Wb/nia/Korindro I/3

From Wikimedia Incubator
< Wb‎ | nia‎ | Korindro I
Wb > nia > Korindro I > 3

Fanegu wabalisa dödö[edit | edit source]

I. 1 Ba ya'o, ba tebai fahuhuodo khömi si mane ba zi so Eheha, ya'ami ira talifusö, si mane ba zi ha zambalö ösi niha huhuogu khömi, si mane ba ndraono sawuyu, ba khö Keriso.[1] 2 Susu nifabadugögu khömi, tenga ö sabe'e; me tebai mitaha na, ba iada'e göi, ba tebai zui mitaha;[2] 3 solo'ö ösi niha na sa ami. Na so na wa'afökhö dödö ba fagua-guasa ba khömi, ba tenga solo'ö ösi niha ami, ba tenga huku ba niha dali mbua-buami?[3] 4 Na iŵa'ö si samösa: Khö Waulo ndra'odo, ba si samösa, ba: Khö Afolo ndra'odo, ba tenga huku ba niha mi'o'ö?[4]

Ha enoni ndra samahaö andrö[edit | edit source]

II. 5 Hadia sa Afolo andrö? Ba hadia Waulo andrö? Enoni ira, si no mama'ema famati andrö khömi, balazi nitema zamösana khö Zo'aya.[5] 6 Ya'o zananö, Afolo zombuwui, ba Lowalangi zamanöi.[6] 7 Tobali faya zananö, ba faya zombuwui, ha Lowalangi, samanöi, zi ndruhu. 8 Ba sananö ba sombuwui, ba ha sambua, ba itema sa luonia zamösana, balazi halöŵönia.[7]

9 Sanolo sa ndra'aga, ba halöŵö, khö Lowalangi; nowi Lowalangi ami, tomosa khö Lowalangi.[8] 10 No ufotoyo, si mane sotomo, si no atua-tua, dali wa'ebua dödö Lowalangi andrö, si no falukha ndra'o; tanö bö'ö zamedadao. Ba yamufaigi zamösana, he wisa wotomonia.[9] 11 Toyo bö'ö ba lö'ö sa i'ila ibe'e tou niha, ha niha ia göi, baero zi no mube'e, Yesu Keriso andrö.[10]

12 Ba na so zangotomosi ba dete doyo andrö, ma balaki, ba ma firö, ba ma mani-mani, ba ma eu, ba ma du'u soköli, ba ma töla wakhe, 13 ba oroma dania halöŵö zamösana, i'oroma'ö sa dania baŵa andrö, me ba galitö tefa'ele'ö dania, ba he wisa halöŵö zamösana, ba alitö wanandraigö. 14 Na manaha nifazökhinia, ni'otomosinia, ba itema luo. 15 Ba na akhozi nifazökhinia, ba te'ala ia, ba ya'ia, ba ni'orifi, ba hulö nifatörö ba galitö.[11]

16 Hadia, lö mi'ila, wa no osali Lowalangi ami, awö wa no nahia Geheha Lowalangi dödömi?[12] 17 Na so zamakiko osali Lowalangi andrö, ba nifakiko Lowalangi dania da'ö: ni'amoni'ö sa gosali Lowalangi andrö, ba ya'ami da'ö.

Böi so wa'ambö gera-era[edit | edit source]

III. 18 Böi yamufaelungu ia niha. Na so ba khömi, ba guli danö andre, zanguma'ö tödönia, satua-tua ia, ba yatobali sambö era-era, ena'ö tobali satua-tua ia.[13] 19 Fa'atua-tua niha guli danö andre sa, ba no fa'ambö era-era ba khö Lowalangi. Si mane sa ba zura: "Sondra'u satua-tua andrö, ba wa'onekhera."[14] 20 Ba so zui, ba: "I'ila So'aya gera-era zatua-tua andrö, wa faya."[15]

21 Andrö böi yamusuno ia niha, ha niha ia; a'oi sa khömi manö,[16] 22 he Faulo ba he Afolo ba he Kefa ba he uli danö ba he fa'auri ba he fa'amate ba he götö da'e ba he götö dania, oi khömi manö,[17] 23 ba ya'ami, ba khö Keriso, ba Keriso, ba khö Lowalangi.

Famotokhi ba gahe[edit | edit source]

  1. Faigi 2:15; Yoh 16:12
  2. Heb 5:12 b.t.; FetI 2:2
  3. Faigi 1:10,11; Gal 5:19–20; Yak 3:14–16;
  4. Faigi 1:12
  5. Faigi 4:1
  6. Faigi 12:11; HalZin 18:27; 19:1
  7. Faigi 4:5; Sin 62:13
  8. KorII 6:1–16; Mat 25:14
  9. Faigi 15:10; Rom 15:20
  10. Faigi 16:22; FetI 2:4–6
  11. Yud 23
  12. Faigi 6:19; Rom 8:9
  13. Amaed 3:5–7; Rom 12:16; Faigi 4:10
  14. Faigi 1:20; Rom 1:22; Yob 5:13
  15. Sin 94:11
  16. Faigi 1:31; Yer 17:5
  17. Faigi 3:4; Rom 8:28; 38:39

Fabaliŵa lala[edit source]

Olayama Zura Korindro I 12345678910111213141516

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö