

5 Ba nifuli göi gama-gama andrö ba gosali Lowalangi, ana'a ba firö, ni'oloi'ö Nebukanesa moroi ba gosali ba Yeruzalema, ni'ohenia ba Mbabeli, ena'ö ba nahania ba gosali ba Yeruzalema labe'e fefu; ba gosali Lowalangi öbe'e'.

6 Ba böi mihatö'ö ami khöra — ya'ugö Tatenai, kumandru ba danö yefo Oifarati, ba ya'ugö Sitara-Bosinai ba awömi andrö, banua Gafarasekhi, ba danö yefo Oifarati.

7 Böi mitenaŵa halöŵö ba gosali Lowalangi andrö; alakha lafuli lalau gosali Lowalangi andrö, ba nahania föna, kumandru niha Yehuda andrö ba satua niha Yehuda.

8 Ba no ube'e li ba nibe'e ba zatua niha Yehuda andrö, ba wolau osali Lowalangi andrö. Ahori la'ali khöra mbalazo andrö; sinema razo, beo andrö ba danö yefo Oifarati labe'e, ba böi sarörö!

9 Ba hadia zoguna, he ono saŵi si matua, ba he biri-biri si matua ba ono mbiri-biri, sumange nitunu khö Lowalangi zorugo, ba gandru ba asio ba agu ba fanikha, ba tenga ni'ambösi wame'e khöra, ero ma'ökhö, dali niŵa'ö gere andrö, ba Yeruzalema,

10 ena'ö labe'e khö Lowalangi zorugo zumange samohua, ba ena'ö la'andrö wa'anau noso razo ba fa'anau noso nga'ötönia.

11 Ba no ube'e li: na so zowu'ai oroisa andrö, ba ladeha zara mbuatö ba nomonia ba laforöfa ia ba mbuatö andrö, ba omonia, ba labali'ö oboula fangatabö zinanö, börö da'ö.

12 Ba Lowalangi andrö, samonahia töinia ba da'ö, ba yamutimba zalaŵa fefu, awö soi fefu, sangoro'ö tangara, ba wowu'ai, ba ma ba wanudugö osali Lowalangi andrö, ba Yeruzalema; Ya'odo andre, Dario, zame'e oroisa andre, ba nihaogö famalua."

II. Mofozu wotomo, ba la'asiwai ba la'amoni'ö gosali.

[edit | edit source]

II. 13 Ba la'o'ö sibai sa'ae goroisa andrö, no mege, nibe'e razo Dario, ira Tatenai, kumandru ba danö ba zi tambai Oifarati, Sitara-Bosinai, ba awöra andrö.

14 Ba motomo zatua niha Yehuda ba tedou domosa; fangabe'era wama'ele'ö ndra Haga'i sama'ele'ö, Sakharia ono Ido. Ba la'asiwai gosali, dali goroisa Lowalangi Ndraono Gizeraeli ba oroisa ndra Kiro, Dario, Aretazasa, razo Weresia.

15 Ba ba zi medölu, ba mbaŵa Adara, me no alua melima fakhe razo Dario, razo [Weresia], awai gosali andrö.

16 Ba lalau we'amoni'ö osali Lowalangi andrö Iraono Gizeraeli — ere ba Ono Lewi, awö niha bö'ö andrö, si no mangawuli moroi ba ni'oloi'ö ya'ira mege, omuso dödöra.

17 Ba labe'e sumange ba we'amoni'ö osali Lowalangi andrö: 100 nga'eu zaŵi si matua ba 200 nga'eu mbiri-biri si matua ba 400 rozi nono mbiri-biri; ba sumange fameta horö, ba Ndraono Gizeraeli fefu, ba 12 nga'eu nambi si matua, i'ohia'ö wa'oya mado Ndraono Gizeraeli.

18 Ba lafataro gere andrö, dali mbosira, ba Ono Lewi, dali ngenolira, ba halöŵö andrö khö Lowalangi, ba Yeruzalema, dali nifakhoi andrö ba zura Moze. [1]

III. Lalau wasa.

[edit | edit source]

III 19 Ba lalau wasa si no mangawuli moroi ba ni'oloi'ö ya'ira mege, ba zi meweleöfa ba mbaŵa si föföna lalau. [2]

20 Noa sa lahaogö ira ere ba Ono Lewi, dozi; oi si no muhaogö ira. Ba lataba wasa tana ba zi no mangawuli andrö moroi ba ni'oloi'ö ya'ira mege fefu, ba tana ba dalifusöra ere andrö, ba tana khöra.

21 Ba la'a Iraono Gizeraeli, si no mangawuli moroi ba ni'oloi'ö ya'ira mege, awö dozi si no mangondrasi ya'ira, si no mangoniagö ya'ira ba wa'ara'i-ra'iö niha baero andrö ba danö, ba wangalui Yehowa, Lowalangi Ndraono Gizeraeli.

22 Ba lalau gowasa roti si lö mu'aisöni andrö, fitu ngaluo, ba somuso tödö ira. Noa sa omuso sibai dödöra ibe'e Yehowa, me no idönisi khöra dödö razo Asiria, ba wanolo ya'ira ba halöŵöra andrö, ba gosali Lowalangi Ndraono Gizeraeli.

Famotokhi ba gahe

[edit | edit source]
  1. MozIV 3:6
  2. MozII 12:6

Fabaliŵa lala

[edit source]

Olayama Esera: 12345678910

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö