Wp/isv/Srbsky jezyk

Jezyk

Srbsky

srb.: српски; srb.: srpski
Standardy srbskohrvatskogo jezyka. Krajiny, kde govorjat na srbskom, sut žoltym.
Obča informacija
Ozemja	Srbija, byvše ozemje Jugoslavije i srbska diaspora
Govoritelji	kolo 12 milionov (2009)
Pismo	kirilica latinica
Služebny status
Služebny jezyk	Srbija Bosnija i Hercegovina Črna Gora Kosovo (sporno poznańje)
Poznanny jezyk menšinstv	5 držav
Jezyčna rodina
Indoevropejske jezyky Baltoslovjanske jezyky Slovjanske jezyky Južnoslovjanske jezyky Srbskohrvatsky jezyk Srbsky jezyk

Srbsky jest standardna kniževna forma srbskohrvatskogo jezyka, ktora jest glavno koristujema Srbami. Srbsky jest služebny jezyk v Srbiji, jedin iz treh služebnyh v Bosniji i Hercegovině, i soslužebny v Črnoj Gorě i Kosovu. Srbsky jest poznany jezyk menšinstva v Hrvatiji, Sěvernoj Makedoniji, Rumuniji, Madjariji, Slovakiji i Čehiji.

Standard srbskogo jezyka jest osnovany na najrazprostranjenom narěčju srbohrvatskogo, štokavskom (vyše točno, na narěčjah Šumadije-Vojvodiny i Iztočnoj Hercegoviny), ktoro jest takože osnova standardov hrvatskogo, bosnijskogo i črnogorskogo jezykov. Ino narěčje, na ktorom govoret srbi, jest torlaksko narěčje v jugoiztočnoj Srbiji, od ktorogo jest prěhod k makedonskomu i bulgarskomu jezykam.

Srbsky jezyk koristaje kako kirilicu, tako i latinicu. Srbsky jezyk jest jediny jezyk Evropy, govoritelji ktorogo koristajut jednočasno dva alfabeta (digrafija). Srbsku kirilicu stvoril v 1814 roku srbsky jezykoznavec Vuk Karadžič. Srbsku latinicu stvoril hrvatsky jezykoznavec Ljudevit Gaj v 1830. rokah na osnově češskogo alfabeta.

Vněšnje linky

• Tutoj članok imaje prěvod iz članka "Serbian language" v Vikipediji na anglijskom (spis avtorov; dozvoljeńje CC BY-SA 4.0).
•  Vikipedija, svobodna enciklopedija na srbskom