Wp/mag/विकिपीडिया:उत्कृष्ट लेख निर्माण
| पाठक सहायता |
|---|
 |
ई पन्ना मगही विकिपीडिया पर एगो बढ़ियाँ लेख बनावेला लेखन सम्बन्धी सामान्य नियम आउ निर्देशके जानकारी दे हे ।
कृपया कौनो सुझाव देवेला बार्तापन्नाके प्रयोग करी । कौनो तथ्य सम्बन्धी पाठ जोड़ेला सन्दर्भ अवश्य डाली ।
शीर्षकके चुनाव
[edit | edit source]- लेखके निर्माण करैत खन्नि ओकर नाम मगहियेमे रखी । अन्य भाषाके शब्द जे मगहीमे बड्ड प्रचलित हे आउ मगहीमे पूर्णरूपेण बिलीन हो गेलहे, ऊसभके उहे रूपमे उल्लेख कैल जा सकहे । जैसे हजार, प्लेटफार्म आदि । गैर-मगही नामला लेखके शीर्षक हेतु ऊ बर्तनी प्रयोग करी जे शुद्ध मानल जाहे । अन्य बर्तनी अथवा पर्यायशब्दके उचित शीर्षक पर पुनर्निर्देशित कैल जायेके चाही ।
- अङ्ग्रेजीके लघुरूप (एक्रोनिम) नामसे शीर्षक नै रखल जाये, बल्कि पूरानामके प्रयोग कैल जाये जे अधिक प्रचलित हे । जैसेकि अन्तर्राष्ट्रिय ध्वन्यात्मक वर्णमाला (अ॰ध्व॰व, आईपीए न), सञ्जुक्तराष्ट्र (सं॰रा॰, यूएनओ न) । अन्य नाम / बर्तनी वाला नामके उचित शीर्षक पर पुनर्निर्देशित कर दी । लेखके नाममे यदि कौनो शब्दके सङ्क्षिप्तरूप लिखे पड़े त उपयुक्त चिन्ह, लाघव चिन्ह (॰) के प्रयोग कैल जायेके चाही, लातिनी बिराम (.) न । उदाहरणला "डॉ॰ राजेन्द्र प्रसाद" लिखी, "डॉ. राजेन्द्र प्रसाद" न ।
- लेखके नाम खाली देवनागरी लिपियेमे रखी ।
लेखन शैली
[edit | edit source]बोली, मानकभाषा आउ बाह्य शब्द
[edit | edit source]मगही विकिपीडिया पर यथासम्भव मगहीके खाँटी अथवा ठेठ शब्द प्रयोग करैत एकर मानकरूप (पटना-गयाके बोली) के प्रयोग करी ।
किन्तु मगहीके अन्य रूप -
- टलहा मगही - मोकामा, बाढ़, लखीसरायके बोली
- सोनतरिया मगही - सोननदी किनारे पटना, अरवल, औरङ्गाबादके बोली
- जङ्गली मगही - राजगीर, गया, छोटानागपुरके जङ्गलीभागके बोली
- खोरठा - चतरा, हजारीबाग, कोडरमा, गिरिडीह, रामगढ़, बोकारो, धनबादके बोली
केयो छटा लौकेके चाही, बिशेष करके ऊसभ लेखमे जे ईसभ बोली अथवा स्थानसे सम्बन्धित हे । जैसेकि लोकनायक जयप्रकाश बिमानस्थल लेख पर पटनाके बोली, किन्तु पारसनाथ लेख पर खोरठाके अधिकता रहेके चाही ।
यदि कौनो शब्द मगहीमे बिद्यमान नै हे त, बाहरी शब्द सन्स्कृत (तत्सम शब्द), प्राकृत, अन्य सम्बन्धित भारतीयभाषा अथवा बिदेसियोभाषासे लेल जा सकहे । बिशेष करके कौनो बिषयके तकनीकी शब्दला मगही शब्द न रहेपर तत्समे शब्द प्रयोग करी ।