Wb/nia/Korindro I/5
Fanegu moroi khö Waulo[edit | edit source]
I. 1 Fohorö ba khömi zabölö teturia, ba fohorö si lö'ö na i murongo ba niha baero, wa ihalö ndronga namania niha.[1] 2 Ba sohokha ami, ba lö'ö sa abu dödömi, fa tetibo ena'ö banuami zolau da'ö.[2]
3 Ba ya'odo andre, ba si ndruhu sa, lö ya'o, botogu andre, ba sodo sa tödögu, noa sa uhuku, hulö na no so ndra'o, ba zamazökhi da'ö, si manö,[3] 4 na no falukha ita ba döi Zo'aya ya'ita, Yesu, ya'ami ba tödögu andre, ba na fao wa'abölö Zo'aya yaita, Yesu;[4] 5 ba nibe'e ba danga Zatana zi manö, ba wamakiko ösinia, ena'ö auri mbekhu, na baŵa Zo'aya ya'ita Yesu.[5]
Böi orudu ba zi zamazökhi horö[edit | edit source]
II. 6 Tenga si sökhi duriami andrö. Hadia, lö mi'ila, wa aisö nifaruka ma'afefu ibe'e tanömö roti si ha ma'ifu?[6] 7 Mitibo'ö danömö si no ara andrö, ena'ö si bohou mufaruka ami; noa sa si lö mu'aisöni ami, noa sa mutaba wasa khöda göi, Keriso.[7]
8 Ba datalau gowasa fasa, böi fao danömö roti si no ara, ba böi göi fao danömö roti andrö, falösökhi ba fa'asilöyaŵa, ha si lö mu'aisöni andrö, fa'adölö dödö ba fa'aduhu, nifao.
9 No usura khömi ba zura no andrö, böi fabaya ami ba zohorö. 10 Tenga sohorö manö, ba niha guli danö, niŵa'ögu, ba somasi ana'a ba sorabu ba samosumange adu, na si manö ena'ö, ba lö tola lö miheta manö sa'ae ami ba guli danö andre ena'ö.[8]
11 Ba no usura khömi, böi fabaya ami, na so zanguma'ö, talifusö ia, ba na sohorö ia, ba ma somasi ana'a, ba ma samosumange adu, ba ma sanandraŵaisi awönia, ba ma si mabu-mabu, ba ma sorabu; na so zi manö, ba böi na i orudu manga ami khönia.[9]
12 Hadia sa wa uhalö khögu wanguhuku si so baero andrö? Hadia, tenga ya'ami zanguhuku si te'u'u khömi?[10] 13 Lowalangi dania zanguhuku si so baero andrö. Mibe'e baero zi lö sökhi, miheta ba khömi.[11]
Famotokhi ba gahe[edit | edit source]
Fabaliŵa lala[edit source]
Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö