Wp/cop/Ⲁⲣⲭⲏϩⲟ

Ⲕⲁⲗⲱⲥ ⲁ̀ⲧⲉⲧⲉⲛⲓ

ⲉ̀ϯⲞⲩⲓⲕⲓⲡⲉⲇⲓⲁ̀ ⲙ̀ⲙⲉⲧⲣⲉⲙⲛ̀ⲭⲏⲙⲓ

Ϣⲁⲡⲁⲓⲛⲁⲩ ⲟⲩⲟⲛⲧⲉⲛ 1,594 ⲛ̀ⲟⲩⲱ̀.

Ⲡⲓⲟⲩⲱ̀ ⲉⲑⲛⲁⲛⲉϥ

Ⲭⲏⲙⲓ (ϧⲉⲛϯⲙⲉⲧⲁ̀ⲣⲁⲃⲟⲥ: مِصر ⲙⲓⲥⲣ) ⲟⲩⲭⲱⲣⲁ ⲉⲥⲭⲏ ϧⲉⲛϯⲀ̀ⲫⲣⲓⲕⲏ ⲛⲉⲙϯⲀ̀ⲥⲓⲁ̀. Ⲭⲏⲙⲓ ⲟⲩⲭⲱⲣⲁ ϧⲉⲛⲡⲓⲥⲛⲁⲩ ⲛ̀ⲑⲟ ⲧⲉ ⲉ̀ⲧⲉ ⲟⲩⲟⲛⲧⲁⲥ ⲟⲩϭⲓⲏ̀ ⲛⲉⲙⲡⲓⲧⲉⲃⲓ ⲛ̀Ⲅⲁⲍⲁ ⲛⲉⲙⲡⲒⲥⲣⲁⲏⲗ ϧⲉⲛⲡⲓⲉⲙϩⲓⲧⲓⲉⲃⲧ ⲟⲩⲟϩ ⲛⲉⲙⲡⲓⲕⲟⲗⲡⲟⲥ ⲛ̀Ⲁⲗⲁ̀ⲭⲁⲡⲁ ϧⲉⲛⲡⲓⲓⲉⲃⲧ ⲟⲩⲟϩ ⲛⲉⲙⲪⲓⲟⲙ ⲛ̀ϣⲁⲣⲓ ϧⲉⲛⲡⲓⲉⲃⲧ ⲛⲉⲙⲫⲣⲏⲥ ⲟⲩⲟϩ ⲛⲉⲙⲠⲁⲛϩⲱⲥⲓ ϧⲉⲛⲫⲣⲏⲥ (ⲡⲓϣⲟⲙⲧ ⲛ̀ⲭⲟϩ ⲛ̀ϩⲁⲗⲁⲏⲃ ⲡⲉ ⲡⲓⲙⲁ ⲛ̀ⲧⲱⲛ) ⲟⲩⲟϩ ⲛⲉⲙϯⲖⲩⲃⲏ ϧⲉⲛⲡⲉⲙⲉⲛⲧ. ⲡⲒⲟⲣⲇⲁⲛⲏⲥ ⲛⲉⲙϯⲘⲉⲧⲟⲩⲣⲟ ⲛ̀ⲛⲓϣⲉⲛ̀ⲥⲁⲩⲟⲩⲧ ⲟⲩⲟⲛ ⲟⲩϭⲓⲏ̀ ⲙ̀ⲙⲱⲟⲩ ⲛⲉⲙⲬⲏⲙⲓ ϩⲓⲧⲉⲛⲪⲓⲟⲙ ⲛ̀ϣⲁⲣⲓ ⲙ̀ⲙⲁⲩ ⲟⲩⲟϩ ϯⲈⲗⲗⲁⲥ ⲛⲉⲙⲦⲟⲩⲣⲕⲓⲁ̀ ⲛⲉⲙⲔⲩⲡⲣⲟⲥ ⲟⲩⲟⲛ ⲟⲩϭⲓⲏ̀ ⲙ̀ⲙⲱⲟⲩ ⲛⲉⲙⲬⲏⲙⲓ ϩⲓⲧⲉⲛⲪⲓⲟⲙ ⲉⲧϧⲉⲛⲑⲙⲏϯ ⲙ̀ⲙⲁⲩ. Ϣⲉ ⲙ̀ⲙⲓⲗⲓⲱⲛ ⲛ̀ⲣⲱⲙⲓ ⲥⲉϩⲉⲙⲥⲓ ϧⲉⲛϯⲭⲱⲣⲁ. Ϯⲙⲏⲧⲣⲟⲡⲟⲗⲓⲥ ⲧⲉ ϯⲔⲉϣⲣⲱⲙⲓ. Ⲡⲓϩⲩⲅⲟⲩⲙⲉⲛⲟⲥ ⲛ̀ⲣⲉⲙⲛ̀ⲭⲏⲙⲓ ⲡⲉ Ⲁⲡⲧⲉⲗϥⲉⲑⲁϩ Ⲁⲥⲓⲥⲓ ⲉⲧⲁϥϭⲓⲉⲣϣⲓϣⲓ ⲉⲑⲃⲉⲡⲓⲣⲱϧⲧ ⲙ̀ⲙⲁⲧⲟⲓ ϧⲉⲛ2013.

Ϯⲥⲧⲟⲣⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲟⲩⲛⲓϣϯ ⲧⲉ ⲛⲉⲙⲡⲁⲓⲙⲁ ⲡⲉ ⲡⲓⲙⲁ ⲛ̀ϩⲗⲟⲗⲓ ⲙ̀ⲡⲓϫⲓⲛⲱⲛϧ. Ϥⲱⲗⲓ ⲛ̀ⲛⲓⲕⲱⲧ ⲛ̀ⲥⲱⲓⲧ ϩⲱⲥ ⲛⲓⲡⲩⲣⲁⲙⲓⲥ ⲛⲁϯⲠⲉⲣⲥⲓⲟⲥ, Ⲡⲉⲗϩⲱⲛ, ⲛⲉⲛⲱⲛⲓ ⲛ̀ⲧⲉⲛⲓⲃⲁⲕⲓ Ⲙⲉⲛϥⲓ, ⲡⲓⲰ̀ⲡⲓ ⲛⲉⲙⲚⲏ, ϯϦⲉⲗⲗⲟⲧ ⲛ̀ⲧⲉⲛⲓⲟⲩⲣⲱⲟⲩ ⲛⲉⲙϩⲁⲛⲕⲉⲭⲱⲟⲩⲛⲓ. ⲚⲉⲬⲏⲙⲓ ⲡⲉ ⲟⲩⲁⲓ ⲉ̀ⲃⲟⲗ ϧⲉⲛⲛⲓϣⲟⲣⲡ ⲙ̀ⲙⲏϯ ⲙⲉⲧⲭⲣⲓⲥϯⲁⲛⲟⲥ ⲁⲗⲗⲁ ⲁⲩⲉⲣⲙⲱⲥⲗⲏⲙ ⲙ̀ⲙⲟⲥ ϧⲉⲛⲍ̅ ⲛ̀ⲉ̀ⲱⲛ ⲟⲩⲟϩ ⲙ̀ⲫⲟⲟⲩ ϯⲁⲥⲡⲓ ⲛ̀ⲁⲩⲑⲉⲛⲧⲓⲕⲟⲥ ⲧⲉ ϯⲙⲉⲧⲁⲣⲁⲃⲟⲥ ⲟⲩⲟϩ ⲡⲓⲛⲓϣϯ ⲛ̀ⲑⲣⲉⲥⲕⲓⲁ̀ ⲡⲉ Ⲡⲁⲗⲓⲥⲗⲁⲙ.

Ⲟⲩ ⲧⲉ ϯⲙⲉⲧⲣⲉⲙⲛ̀ⲭⲏⲙⲓ?

[ⲟⲩⲱⲛ]

Ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ϣⲁⲛϯⲁⲥⲡⲓ ⲛ̀ⲕⲩⲡⲧⲁⲓⲟⲛ ⲟⲩⲁⲥⲡⲓ ⲉ̀ⲁⲩⲥⲁϫⲓ ⲙ̀ⲙⲟⲥ ⲉ̀ⲃⲟⲗ ϩⲓⲧⲉⲛⲟⲩⲙⲏϣ ⲛ̀ⲗⲁⲟⲥ ϧⲉⲛⲬⲏⲙⲓ ϣⲁ17 ⲛ̀ⲉ̀ⲱⲛ. Ⲙ̀ⲫⲟⲟⲩ ⲑⲁⲓ ⲧⲉ ϯⲁⲥⲡⲓ ⲛ̀ⲁⲩⲑⲉⲛⲧⲓⲕⲟⲥ ⲛ̀ⲧⲉϯⲉⲕⲕⲗⲏⲥⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲟⲣⲑⲟⲇⲟⲝⲟⲥ ⲟⲩⲟϩ ϩⲁⲛⲟⲩⲟⲛ ⲉⲩⲉ̀ⲙⲓ ⲉ̀ⲣⲟⲥ ⲁⲗⲗⲁ ⲉⲩⲙⲉⲩⲓ ⲉ̀ⲣⲟⲥ ϫⲉⲟⲩⲗⲁⲥ ⲉⲑⲙⲱⲟⲩⲧ. Ϯⲙⲉⲧⲣⲉⲙⲛ̀ⲭⲏⲙⲓ ⲟⲩⲁⲓ ⲉ̀ⲃⲟⲗ ϧⲉⲛⲛⲓⲗⲁⲥ ⲛ̀ⲁ̀ⲡⲁⲥ ⲛ̀ⲧⲉⲡⲓⲕⲟⲥⲙⲟⲥ ⲧⲉ oⲩⲟϩ ϯⲁⲥⲡⲓ ⲛ̀ⲕⲩⲡⲧⲁⲓⲟⲛ ⲧⲉ ⲧⲉⲥⲃⲁⲥⲓⲥ ⲛ̀ϧⲁⲉ.

