Wb/nia/Korindro I/14
Hadia guna ngawalö li ba famahaö
[edit | edit source]I. 1 Migohi wa'omasi andrö, ba mi'alu-alui mbuala Geheha andrö, ba si oföna, ba ena'ö mi'ila mama'ele'ö.[1] 2 Solau ngawalö li andrö, ba tenga ba niha muhede, no khö Lowalangi muhede ia, lö'ö sa samondrongo, niha, ba moroi ba Geheha iŵa'ö zi no tobini.[2] 3 Ba sama'ele'ö, ba ba niha muhede, fanga'azökhi ba famarou dödö, ba fondrara dödö. 4 Solau ngawalö li andrö, ba ya'ia ni'a'asökhinia, ba sama'ele'ö, ba banua i'a'asökhi.
5 Ba omasido, na dozi ami milau ngawalö li, ba mendrua manö, na mama'ele'ö ami. Ba ebua zama'ele'ö, moroi ba zolau ngawalö li andrö, ato na ibotokhi, ena'ö möi fanga'azökhi mbanua.[3] 6 Ba me no si manö, ya'ami ira talifusö, ba na möido khömi ena'ö, molau ngawalö li, ba hadia gunagu khömi, na lö muhededo khömi, ma famokai hadia ia, ba ma famotokhi, ba ma fama'ele'ö, ba ma famahaö?
7 Si manö göi ba mai-mai si lö noso andrö, soli, he sigu, ba he biola, na lö faehu li, salua, ba he lawisa wamondrongo hadia li zigu ba hadia li mbiola? 8 Ba torofe göi, na li si lö mila manö linia, ba ha niha zama'anö ya'ia ba wanuwö? 9 Si manö göi ami, na si lö mila wehedemi, na milau ngawalö li, ba he moroi aboto ba dödö niŵa'ö andrö? ba dalu mbanua sa'ae muhede ami.
10 Ta'ila ha wa'oya ngawalö li ba guli danö, ba lö si lö eluaha.[4] 11 Ba na lö u'ila geluaha li andrö, ba niha bö'ö ndra'o, khö zihede andrö, ba sihede andrö, ba niha bö'ö ia khögu. 12 Si manö göi ami, me no solohi Eheha ami, ba mi'alui, ena'ö fahöna khömi, ba wanga'azökhi banua.
He lawisa wamoguna'ö ba gowuloa
[edit | edit source]II. 13 Andrö, na so zolau ngawalö li andrö, ba yamu'andrö, ena'ö i'ila ibotokhi. 8 Na mangandrö ndra'o, wolau ngawalö li, ba tödögu zangandrö, ba era-eragu, ba si lö guna. 15 Ba he wisa? Da'u'angandrö'ö dödö ba u'angandrö'ö göi gera-era; u'anunö'ö dödö ba u'anunö'ö göi gera-era.[5]
16 Na tenga si manö, ba he iwisa si lö to'ölö ba da'ö, wamaduhu'ö fanunömö, na ö'anunö'ö dödö, me lö i'ila, hadia niŵa'öu.[6] 17 Te sökhi sa wanunöu, ba lö möi fanga'azökhi danö bö'ö. 18 Usuno Lowalangi, me asese ulau ngawalö li andrö, moroi khömi fefu. 19 Ba na ba mbanua, ba omasido, ha lima ngawua li uŵa'ö, soroi ha gera-eragu, ena'ö ufahaö danö bö'ö göi, moroi fulu ngahönö ngawua li uŵa'ö, wolau ngawalö li andrö.
20 He ya'ami ira talifusö! böi mibali'ö iraono ami, ba gera-era andrö; ba zi lö sökhi mibali'ö iraono ami, ba ba gera-era andrö, ba ena'ö mo'ahonoa ami.[7] 21 Noa sa so ba zura goroisa: "Li niha bö'ö ulau dania ba niha andrö, ba bewe niha bö'ö ufake, wehede khöra, ba he si manö, ba lö'ö zui lafondrondrongo ligu, iŵa'ö So'aya."[8]
22 Tobali tandra ngawalö li andrö, tenga ba zamati, no ba zi lö mamati, ba fama'ele'ö andrö, ba tenga ba zi lö mamati, no ba zamati. 23 Ba na owulo ena'ö mbanua fefu, ba na oi zara lalau ngawalö li ena'ö, ba na so zi möi bakha si lö to'ölö ba da'ö, ba ma si tenga samati, hadia, lö laŵa'ö sowöhö ami?[9] 24 Ba na a'oi mama'ele'ö, ba na so zi möi bakha si tenga samati, ba ma si lö to'ölö ba da'ö, ba tefaduhu dödönia khöra fefu, ba tehuku ia khöra fefu,[10] 25 ba oroma zi tobini andrö ba dödönia, ba tobali ifalögu tou ia, mangalulu ia khö Lowalangi, ba i'ombakha'ö, si ndruhu so Lowalangi ba dödömi.[11]
26 Ba he wisa, ya'ami ira talifusö? Na owulo ami, ba oi dozi so hadia ia, ma sinunö, ba ma famahaö, ba ma famokai hadia ia, ba ma ngawalö li, ba ma famotokhi; ba fefu hadia ia, ba ba wanga'azökhi yamoguna.
27 Ba na so zolau ngawalö li, ba darua, datölu zato sibai, ba nizara-zara, ba samösa zamotokhi. 28 Ba na lö samotokhi, ba böi yamuhede ba gowuloa, ba khönia yamuhede, ba khö Lowalangi.[12]
29 Ba sama'ele'ö, ba darua, ba ma datölu ndramuhede, ba ndramuhuku tanö bö'ö.[13] 30 Ba na falukha danö bö'ö sidadao, wama'ele'ö, ba yamubato wehede si föföna andrö. 31 Tola sa mizara-zara wama'ele'ö, dozi ami, ena'ö oi dozi tefahaö ira, ba ena'ö oi dozi tefarou dödö. 32 Ba eheha zama'ele'ö andrö, ba la'o'ö ba zama'ele'ö. 33 Tenga sa Lowalangi wamakuyu Lowalangi, no Lowalangi wa'atulö ia.[14]
34 Ira alawe, ba böi ndrahumede ba gowuloa, si mane ba gowuloa ni'amoni'ö fefu; lö'ö sa tola fahuhuo ira, ha folo'ö khöra, si mane niŵa'ö ba goroisa göi.[15] 35 Ba na omasi ira, lasöndra hadia ia, ba yomo ndramusofu ba ndra matuara; lö'ö sa moadu ba ndra alawe, na fahuhuo ia ba gowuloa.
36 Ma ba khömi i'otarai taroma li Lowalangi andrö? ba ma ha ba khömi irugi? 37 Na so zanguma'ö tödönia, sama'ele'ö ia, ba ma si so Eheha ia, ba ya'aboto ba dödönia nisuragu andre, wa moroi khö Zo'aya.[16] 38 Ba na so zi lö mangila watahögö, ba yalö i'ila watahögö.
39 Andrö, ya'ami ira talifusögu, mi'alui wama'ele'ö, ba böi mitenaŵa wolau ngawalö li andrö; ba fefu hadia ia, 40 ba oi ni'angenanöi ba oi niföfögö.[17]
Famotokhi ba gahe
[edit | edit source]Fabaliŵa lala
[edit source]Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö