Wt/zea/kort

From Wikimedia Incubator
< Wt‎ | zeaWt > zea > kort

Zeêuws[edit | edit source]

Etymologie[edit | edit source]

Over Middelnederlands cort en Oudnederlands curt, van 't Latijnse curtus 'vermienkt'. 'n Inheêmse vurm *skurtiz (Iengels short; dienkt ok an schorte) ei meschien vò verwarrienge gezurgd. De tweê bin wè verwant: curtus kom van 't Oer-Indo-Europees *kr-tos, wat-a de nultrep is van *(s)ker- 'afsnieë'. Ok schere is verwant.

(N.B.: 't Etymologisch Woordenboek van het Nederlands zeit letterlijk 'nie verwant', mae spreek z'n eige tegen in de lemma's kort en schorten, daeruut vaolt op te maeken dan ze van dezelfde wortel komme.)

Omschrievienge[edit | edit source]

kort

  1. weinig uutgestrekt in de lengte, nie lange
  2. weinig uutgestrekt in tied
    • ʼn Ure is vees te kort a je j'n eige ammezeert.
  3. snel buten aesem
    • Oba is oud g'ore, mae nae z'n vuufentachtigste wier d'n toch wè gauw kort as t'n lôpe moest.
  4. kortgedraoid, gauw kwaed, moeilijk in d'n omgank
    • Ik zou gin grappen maeken over z'n g'aerd'eid, dae is t'n noga kort in.
  5. kortbrak (van beschuut gezeid) (nie aolgemeên)
  6. zelfstandig naemwoôrd kortvoer o

Uutspraek[edit | edit source]

[kɔɾt]

Verbugienge[edit | edit source]

korte, korten, korts partitieve genitief

Trappen van vergliekienge

korter, 't kortste

Afleiiengen

Uutdruksels[edit | edit source]

  • Z'n eige kort draoie, weinig tied è
  • Z'n eige kort kêre, je zin buge nae de situaotie of 'n ander z'n willen
  • Z'n eigen te kort doeë
    1. z'n eige nie geve wat 'm toekomt
    2. z'n eige nae beneje praote
    3. z'n eige verdoeë, zelfmoôrd begae
  • Te kort zieë, benauwd weze da je nie mee je geld uutkomt
  • In ('t) korte(n), binnenkort

Saemenstelliengen[edit | edit source]

Ontlêniengen in aore taelen[edit | edit source]

Vertaeliengen[edit | edit source]

Bronnen[edit | edit source]

  • Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 482-4
  • K. Fraanje c.s. (red.), Supplement Woordenboek der Zeeuwse Dialecten. Van Velzen, Krabbendieke, 2003: blz. 150
  • Nicoline van der Sijs (2010, saemenstellienge), Etymologiebank
  • Nicoline van der Sijs (2010, saemenstellienge), Etymologiebank
  • Nicoline van der Sijs (2015, saemenstellienge), Uitleenwoordenbank bie 't trefwoôrd 'kort'