Wp/cop/Ⲁⲗⲓⲥⲗⲁⲙ

Ⲡⲓⲑⲉⲣⲓⲗⲟⲛ ⲛⲉⲙⲡⲓⲥⲓⲟⲩ ϩⲁⲛⲙⲏⲓⲛⲓ ⲛ̀ⲧⲉⲡⲓⲀⲗⲓⲥⲗⲁⲙ ⲛⲉ.

Ⲡⲓⲁ̀ⲗⲓⲥⲗⲁⲙ (ϯⲙⲉⲧⲁ̀ⲣⲁⲃⲟⲥ: ٱلْإِسْلَام‎ ⲉ̀ⲧⲉⲠϣⲁⲙϣⲉⲛⲟⲩϯ) ⲟⲩⲑⲣⲉⲥⲕⲓⲁ̀ⲧⲉ. Ⲫⲛⲟⲩϯ ⲛ̀ⲁ̀ⲗⲓⲥⲗⲁⲙ ⲁⲩⲙⲟⲩϯ ⲉ̀ⲣⲟϥ ϫⲉⲀⲗⲗⲁ ⲟⲩⲟϩ Ⲙⲟϩⲁⲙⲉⲧ ⲡⲉ ⲡⲉϥⲡⲣⲟⲫⲏⲧⲏⲥ. Ⲡⲓϩⲟⲩⲟ ⲛ̀ϩⲁⲛⲙⲉⲧⲣⲉϥϯⲥⲃⲱ ⲛⲉⲙϩⲁⲛⲙⲉⲑⲛⲁϩϯ ⲛ̀ⲧⲉⲡⲓⲀⲗⲓⲥⲗⲁⲙ ⲥⲉⲥϧⲏⲟⲩⲧ ϩⲓⲡⲓⲔⲟⲩⲣⲁⲛ ⲉ̀ⲧⲉⲫⲁⲓ ⲡⲉ ⲡⲉϥⲅⲣⲁⲫⲏ ⲉⲑⲟⲩⲁⲃ. Ⲡⲓⲙⲁ ⲙ̀ⲡⲟⲩⲱϣⲧ ⲛ̀ⲓⲥⲗⲁⲙⲓⲧⲏⲥ ⲁⲩⲙⲟⲩϯ ⲉ̀ⲣⲟⲥ ϫⲉⲟⲩⲙⲁⲥϭⲏⲧ.

Ϫⲱⲧⲓⲟⲩ ⲕⲁⲧⲁⲡϣⲉ ⲛ̀ⲣⲱⲙⲓ ⲉϥⲙⲟϣⲓ ⲛ̀ⲥⲁⲡⲓⲀ̀ⲗⲓⲥⲗⲁⲙ ⲉⲩⲙⲟⲩϯ ⲉ̀ⲣⲟϥ ϫⲉⲟⲩⲙⲟⲩⲥⲗⲏⲙ. Ⲛⲓϣⲁⲙϣⲓ ⲛ̀ⲛⲓⲕⲉⲑⲣⲉⲥⲕⲓⲁ̀ ⲧⲏⲣⲟⲩ ⲁⲩⲙⲟⲩⲧϯ ⲉ̀ⲣⲱⲟⲩ ϫⲉⲛⲓⲣⲉϥϫⲱⲗ (ϯⲙⲉⲧⲁ̀ⲣⲁⲃⲟⲥ: كَافِرُون).

Ϯⲥⲧⲟⲣⲓⲁ̀

Ⲛⲓⲙⲟⲩⲥⲗⲏⲙ ⲛⲁϩϯ ϫⲉⲡⲓⲔⲟⲩⲣⲁⲛ ⲁⲩϭⲱⲣⲡ ⲛ̀ϣⲟⲣⲡ ⲙ̀Ⲙⲟϩⲁⲙⲉⲧ ⲉ̀ⲃⲟⲗ ϩⲓⲧⲉⲛⲄⲁⲃⲣⲓⲏⲗ ⲡⲓⲀⲣⲭⲏⲁⲅⲅⲉⲗⲟⲥ ϧⲉⲛⲟⲩⲃⲏⲃ ϩⲓϫⲉⲛⲡⲓⲧⲱⲟⲩ ⲛ̀ⲧⲉϨⲓⲣⲁ ϧⲉⲛϯⲘⲁⲕⲁ ⲟⲩⲟϩ ⲧⲟⲧⲉ ϧⲁϫⲉⲛ 23 ⲛ̀ⲣⲟⲙⲡⲓ ϣⲁⲧⲉϥⲙⲟⲩ.

