Wp/cop/Ⲁⲗⲓⲥⲗⲁⲙ

Ⲡⲓⲑⲉⲣⲓⲗⲟⲛ ⲛⲉⲙⲡⲓⲥⲓⲟⲩ ϩⲁⲛⲙⲏⲓⲛⲓ ⲛ̀ⲧⲉⲡⲓⲀⲗⲓⲥⲗⲁⲙ-ⲛⲉ.

Ⲡⲓⲁ̀ⲗⲓⲥⲗⲁⲙ (ϯⲙⲉⲧⲁ̀ⲣⲁⲃⲟⲥ: ٱلْإِسْلَام‎ ⲉ̀ⲧⲉⲠϣⲁⲙϣⲉⲛⲟⲩϯ) ⲟⲩⲑⲣⲉⲥⲕⲓⲁ̀-ⲧⲉ. Ⲫⲛⲟⲩϯ ⲛ̀ⲁ̀ⲗⲓⲥⲗⲁⲙ ⲁⲩⲙⲟⲩϯ ⲉ̀ⲣⲟϥ ϫⲉⲀ̅ⲗ̅ⲗ̅ⲁ̅ ⲟⲩⲟϩ Ⲙⲟϩⲁⲙⲉⲧ-ⲡⲉ ⲡⲉϥⲡⲣⲟⲫⲏⲧⲏⲥ. Ⲡϩⲟⲩⲟ ⲛ̀ⲛⲓⲙⲉⲧⲣⲉϥϯⲥⲃⲱ ⲛⲉⲙⲛⲓⲙⲉⲑⲛⲁϩϯ ⲛ̀ⲧⲉⲡⲓⲀⲗⲓⲥⲗⲁⲙ ⲥⲉⲥϧⲏⲟⲩⲧ ϩⲓⲡⲓⲔⲟⲩⲣⲁⲛ ⲉ̀ⲧⲉⲫⲁⲓⲡⲉ ⲡⲉϥⲅⲣⲁⲫⲏ ⲉ̀ⲑⲟⲩⲁⲃ. Ⲡⲓⲙⲁ ⲙ̀ⲡⲟⲩⲱϣⲧ ⲛ̀ⲓⲥⲗⲁⲙⲓⲧⲏⲥ ⲁⲩⲙⲟⲩϯ ⲉ̀ⲣⲟⲥ ϫⲉⲡⲓⲙⲁⲥⲅⲓⲇⲓⲟⲛ.

Ϫⲱⲧⲓⲟⲩ ⲕⲁⲧⲁⲡϣⲉ ⲛ̀ⲣⲱⲙⲓ ⲉϥⲙⲟϣⲓ ⲛ̀ⲥⲁⲡⲓⲀ̀ⲗⲓⲥⲗⲁⲙ ⲉⲩⲙⲟⲩϯ ⲉ̀ⲣⲟϥ ϫⲉⲡⲓⲙⲟⲩⲥⲗⲏⲙ. Ⲛⲓϣⲁⲙϣⲓ ⲛ̀ⲛⲓⲕⲉⲑⲣⲉⲥⲕⲓⲁ̀ ⲧⲏⲣⲟⲩ ⲁⲩⲙⲟⲩⲧϯ ⲉ̀ⲣⲱⲟⲩ ϫⲉⲛⲓⲣⲉϥϫⲱⲗ (ϯⲙⲉⲧⲁ̀ⲣⲁⲃⲟⲥ: كَافِرُون).

Ϯⲥⲧⲟⲣⲓⲁ̀

Ⲥⲉⲛⲁϩϯ ⲛ̀ϫⲉⲛⲓⲙⲟⲩⲥⲗⲏⲙ ϫⲉⲡⲓⲔⲟⲩⲣⲁⲛ ⲁⲩϭⲱⲣⲡ ⲛ̀ϣⲟⲣⲡ ⲙ̀Ⲙⲟϩⲁⲙⲉⲧ ⲉ̀ⲃⲟⲗ ϩⲓⲧⲉⲛⲄⲁⲃⲣⲓⲏⲗ ⲡⲓ-Ⲁⲣⲭⲏⲁⲅⲅⲉⲗⲟⲥ ϧⲉⲛⲟⲩⲃⲏⲃ ϩⲓϫⲉⲛⲡⲓⲧⲱⲟⲩ ⲛ̀ⲧⲉϨⲓⲣⲁ ϧⲉⲛⲘⲁⲕⲁ ⲟⲩⲟϩ ⲧⲟⲧⲉ ϧⲁϫⲉⲛ 23 ⲛ̀ⲣⲟⲙⲡⲓ ϣⲁⲧⲉϥⲙⲟⲩ.

