Jump to content

Wb/nia/Korindro I/2

Add links
From Wikimedia Incubator

Fa'atua-tua Lowalangi ni'ombakha'ö Waulo

[edit | edit source]

I. 1 Ba ya'odo göi, me möido khömi, ya'ami ira talifusö, ba tenga fa'abölö ba huhuo ni'ohegu, ba tenga fa'abölö wa'atua-tua, wanuriagö khömi famaduhu'ö Lowalangi andrö.[1] 2 Lö'ö sa niŵa'ögu tödögu, so hadia ia ni'ilagu ba khömi andrö, baero Yesu Keriso, niforöfa andrö,[2]

3 Ba ya'o, ba si lö abölö ba sata'u ba salaŵö-laŵö sibai, ba khömi andrö.[3] 4 Ba fehedegu ba fangombakha'ögu, ba tenga huhuo zatua-tua, si faduhu dödö niha, ha fangoroma'ö Eheha ba fa'abölö,[4], 5 fa böi fa'atua-tua niha dandrösa wamatimi, ena'ö fa'abölö Lowalangi dandrösania.[5] 6 Fa'atua-tua sa wehedema ba zi no mo'ahonoa, ba tenga fa'atua-tua niha guli danö andre, tenga göi fa'atua-tua zalaŵa ba guli danö andre, si tetibo dania.

7 Fa'atua-tua Lowalangi wehedema, si no tobini, si no tobalu, nihonogöi Lowalangi, götö-götö wa'ara sa'ae, ba wamolakhömi ya'ita.[6] 8 Si lö irai aboto ba dödö zalaŵa ba guli danö andre, ha niha ia göi: na no aboto ba dödöra sa, ba lö laforöfa mena'ö zalaŵa lakhömi andrö;[7]

9 Si mane si so ba zura sa: Si lö irai i'ila hörö niha, si lö irai irongo tögi dalinga niha, si lö irai möi ba dödö niha, ni'asiwai Lowalangi ba zangomasi'ö ya'ia.[8] 10 Ba khöda no ifa'ele'ö Lowalangi, balazi Gehehania; fefu hadia ia sa, ba i'alu-alui Eheha, irege wa'abakha Lowalangi andrö.[9]

11 Ha niha sa zangila hadia ba dödö niha, baero geheha niha andrö, si so ba dödönia? Si manö göi wa lö saboto ba dödö hadia zi so ba dödö Lowalangi, baero Geheha Lowalangi andrö.

12 Ba ya'ita, ba tenga eheha ba guli danö andre nitemada, no Eheha si otarai Lowalangi nitemada, ena'ö ta'ila, hadia nibe'e Lowalangi bualania khöda.[10]

13 Ba da'ö göi wehedema, tenga taroma li nisöndra ba niha, fa'atua-tua niha; no taroma li nisöndra khö Geheha, soroi ba Geheha tefaedogö ba zoroi ba Geheha.[11] 14 Na to'ua tödö niha, ba lö i'o'ö hadia zi otarai khö Geheha Lowalangi, noa sa faya-faya khönia, ba tebai aboto ba dödö, me moroi ba Geheha ena'ö wangalui eluahania.[12]

15 Ba si so Eheha, ba isöndra geluaha hadia ia fefu, ba ya'ia, ba si lö aboto ba dödö niha bö'ö.[13] 16 Ha niha sa, zi no aboto ba dödö era-era Zo'aya, ha niha zamahaö ya'ia? Ba ya'ita, ba no era-era Keriso gera-erada.[14]

Famotokhi ba gahe

[edit | edit source]
  1. ↑ Faigi 1:17; YohI 5:9
  2. ↑ Faigi 15:3; Gal 6:14
  3. ↑ HalZin 18:9; KorII 10:10; 11:30
  4. ↑ TesI 1:5
  5. ↑ Faigi 1:18–24
  6. ↑ Sin 51:8; Efes 3:8–9
  7. ↑ HalZin 13:27; 3:17
  8. ↑ Yes 64:4
  9. ↑ Yoh 16:13; Dan 2:23
  10. ↑ Rom 8:15; FetII 1:3
  11. ↑ Faigi 2:1–4; FetII 1:21
  12. ↑ Faigi 1:23; Mat 16:17; Yud 19; Yoh 14:17
  13. ↑ YohI 2:20
  14. ↑ Yes 40:13; Yer 23:18

Fabaliŵa lala

[edit source]

Olayama Zura Korindro I 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Korindro_I/2&oldid=6229780"