Wb/nia/Danieli/5
I. I'ila zura ba mbagolö razo Belisasa, me fatome ia[edit | edit source]
1 Ilau fatome razo Belisasa, fatomesa sebua, hönö nikaoni awönia salaŵa, ba ibadu-badu nagu ba zi so zi hönö andrö.[1] 2 Ba me no ibörötaigö mabu Mbelisasa, ba iŵa'ö lahalö mako ana'a andrö ba mako firö, nihalö duania Nebukanesa ba gosali ba Yeruzalema, ena'ö la'amadugö ira razo awönia salaŵa ba fo'omonia ba dongania ba döi andrö.[2] 3 Ba la'ohe khönia mako ana'a andrö, nihalö ba nomo Lowalangi ba Yeruzalema, ba ni'amoni'ö andrö, ba la'amadugö ira razo awönia salaŵa, ba fo'omonia ba dongania ba döi andrö. 4 Labadu-badu nagu ba lasuno nadu ana'a, awö nadu firö, awö nadu töla, awö nadu si'öli, awö nadu eu, awö nadu kara. 5 Ba ba da'ö si'aikö oroma duturu danga niha, sanura ba mbagolö nilau betua, ba gamaudu naha wandru, ba mbate'e sebua nihaogö; ba i'ila razo danga andrö, sanura. 6 Ba ufusi mbawa razo ba tobali dödönia, ba hulö zadeha zolania ba manizi-nizi mbalöduhinia. 7 Ba mu'ao razo, ebua linia, ena'ö lafakaoni'ö zi faeta ba Dawa Galedaia ba sangila eluaha ndröfi. Ba humede razo, imane ba zonekhe-nekhe andrö, ba Mbabeli: Ha niha zangila mombaso sura ba sangila mangombakha khögu eluahania, ba lafobaru baru luo ba labe'e ba mbaginia naya ana'a, ba labe'e fahandrona ba gamatöröŵa razo ia. 8 Ba möi yomo zonekhe-nekhe andrö khö razo, fefu, ba lö sangila mombaso sura ba he fangombakha khö razo hadia geluaha. 9 Ba tobali sibai dödö razo Belisasa, afusi mbawania, ba awönia salaŵa göi, ba fawuka manö dödö.
II. Lafakaoni'ö Danieli ba i'ombakha'ö geluaha zura andrö[edit | edit source]
10 Ba me irongo ina razo huhuora awönia salaŵa, ba möi ia ba mbate'e wemanga andrö. Humede ia, imane khö razo: He razo, ya si lö aetu nosou! Böi busi dödöu ba böi afusi mbawau![3] 11 So niha ba mbanuau, si so Eheha Lowalangi andrö, ni'amoni'ö; me luo razo duau, ba no lasöndra, wa no so khönia haga ba tödö satua-tua ba fa'atua-tua Lowalangi; ba tuau, razo Nebukanesa, ba no ifataro ia högö ba zebua elemu ba ba zi faeta, ba ba Ndrawa Galedaia ba ba zangila eluaha ndröfi — tuau andrö, ya'ugö razo! —[4] 12 Me no la'ila, wa Eheha si sökhi zi so khö Danieli andrö, ba fa'aboto ba dödö ba fangila eluaha wangifi ba eluaha dahö-dahö ba famokai si no tobini, khö Danieli andrö, nifotöi razo "Belizasari." Andrö öfakaoni'ö Danieli andrö, ba i'ombakha'ö khöu geluaha zura andrö. 13 Ba la'ohe khö razo ba gödo Danieli. Ba humede razo, imane khö Danieli: Hadia, ya'ugö Danieli andrö, awö ni'oloi'ö andrö, Niha Yehuda, banua mado Yuda, ni'oloi'ö duagu razo [Nebukanesa]? 14 No urongo ndra'ugö, wa no so khöu Geheha Lowalangi, awö wa no mu'ila khöu haga ba fa'atarö dödö ba fa'atua-tua, si no maulu. 