Wp/cop/Ⲡⲉⲣⲥⲓⲟⲓ ϯⲃⲁⲕⲓ

Ϯⲡⲉⲣⲥⲓⲟⲓ

ϯⲙⲉⲧⲁ̀ⲣⲁⲃⲟⲥ: الجيزة
Ⲡⲓⲙⲏⲓⲛⲓ Ⲡⲓⲥⲓⲅⲛⲟⲛ
Ϯⲇⲓⲟⲓⲕⲏⲥⲓⲥ
Ϯⲭⲱⲣⲁ	Ⲭⲏⲙⲓ
Ⲑⲱϣ	Ϯⲡⲉⲣⲥⲓⲟⲥ
Ⲡⲓⲁⲫⲉ	Ⲙⲟϩⲁⲙⲉⲧ Ⲕⲁⲙⲁⲗ Ⲁⲗⲧⲁⲗⲓ
Ϯⲅⲉⱀⲅⲣⲁⲫⲓⲁ̀
Ⲡⲓϣⲁⲩ	ⲭⲙ²

Ϯⲡⲉⲣⲥⲓⲟⲓ (ⲙ̀ⲙⲉⲧⲁ̀ⲣⲁⲃⲟⲥ: الجيزة Ⲁⲗϫⲓⲍⲁ ⲓⲉ Ⲁⲗⲅⲓⲍⲁ) ⲧⲉ ϯⲙⲏⲧⲣⲟⲡⲟⲗⲓⲥ ⲙ̀ⲡⲓⲑⲱϣ ϯⲠⲉⲣⲥⲓⲟⲓ ⲛⲉⲙϯⲙⲁϩϣⲟⲙϯ ϧⲉⲛⲛⲓⲃⲁⲕⲓ ⲛ̀ⲧⲉⲬⲏⲙⲓ. Ϥⲧⲟⲟⲩ ⲙ̀ⲙⲓⲗⲓⲱⲛ ⲛ̀ⲣⲱⲙⲓ ⲥⲉϩⲉⲙⲥⲓ ⲉ̀ⲡⲁⲓⲙⲁ. Ⲥⲭⲏ ⲥⲁⲡⲉⲙⲉⲛⲧ ⲛ̀ⲧⲉⲪⲓⲁⲣⲟ.

Ⲫⲁⲓ ⲡⲉ ⲡⲓⲙⲁ ⲉⲧoⲩⲭⲏ ⲙ̀ⲙⲟϥ ⲛ̀ϫⲉϩⲁⲛⲃⲏ ⲛ̀ⲁ̀ⲣⲭⲉⲟⲛ ⲙ̀ⲫⲣⲏϯ ⲙ̀Ⲡⲉⲗϩⲱⲛ ⲛⲉⲙⲛⲓⲛⲓϣϯ ⲙ̀Ⲡⲩⲣⲁⲙⲓⲥ ⲛⲉⲙϩⲁⲛⲕⲉⲉⲣⲫⲏⲟⲩⲓ.

Ϯϩⲓⲥⲧⲟⲣⲓⲁ̀

Ⲉⲩⲧⲩⲭⲓⲟⲥ ⲡⲓⲢⲉⲙⲣⲁⲕⲟϯ ⲛⲉⲙⲀ̀ⲫⲟⲩ Ⲥⲁⲗⲉϩ ⲥⲉϫⲱ ⲙ̀ⲙⲟⲥ ϫⲉⲡⲓⲟⲩⲣⲟ ⲛ̀ⲧⲉϯⲠⲉⲣⲥⲓⲥ Ⲁⲣⲧⲁⲝⲉⲣⲝⲏⲥ Ⲟⲝⲟⲥ ⲁϥⲕⲱⲧ ⲛ̀ⲟⲩⲕⲁⲥⲧⲣⲟⲛ ϧⲉⲛϯⲠⲉⲣⲥⲓⲟⲓ ϧⲉⲛⲡⲁⲓⲥⲏⲟⲩ ⲣⲱ ⲛⲉⲙ ⲫⲁⲡⲓⲪⲱⲥⲁⲧⲟⲛ, ⲉ̀ⲧⲁⲩⲙⲟⲩϯ ⲉ̀ⲣⲟϥ ⲙⲉⲛⲉⲛⲥⲁ ⲛⲁⲓ ϫⲉⲡⲓⲔⲁⲥⲧⲣⲟⲛ ⲛ̀ⲥⲩⲣⲟⲥ (ϯⲙⲉⲧⲁ̀ⲣⲁⲃⲟⲥ: قصر الشام). Ⲕⲉⲡⲁⲣⲁⲇⲟⲥⲓⲥ ϫⲱ ⲙ̀ⲙⲟⲥ ϫⲉⲀⲙⲃⲣⲟⲥ ⲡϣⲏ Ⲁⲗⲁⲥ ⲉ̀ⲧⲉ ⲡⲓⲣⲉϥϭⲣⲟ ⲛ̀ⲁ̀ⲣⲁⲃⲟⲥ ⲛ̀ⲧⲉⲬⲏⲙⲓ ⲛⲉ ⲛ̀ⲑⲟϥ ⲡⲉ ⲉ̀ⲧⲁϥⲕⲱⲧ ⲙ̀ⲡⲁⲓⲕⲁⲥⲧⲣⲟⲛ ⲉⲧⲉⲙⲙⲁⲩ ϧⲉⲛ642 ⲛ̀ⲣⲟⲙⲡⲓ ⲁⲗⲗⲁ ⲉⲑⲃⲉⲡⲉⲥⲣⲁⲛ ϯⲃⲁⲕⲓ ⲁⲩⲕⲟⲧϥ ⲧⲁⲭⲁ ϧⲉⲛⲡⲓⲥⲏⲟⲩ ⲉ̀ⲧⲁ ⲛⲓϣⲉⲛⲥⲁⲥⲁⲛ ϭⲣⲟ ⲉ̀Ⲭⲏⲙⲓ ϧⲉⲛ618-621.

Ϯⲡⲉⲣⲥⲓⲟⲓ ⲛⲉⲟⲩⲛⲟϫ ⲙ̀ⲙⲁ ⲡⲉ ϧⲉⲛⲛⲓϣⲟⲣⲡ ⲛ̀ⲉ̀ϩⲟⲟⲩ ⲛ̀ⲧⲉⲬⲏⲙⲓ ⲛ̀ⲭⲣⲓⲥⲧⲓⲁ̀ⲛⲟⲥ, ⲕⲉⲡⲉⲣ ⲙ̀ⲡⲟⲩⲥϧⲁⲓ ⲉⲑⲃⲏⲧϥ ϧⲉⲛⲛⲓϫⲱⲙ ⲛ̀ⲧⲉⲛⲓⲙⲁⲣⲧⲩⲣⲟⲥ ⲛ̀ⲣⲉⲙⲛ̀ⲭⲏⲙⲓ. Ⲡⲓⲙⲁ ⲛⲁϥⲭⲏ ⲛ̀ϣⲟⲣⲡ ϧⲁⲧϧⲏ ⲙ̀Ⲙⲉⲛϥⲓ ⲛⲉⲙⲂⲟⲩϣⲏⲙ, ⲁϥϣⲱⲡⲓ ⲉϥⲉⲣⲛⲟϫ ϧⲉⲛϯⲉⲕⲕⲗⲏⲥⲓⲁ̀ ϧⲉⲛⲒ̅Ⲁ̅ ⲛ̀ⲉ̀ⲱⲛ ⲉ̀ⲧⲉ ⲡⲓⲥⲏⲟⲩ ⲉ̀ⲧⲁ ⲡⲓⲉⲡⲓⲥⲕⲟⲡⲟⲥ Ⲏⲗⲓⲁⲥ ⲛ̀ⲧⲉⲦⲁⲙⲙⲱⲟⲩ ⲓ̀ⲣⲓ ⲛ̀ⲟⲩϭⲓⲛⲉⲣϣⲱⲟⲩϣⲓ ⲉ̀ⲧⲁ ⲟⲩϣⲫⲏⲣⲓ ϣⲱⲡⲓ ⲛ̀ϧⲏⲧϥ.

Ϧⲉⲛⲛⲓⲉ̀ⲛⲉϩ ⲉⲧϧⲉⲛⲑⲙⲏϯ ϯⲙⲉⲧⲉⲡⲓⲥⲕⲟⲡⲟⲥ ⲛ̀ⲧⲉϯⲠⲉⲣⲥⲓⲟⲓ ⲛⲉⲙⲂⲟⲩϣⲏⲙ ⲛⲉⲟⲩⲟⲛⲧⲁⲥ ϩⲁⲛⲉⲕⲕⲗⲏⲥⲓⲁ̀ ⲛⲉⲙϩⲁⲛⲛⲟϫ ⲙ̀ⲙⲟⲛⲁⲥⲧⲏⲣⲓⲟⲛ, ⲙ̀ⲫⲣⲏϯ ⲛ̀ϯⲉⲕⲕⲗⲏⲥⲓⲁ̀ ⲛ̀ⲧⲉⲡⲓⲁ̀ⲅⲓⲟⲥ Ⲙⲁⲣⲕⲟⲥ ⲛⲉⲙⲡⲓⲘⲟⲛⲁⲥⲧⲏⲣⲓⲟⲛ ⲙ̀ⲙⲏⲣϣ ⲉⲧⲧⲟⲓ ⲉ̀ⲡⲓⲁⲣⲭⲏⲁⲅⲅⲉⲗⲟⲥ Ⲙⲓⲭⲁⲏⲗ. Ϯⲉⲕⲕⲗⲏⲥⲓⲁ̀ ⲛ̀ⲧⲉⲠⲉⲧⲣⲟⲥ, ⲟⲩⲙⲁ ⲉϥⲟⲩⲟⲛϩ ⲉ̀ⲧⲁⲩⲥϧⲁⲓ ⲉⲑⲃⲏⲧϥ ϧⲉⲛⲡⲓⲃⲓⲟⲥ ⲛ̀ⲧⲉⲡⲓⲡⲁⲧⲣⲓⲁⲣⲭⲏⲥ Ⲙⲓⲭⲁⲏⲗ, ⲛⲁⲥⲭⲏ ϧⲁⲧⲉⲛⲪⲓⲁ̀ⲣⲟ ⲟⲩⲟϩ ⲛⲉ ⲡⲓⲙⲁ ⲡⲉ ⲛ̀ⲧⲉⲟⲩⲛⲓϣϯ ⲛ̀ϣⲗⲏⲗ ⲉⲑⲃⲉϯⲁⲙⲏⲓⲣⲓ ⲛ̀ⲧⲉⲪⲓⲁ̀ⲣⲟ.

Ⲁ̀ⲫⲟⲩ Ⲥⲁⲗⲓϩ ⲁϥⲥϧⲁⲓ ⲉⲑⲃⲉⲟⲩⲙⲏϣ ⲛ̀ⲉⲕⲕⲗⲏⲥⲓⲁ̀ ϧⲉⲛϯⲠⲉⲣⲥⲓⲟⲓ ⲉ̀ⲧⲁⲩⲧⲁⲕⲟ ϩⲓⲧⲉⲛ ⲛⲓⲙⲁⲍⲓⲝ, ⲛⲓⲣⲉⲙⲛ̀ϧⲟⲩⲟⲣⲏⲥⲙ, ⲛⲉⲙϩⲁⲛⲁⲙⲏⲓⲣⲓ ⲙⲉⲛⲉⲛⲥⲱⲟⲩ, ϩⲁⲛⲟⲩⲟⲛ ⲇⲉ ⲁⲩⲕⲟⲧⲟⲩ ⲛ̀ⲕⲉⲥⲟⲡ, ⲙ̀ⲫⲣⲏϯ ⲛ̀ϯⲉⲕⲕⲗⲏⲥⲓⲁ̀ ⲛ̀ⲧⲉⲡⲓⲁ̀ⲅⲓⲟⲥ Ⲙⲁⲣⲕⲟⲥ. Ⲙⲉⲛⲉⲛⲥⲁ ⲛⲁⲓ, ⲁⲩⲧⲟⲙⲧ ⲙ̀ⲡⲓⲙⲁ ⲛⲉⲙϩⲁⲛⲕⲉⲙⲩⲑⲟⲥ, ⲉ̀ⲧⲉ ⲛ̀ϧⲏⲧⲟⲩ ⲟⲩⲁⲓ ⲉϥϫⲱ ⲙ̀ⲙⲟⲥ ϫⲉⲁⲩⲑⲱⲙⲥ ⲙ̀ⲡⲓⲡⲣⲟⲫⲏⲧⲏⲥ Ⲓⲉⲣⲉⲙⲓⲁⲥ ϧⲉⲛⲡⲓⲙⲁ ⲉ̀ⲧⲉⲙⲙⲁⲩ.

Ⲡⲇⲉⲙⲟⲥ

Ⲫⲙⲉⲣⲟⲥ	Ⲕⲱⲇⲓⲝ 2017	Ⲡⲇⲉⲙⲟⲥ
Ⲡⲓⲙⲁ ⲙ̀ⲡⲁⲡⲁ	210100	632,599
Ϯⲕⲩⲣⲓⲁ̀	210200	278,479
Ⲇⲱⲕⲓ	210300	70,926
Ϯⲡⲉⲣⲥⲓⲟⲓ ⲉⲧⲥⲁⲣⲏⲥ	210400	285,723
Ⲫⲩⲗⲁⲕⲏ Ⲧⲉⲭⲣⲱⲣ	210500	960,031
Ⲧⲉⲩⲑⲉⲛⲓⲁ	210600	366,066
Ⲧⲩⲙⲃⲱ	210700	457,667
Ⲛⲓⲡⲩⲣⲁⲙⲓⲥ	210800	659,305
Ⲇⲉⲗⲧⲁ	211700	722,083
Ⲡϧⲉⲗⲗⲟ Ⲥⲁⲏⲧ	211900	90,699
Ⲋ̅ ⲛ̀ⲟⲕⲧⲱⲃⲣⲓⲟⲥ 1	212000	93,012
Ⲋ̅ ⲛ̀ⲟⲕⲧⲱⲃⲣⲓⲟⲥ 2	212100	196,373
Ⲋ̅ ⲛ̀ⲟⲕⲧⲱⲃⲣⲓⲟⲥ 3	212300	59,485