Ⲁ̀ⲣⲓⲕⲟⲓⲛⲱⲛⲟⲛ!

[ⲟⲩⲱⲛ]

Ϯⲟⲩⲓⲕⲓⲡⲉⲇⲓⲁ̀ ⲟⲩⲉⲅⲕⲩⲕⲗⲟⲡⲉⲇⲓⲁ̀ ⲟⲩⲧⲉϣⲗⲟⲗ ⲉⲧϧⲉⲛⲡⲓⲟⲩⲧⲉϣⲛⲉ ⲡⲉ. Ⲡⲉⲥⲥⲕⲟⲡⲟⲥ ⲡⲉ ⲉ̀ϯ ⲛ̀ⲟⲩⲱ̀ ⲙ̀ⲙⲉⲧⲣⲉⲙϩⲉ ⲉⲧϧⲉⲛⲟⲩⲙⲉⲑⲙⲏⲓ. Ⲧⲁⲓⲟⲩⲓⲕⲓⲡⲉⲇⲓⲁ̀ ⲥⲉⲣⲭⲣⲁⲥⲑⲉ ⲛ̀ϯⲙⲉⲧⲣⲉⲙⲛ̀ⲭⲏⲙⲓ ⲙ̀ⲡⲥⲁϧⲏⲧ ϧⲉⲛⲡⲉϥϫⲓⲛⲃⲉⲃⲓ ⲛ̀ⲁⲩⲑⲉⲛⲧⲓⲕⲟⲥ. Ϩⲁⲛⲥⲁϫⲓ ⲛ̀ϣⲉⲙⲙⲟ ⲥⲉⲥ̀ϧⲏⲧⲟⲩ ⲕⲁⲧⲁⲡⲁⲓⲣⲏϯ ⲟⲛ ⲉ̀ⲧⲉⲙⲙⲁⲩ.

Ⲁⲩⲑⲁⲙⲓⲟ ⲛ̀ⲧⲁⲓⲟⲩⲓⲕⲓⲡⲉⲇⲓⲁ̀ ϧⲉⲛ29 ⲛ̀ⲓⲟⲩⲗⲓⲟⲥ 2017 ⲙ̀ⲫ̀ⲣⲏϯ ⲛ̀Incubator. Ⲟⲩⲟⲛϣϫⲟⲙ ⲛ̀ⲧⲉⲛⲓⲙⲉⲗⲟⲥ ⲉ̀ⲉⲣⲇⲟⲕⲓⲙⲁⲍⲓⲛ ϫⲉ ⲡⲟⲩⲥⲟϭⲛⲓ ⲟⲩⲟⲛϣϫⲟⲙ ⲙ̀ⲙⲟϥ.

Ⲟⲩⲟⲛ ϣϫⲟⲙ ⲉ̀ⲟⲩⲟⲛ ⲛⲓⲃⲉⲛ ⲉ̀ⲃⲟⲏⲑⲓⲛ ⲛⲉⲙⲡⲁⲓϩⲱⲃ. Ϫⲟⲩϣⲧ ⲉ̀ⲃⲟⲗ ⲙ̀ⲡⲓⲑⲏⲥⲁⲩⲣⲟⲥ ϧⲁ ⲟⲩⲥⲩⲛⲏⲇⲓⲥⲓⲥ ⲉⲥⲟⲩⲟⲛϩ ⲉ̀ⲃⲟⲗ ⲙ̀ⲫⲣⲏϯ ⲛ̀ϫⲓⲛⲃⲉⲃⲓ ⲛⲉⲙⲟⲣⲑⲟⲅⲣⲁⲫⲓⲁ̀.

Ⲕⲥⲁϫⲓ ⲁⲛ ⲛ̀ϯⲙⲉⲧⲣⲉⲙⲛ̀ⲭⲏⲙⲓ? Ⲕⲥⲱⲟⲩⲛ ⲁⲛ ⲉ̀ⲉⲣⲭⲣⲁⲥⲑⲉ ⲛ̀ϯⲟⲩⲓⲕⲓⲡⲉⲇⲓⲁ̀? Ϫⲟⲩϣⲧ ⲉ̀ⲡⲓϩⲟ ⲛ̀ⲃⲟⲏⲑⲟⲥ.
Don't speak Egyptian Coptic? Don't know how to use Wikipedia? Check our help page.
ما بتتكلمش قبطي مصري؟ شوف صفحة المساعدة بتاعتنا.

This is a test wiki written in Coptic Egyptian, a currently dead Afro-Asiatic language in the process of revival. If you know Coptic, you can help by creating an account and start contributing here.

ده ويكي تجريبي مكتوب باللغة القبطية المصرية، وهي لغة أفرو-آسيوية منقرضة جاري إحياؤها. لو بتعرف قبطي، تقدر تساعد عن طريق إنشاء حساب وتبدأ تساهم هنا.