Wp/mag/विकिपीडिया:नित्य पूछल जायेवाला प्रश्न
| पाठक सहायता |
|---|
 |
विकिपीडिया की हे?[edit | edit source]
विकिपीडिया एगो मुक्त ज्ञानकोश हे जे बिश्वभरके ऊ लाखसभ जोगदानकर्ता द्वारा लिखल जाहे जे ज्ञानके बाँटे आउ ओकर प्रसार करमे बिश्वास रखहथ । विकिपीडियाके प्रत्येक लेख आउ सामग्रीके पीछे लाखसभ लोगके कठिन प्रयास आउ ज्ञान निहित हे । अखनि अङ्ग्रेजी विकिपीडिया सबसे बड़ आउ बिशाल ज्ञानकोश हे जौनमे ५० लाखसे अधिक लेख हे । मगही विकिपीडिया पर लेखके सङ्ख्या २ हजारसे बेसी हे । विकिपीडिया परियोजना २० भारतीय भाषा सहित बिश्वके २७९ सेयो अधिक भाषामे उपलब्ध हे । विकिपीडियामे हर लेख स्वयंसेवकके एगो बड़ सङ्ख्यामे कैल गेल सहयोगी सम्पादनके परिणाम हे ।
विकि की हे?[edit | edit source]
विकि साफ्टवेयर् वार्ड् कुन्निगं द्वारा १९९४ मे बिकसित कैल गेलहल । तखनि ऊ विकिजाल साफ्टवेयर् बिकसित करके एकरा २५ मार्च १९९५ के www.c2.com नामक जालस्थल पर प्रस्तुत कैलन हल । ऊ अपने एकराला विकि नामके सुझाव देलन हल । ऊ ई नाम होनोलुलु द्वीप पर स्थित बिमानस्थलके एक कर्मचारीसे सुनलन, जे ऊ बिमानस्थलके दूनो सिराके बीच चलेवाला बस विकिविकि चान्स् आर् टी ५२ के बारेमे बतौलक । विकिके अर्थ हवाईयनभाषामे तीव्रगति होवहे ।
सामान्यतः अन्तर्जालमे कौनो जालस्थल पर कोई जानकारी देवेला अथवा सुरक्षित रखेला हमनी जालस्थलके स्वामीसे अनुमति लेवे पड़है किन्तु विकि एगो ऐसन साफ्टवेयर् हे जे सभके कौनो प्रकारके प्रतिबाधासे मुक्त रखके बिन कौनो तकनीकी ज्ञान आउ बिशेषाधिकारके कैसनो सूचना सामग्रीके जोड़े, सन्शोधित करे एवं पुन: हटावेके सुविधा उपलब्ध करावहे । काहेकि कौनो विकि साफ्टवेयर् पर सूचना सामग्री डालल अत्यन्त सरल हे जे कारण ई सहयोगात्मक संलेखनला एगो सर्वोत्तम उपकरण हे ।
की विकि आउ विकिपीडिया एके हे?[edit | edit source]
विकि आउ विकिपीडिया एके सन्स्था अथवा नाम न हे । चूँकि विकि साफ्टवेयर् सहयोगात्मक संलेखनला एगो सर्वोत्तम उपकरण हे एहिसे विकिपीडिया जे कि एगो मुक्त ज्ञानकोश हे, सूचना सामग्री जोड़े वा हटावेला एकर प्रयोग करहे । विकिपीडिया खाली ऊ जालस्थलमे से एक सबसे अधिक प्रसिद्ध आउ बिशाल जालस्थल हे जो विकि साफ्टवेयरके प्रयोग करहे । ई चलते ढेर लोग ई मान ले हथ कि विकि आउ विकिपीडिया दूनो एके हे किन्तु ई सत्य न हे ।
अन्य विकि परियोजना[edit | edit source]
विकिमीडिया सन्स्थाके मगहियोमे ढेर परियोजना पर काम चलैत हे जैसे मगही विकिपीडीया, मगही विकिकोश, मगही विकिसूक्ति आदि । विकिपीडियाके सफलताके बाद विकिमीडिया सन्स्था कुछ आउ विकि परियोजनाके आरम्भ कैलक हे:
- विकिस्रोत - मुक्त स्त्रोत सामग्री, बिभिन्न आन्लाइन् पुस्तकके सङ्ग्रहला एगो मुक्त सङ्ग्रहालय
- विकिपुस्तक - नया पुस्तकके रचना आउ निःशुल्क पुस्तक आउ उपयोगी सामग्री हेतु
- विकिसूक्ति - बिभिन्न मुहाउरा आउ कहौतियाके सङ्कलन हेतु
- विकिबिश्वबिद्यालय- निःशुल्क पठन सामग्री आउ पठन क्रियाकलाप हेतु
- विकिकोश - एगो शब्दकोष एवं समानान्तर कोष, बिभिन्न भाषासे मगहीभाषामे एगो बिशाल शब्दकोष निर्माण हेतु
- विकियात्रा - एगो जतरा निर्देशिका
मगहीमे कौन-कौन विकि परियोजना सक्रिय हे?[edit | edit source]
निम्नलिखित परियोजना लागि विकिमीडिया ऊष्मानियन्त्रक पर मगहीभाषामे काम चलैत हे:
ई मगहीमे विकिके सबसे अधिक सक्रिय परियोजना हे ।
ई परियोजना मगहीमे बिभिन्न शब्द, पर्यायवाची, विलोम, व्युत्पत्ति आदिके परिभाषा बनावे हेतु हे ।
ई परियोजना बिभिन्न लोकोक्ति, मुहाउरो आउ कहौतियाके सङ्ग्रह हे ।