Ⲙⲉⲛⲉⲛⲥⲁ ⲁϥⲙⲟⲩ ⲛ̀ϫⲉⲘⲟϩⲁⲙⲉⲧ ⲁⲩϭⲓⲁⲣⲭⲏ ⲛ̀ⲧⲉⲛⲓⲙⲟⲩⲥⲗⲏⲙ ⲉ̀ⲃⲟⲗ ϩⲓⲧⲉⲛⲀ̀ⲃⲟⲩⲃⲁⲕⲣ ⲛⲉⲙⲞ̀ⲙⲁⲣ ⲛⲉⲙϨⲟⲑⲙⲉⲛ ⲛⲉⲙⲀ̀ⲗⲓ ⲛⲉⲙⲘⲁⲩⲓⲁ̀ ⲙⲉⲛⲉⲛⲥⲱϥ. Ⲙⲁⲩⲓⲁ̀ ⲁϥⲧⲟⲩⲛⲟⲥ ⲛ̀ϯ-Ⲙⲉⲧⲇⲓⲁ̀ⲇⲟⲭⲟⲥ ⲛ̀ⲉⲩⲥⲉⲃⲏⲥ ⲑⲏ, ⲉⲧⲁⲥϭⲣⲟ ⲥⲛⲁⲩ ⲛ̀ϣⲟⲙⲧ ⲛ̀ⲧⲉϯⲘⲉⲧⲁⲩⲧⲟⲕⲣⲁⲧⲱⲣ ⲛ̀ⲣⲱⲙⲉⲟⲥ ⲟⲩⲟϩ ⲁϥϣⲱⲡⲓ ⲛ̀ϫⲉⲡⲓⲀⲗⲓⲥⲗⲁⲙ ⲛ̀ⲟⲩⲁⲓ ⲉ̀ⲃⲟⲗ ϧⲉⲛⲛⲓⲑⲣⲉⲥⲕⲓⲁ ⲛ̀ϩⲟⲩⲟ ϧⲉⲛⲡⲓⲕⲟⲥⲙⲟⲥ.

Ϯⲟⲩ ⲛ̀ϫⲱⲣ ⲛ̀ⲁⲗⲓⲥⲗⲁⲙ

• Ⲡⲓⲙⲉⲑⲣⲉ (ϯⲙⲉⲧⲁ̀ⲣⲁⲃⲟⲥ: الشَّهَادَةُ) - Ⲙ̀ⲙⲟⲛⲛⲟⲩϯ ⲡⲁⲣⲁⲀⲗⲗⲁ Ⲙⲟϩⲁⲙⲉⲧⲡⲉ ⲡⲉϥⲁⲡⲟⲥⲧⲟⲗⲟⲥ
• Ⲡⲓϣⲗⲏⲗ (ϯⲙⲉⲧⲁ̀ⲣⲁⲃⲟⲥ: ٱلصَّلَاةُ)
• Ϯⲁ̀ⲅⲁⲡⲓⲁ̀ (ϯⲙⲉⲧⲁ̀ⲣⲁⲃⲟⲥ: الزَّكاة)
• Ϯⲛⲏⲥⲧⲓⲁ (ϯⲙⲉⲧⲁ̀ⲣⲁⲃⲟⲥ: الصَّوْمُ)
• Ⲡⲓⲡⲁⲛⲓⲅⲓⲣⲓⲥ (ϯⲙⲉⲧⲁ̀ⲣⲁⲃⲟⲥ: الحج)