Ⲙⲉⲛⲉⲛⲥⲁ ⲁϥⲙⲟⲩ ⲛ̀ϫⲉ Ⲙⲟϩⲁⲙⲉⲧ ⲁⲩϭⲓⲁⲣⲭⲏ ⲛ̀ⲧⲉⲛⲓⲙⲱⲥⲗⲏⲙ ⲉ̀ⲃⲟⲗ ϩⲓⲧⲉⲛⲀ̀ⲡⲟⲩⲡⲁⲕⲣ ⲛⲉⲙⲞⲩⲙⲁⲣ ⲛⲉⲙϨⲟⲑⲙⲉⲛ ⲛⲉⲙⲀ̀ⲗⲓ ⲛⲉⲙⲘⲁⲩⲓⲁ̀ ⲙⲉⲛⲉⲛⲥⲱϥ. Ⲙⲁⲩⲓⲁ̀ ⲁϥⲧⲟⲩⲛⲟⲥ ⲛ̀ϯⲘⲉⲧⲇⲓⲁ̀ⲇⲟⲭⲟⲥ ⲛ̀ⲉⲩⲥⲉⲃⲏⲥ ⲑⲏⲉⲧⲁⲥϭⲣⲟ ⲥⲛⲁⲩ ⲛ̀ϣⲟⲙⲧ ⲛ̀ⲧⲉϯⲘⲉⲧⲁⲩⲧⲟⲕⲣⲁⲧⲱⲣ ⲛ̀ⲣⲱⲙⲉⲟⲥ ⲟⲩⲟϩ ⲁϥϣⲱⲡⲓ ⲛ̀ϫⲉⲡⲓⲀⲗⲓⲥⲗⲁⲙ ⲛ̀ⲟⲩⲁⲓ ⲉ̀ⲃⲟⲗ ϧⲉⲛⲛⲓⲑⲣⲉⲥⲕⲓⲁ ⲛ̀ϩⲟⲩⲟ ϧⲉⲛⲡⲓⲕⲟⲥⲙⲟⲥ.

Ϯⲟⲩ ⲛ̀ϫⲱⲣ ⲛ̀ⲁⲗⲓⲥⲗⲁⲙ

• Ⲡⲓⲙⲉⲑⲣⲉ (ϯⲙⲉⲧⲁ̀ⲣⲁⲃⲟⲥ: الشَّهَادَةُ) - Ⲙ̀ⲙⲟⲛⲛⲟⲩϯ ⲡⲁⲣⲁⲀⲗⲗⲁ Ⲙⲟϩⲁⲙⲉⲧⲡⲉ ⲡⲉϥⲁⲡⲟⲥⲧⲟⲗⲟⲥ
• Ⲡⲓϣⲗⲏⲗ (ϯⲙⲉⲧⲁ̀ⲣⲁⲃⲟⲥ: ٱلصَّلَاةُ)
• Ϯⲁ̀ⲅⲁⲡⲓⲁ̀ (ϯⲙⲉⲧⲁ̀ⲣⲁⲃⲟⲥ: الزَّكاة)
• Ϯⲛⲏⲥⲧⲓⲁ (ϯⲙⲉⲧⲁ̀ⲣⲁⲃⲟⲥ: الصَّوْمُ)
• Ⲡⲓⲡⲁⲛⲓⲅⲓⲣⲓⲥ (ϯⲙⲉⲧⲁ̀ⲣⲁⲃⲟⲥ: الحج)