Wb/nia/Fombayoini fanikha

Fombayoini fanikha no sambua zalua na lagolegö wanikha ba mboto, ba lalu'a, ba gangango ma zui ba nahia bö'ö ba mboto molo'ö hadia zinangea mufalua. Asese tarongo fombayoini fanikha andre bakha ba Zura Ni'amoni'ö.

Fanikha sasese latötöi bakha ba Zura Ni'amoni'ö no fanikha nifera'ö moroi ba mbua zinanö nifotöi zaitun. Töi ilmiahnia Olea europaea. Oya tesöndra ia ba danö si fasui nasi Mediterania, heza göi so danö ndraono Gizeraeli.

Oya guna wanikha andre. Tola labali'ö ia fomböböi ma zui famarö gö ba tola göi tobali ia fanikha ba wombayoini samösa razo (lafaduwa ma lafa'osi wanikha andre ba högö samösa niha sedöna tobali razo). Duma-dumania ibayoini Dawido Samueli Sama'ele'ö tobali razo niha Gizeraeli (SamI 16:13).

Itaria göi labayoini mboto zimate niha faoma fanikha zaitun. Itutunö khöda Sura Ni'amoni'ö wa ifaduwa wanikha ba högö Yesu samösa ira'alawe (Mat 26:6-13; Mar 14:3-9; Luk 7:36-50; Yoh 12:1-8). Molo'ö Yesu, ifalua da'a ira'alawe andrö ba wombayoini boto Yesu na no mate ia dania ("ibayoini mbotogu ba wogo'o ya'o" Mar 14:8)

• 
  Sinanö sotöi zaitun
• 
  Bua zaitun sowuge'e
• 
  Ngawalö mbua zaitun
• 
  Fanikha zaitun
• 
  Bua zaitun bakha ba gö

Ba hiza guna sasese latötöi ba Zura Ni'amoni'ö ya'ia da'ö ba wamadöhö zokho awö ngawalö wökhö bö'ö (la'olesi ia ba zokho ma zui ba nahia bö'ö ba mboto). Simane nisura ba Mar 6:12-13, fombayoini niha sofökhö faoma fanikha andre no tobali sambua duho halöŵö nitou'ö Yesu ba danga ndra nifahaönia. Iŵa'ö ba da'ö wa baero wanuriagö famalalini era-era, möi göi ndra sinenge ba wondrara dödö zofökhö ba ba wamadöhö fökhöra faoma fombayoini fanikha.

Fombayoini niha sofökhö andre no tetohugö wangohalöŵögöigö ya'ia irugi ma'ökhö bakha ba agama niha Keriso. Duma-dumania bakha ba Gereja Katolik so sambua sakramen nifotöi Sakramen fomboyoini niha sofökhö. Si to'ölönia ha ere zi tola mombayoini sofökhö faoma fanikha.

Fabaliŵa lala

Sura Ni'amoni'ö: Amabu'ulali Siföföna: Moze I | Moze II | Moze III | Moze IV | Moze V | Yosua | Sanguhuku | Ruti | Samueli I | Samueli II | Razo I | Razo II | Nga'ötö I | Nga'ötö II | Esera | Nehemia | Esitera | Yobi | Sinunö | Amaedola Zelomo | Sangombakha | Sinunö Sebua | Yesaya | Yeremia | Hezekieli | Danieli | Hosea | Yoeli | Amosi | Obadia | Yona | Mikha | Nakhumi | Habakuki | Sefania | Hagai | Sakharia | Maleakhi | Amabu'ulali Sibohou: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Efeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö