Wp/liv/Austrij

From Wikimedia Incubator
< Wp‎ | liv
Wp > liv > Austrij
Austrij
Österreich

Plagā Vapp
[[Image:|300px]]
Himn Land der Berge, Land am Strome
Pǟjālgab Vīn
Mōmūoḑ Vabāmō
Mōkēļ Saksākēļ
Jūodiji
- Prezident
- Kantslõr

Heinz Fischer
Werner Faymann
Teritōrij 83 872 km²
Rovst 8 356 707 (2010)
Allizpanmiz 1156
Eirō
Āigavīrkiz UTC+2
Ladādomēn .at
Telefonikōd +43

Austrij um ikš mō bäz mier-rubīžḑi Sidām-Eirōpõs. Austrij rov-lug um 8,200,000.

Rištīngd-mōzõpānmi sugīz Austrijs kuolmõs āigast-tūontõs jKr. Ežmizõs āigastsadās jKr mōdõ mōjiztõ keļtõd, siz pōr-võtīztõ sīe rōmlizt āigastõd 15 jkr ja 10 pKr vail. Vīdõzõ āigastsadās mōlõ sadīztõ pǟlõ germānlizt rovd ja kōdõksmõs āigastsadās pōr-võtīz Austrij mōdõ jarā frankõd kēzar Kōrli Sūr, kis tei mōstõ Karolingõd impērij jag.

Īž-pīliji first-vald sugīz Austrijs 976 ku Leopond I vȯļ sīe mark-grōf. Āigasts 1278 pōr-võtīz mō jarā Rudolf IV Habsburg ja Habsburgõd aim vōļikšimi dūriz Austrijs 1918 āigast sōņõ. Habsburgõd kēņig-vald ummizt vȯltõ ka Ungārmō ja Tšehijmō. Napoleon suodād āigal sadīz Austrij jūodtõd Pivā Rōma Kēzar-vald āigasts 1806 ja sīe azmõl luoitõ Austrij kēzar-vald. First von Metternich kōļiz ais-sōdõ pēļizt-väggõ Saksāmō iļ, bet pierrõ suodā Prūšmōkõks sugīz Austrij-Ungārmō kōd-monarkij, missõs luoi dumpidi rovlizt likkimizt.

Pierrõ ärtsog Brants Ferdinand tapāmizt īd Serbij rovliz-mēļiz pūolst īrgiz Ežmi Mōīlmasuodā, mis jarāukīz Austrij-Ungār impērij. Pierrõ suodā sai Austrijst republik, mis bet jūrõ-paņtõ 1938 Natsi-Saksāmōlõ.

Republik ūtstõ-luoitõ āigasts 1955 pierrõ 10 āigastõ īds-nõvs-vȯļļijizt suodāvägūd okupātsij. Austrijst sai Eirōp Īt nõtkõm āigasts 1995. Pierrõ pūolst āigastsaddõ neutrāli-vȯlmiz polītikkõ vȯļ Austrij ikš ōraližist Eirōp Īt nõtkõm-valdõd siegāst, mis äb vȯnnõd NATO nõtkõm 21 āigastsadās īrgandõksõs. Austrij pǟjālgab ja amā sūrim jālgab um Vīn.