Wp/liv/Rumāņmō

From Wikimedia Incubator
< Wp‎ | livWp > liv > Rumāņmō
Jump to navigation Jump to search
Rumāņmō
România

Flag of Romania.svg Coat of arms of Romania.svg
Plagā Vapp
EU location ROM.png
Himn Deşteaptă-te, române
Pǟjālgab Bukarest
Mōmūoḑ Vabāmō
Mōkēļ Rumāņkēļ
Jūodiji
- Prezident
- Pǟministõr

Traian Băsescu
Emil Boc
Teritōrij 238 391 km²
Rovst 22 215 421 (2009)
Allizpanmiz 1859
Rumāņmō leu
Āigavīrkiz UTC+3
Ladādomēn .ro
Telefonikōd +40

Rumāņmō um vald Lȭnag-Eirōpõs, missõn um lītõ rānda vīrki Mustā mier aigās.

Rumāņmō pǟjālgab ja amā sūrim jālgab um Bukarest. Rumāņmō rov-lug um 22 300 000.

Istōrij[edit]

Īrgandõksõs vȯļ Rumāņmō Rōma impērij provints. Kuolmõnd ja 12 āigastsadā vail pōr-võtīztõ siedā mitmõd Rumāņmōlõ pǟlõ-saddõnd rovd, nemē gōtõd, hunnõd, ungārd ja mongōld.

13. āigastsadās pūojtiztõ kakš first-valdõ, Moldova ja Valāhij, missõst saitõ Tirkmō impērij alūmnikā-valdõd ja obbõm Krīevõmō protektorātõd. Ne vȯltõ kubbõ-viedtõd 1861 nemē Rumāņmō, mis sai īž-pīlijiks 1878 āigasts.

1930 āigastis suggõn fašistliz rov-likkimiz pierāst monarkij sadīz ja luoitõ diktatūr āigasts 1940. Pierrõ Rumāņmō okupīerimizt Nõvkub Īt pūolst Tuoiz Mōīlmasuodā āigal, mōstõ tuļ kommunistli republik āigasts 1947 mis sadīz 1989 suodāväg abkõks suggõn revolūtsij āigal.