15 No faefa mege la'ohe khögu zonekhe-nekhe ba si faeta, ba wombaso sura andrö, ba ba wangombakha khögu eluahania; ba lö la'ila geluaha, tebai la'ombakha'ö khögu. 16 Ba no urongo ndra'ugö, wa ö'ila ö'ombakha'ö geluaha hadia ia ba ö'ila öbokai zi no tobini. Ba iya'e, ba na ö'ila öbaso zura andrö, ba na ö'ila ö'ombakha'ö khögu geluahania, ba lafobaru baru luo ndra'ugö, ba labe'e ba mbagiu naya ana'a, ba labe'e fahandrona ndra'ugö, ba gamatöröŵagu! 17 Ba imane Danieli khö razo: Buala andrö, ba alakha lö öbe'e khögu, ba ame'elamö andrö, ba hana na ba mbö'ö öbe'e; ba ubaso sa khö razo zura andrö, ba u'ombakha'ö khönia hadia geluaha. 18 He razo! Fondrege Lowalangi andrö, ba no ibe'e khö duau Nebukanesa wa'asalaŵa ba fa'abölö ba sumange ba fa'ebua döi. 19 Ba ba wa'abölö andrö, nibe'enia khönia, ba manizi-nizi niha fefu, ha soi ira ba hadia ngawalö lira, ba la'ata'ufi ia. Tola ibunu zomasi ia ba tola i'orifi zomasi a; tola ibe'e salaŵa zomasi ia, ba tola ihöndrögö zomasi ia. 20 Ba me fayaŵa dödönia, me tesao hokhania, irege zi tenga inötö, ba tetimba ia ba dadaoma razo, ba aheta khönia wa'arazonia. 21 Latibo'ö ia awönia niha, ba tödönia, ba tobali timba dödö zaliŵa-liŵa ba danö, ba ngai galide gatua nahiania, ba labe'e önia mbulu ndru'u, föfö gö zaŵi; hambunö nösinia namo mbanua, irege aboto ba dödönia, ba danga wondrege Lowalangi so wa'asalaŵa niha ba somasi ia ifataro salaŵa.[5] 22 Ba ya'ugö, Belisasa, ma'uwunia, ba no lö ni'ide-ide'ömö ya'ugö, he ŵa'ae no örongo da'ö fefu, 23 no ölaŵa Zo'aya ba zorugo; mako andrö, ba gosalinia, ba no ö'oroi'ö khöu, ena'ö mi'amadugö, ya'ugö ba awöu salaŵa ba fo'omou ba dongau ba döi andrö, wamadu agu; ba no ösuno nadu firö, awö nadu ana'a, awö nadu töla, awö nadu si'öli, awö nadu eu, awö nadu kara, si lö mangila niha, ba si lö mamondrongo li niha ba si lö tödö; ba Lowalangi andrö, si so ba danga nosou, ba si no balazi ba zanörö ya'ugö fefu, ba no lö nifosumangeu. 24 Da'ö mbörö, wa no ifatenge duturu danga andrö, ba wanura sura andrö ba da'ö. 25 Ba nisura andrö ba da'ö, ba: Mene, mene, tekel, upharsin. 26 Ba eluaha li andrö, ba: "mene", ba: No i'erai wa'arazomö Lowalangi, ba no i'etu'ö. 27 Ba "tekei", ba: No latulo ndra'ugö ba waliera, ba no lasöndra, wa no abölö aoha ndra'öegö, 28 "peres", (upharsin</ref> ba: No lafaosa gamatöröŵamö ba no labe'e ba Ndrawa Media ba ba Ndrawa Weresia.
III. Atu'a ha Mbabeli zanuwö, ba labunu Mbelisasa[edit | edit source]
29 Ba ibe'e li Belisasa, lafobaru baru luo Danieli ba labe'e ba mbaginia naya ana'a andrö, ba lafarongogö ba niha, wa nibe'e salaŵa ia ba gamatöröŵa razo, fahandrona. 30 Ba ba zi bongi andrö, ba labunu Mbelisasa andrö, razo Ndrawa Galedaia.[6]
Famotokhi ba gahe[edit | edit source]
Fabaliŵa lala[edit source]
Olayama Danieli: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö