Wn/ppl/Ken ijtuk tik Kuskatan

From Wikimedia Incubator
< Wn‎ | pplWn > ppl > Ken ijtuk tik Kuskatan


Yajyankwik Tik Nawat

Señorio cuzcatlan.svg

Dico.png
Taketzalistal pal YTN

Izzyd.jpg KEN IJTUK TIK
Kuskatan
Departments of El Salvador named.svg
Mumulutza Chaparrastike

Kuskatan, 24/3/2013[edit | edit source]

Ijkiuni muita tik ne espacioj (Chaparrastique nemi tik iyekkan ne fotoj)

Pejki kitamuta pukti ne Tepet Chaparrastike, tik San Miguel, ne 29 diciembrej 2013, ka 10:30 ka peyna.

Ne kalpuli kitalij alertaj tultik, melka weliskia tejku hasta alertaj lala tik ne taneskan ipal Kuskatan.

Ka teutak kitejkultij hasta lala pal kiane ne kalpuli yawi kipalewia chiupiuk. Ne Ministerioj ipal ne Medio Ambiente inak ka ne tepet pejki kishtia gas wan neshti 10:30 ka peyna. Tejkuk itech ne itzunpan ne tepet wan ajsik ka ajku makwil kilometroj. Sejse chanej inatiwit ka ne tepet tapanik wey.

Tay ina ne Kalpuli
  • Ne tuktianimet ipal Protección Civil y Medio Ambiente inaket ka pejket mumakat cuentaj ka kumuni ijtik ne tepet Chaparristike ne tunal 13 ipal ne Metzti Majtakti-Ume (diciembre).
  • Inaket ka ne tepet tapanik iwan tit, wan welituya kisa mutalua ne tit, yajika yawit kipachiwiat.
  • Medio Ambiente inak ka ne chanejket te welit tzinkisat nepa Chaparristike wan ma mutzakwakan iwan kwajkwachti ajwituk.
  • Ne Chiltik Cruz ina ka kituktijtiwita takamet ipal ne tajtaltakutun ipal San Miguel wan Usulutan pal kipalewiat kishtiat ne chanejket, wan nusan takamet pal ankakeski takutuntzitzin ipal Shikilisku, Santiago de María, Shukuapan wan Berlin.
  • Ne alcaldej Will Salgado inak ka inteuk kiski tit, ashan sema muita ka ne tepet kichijchatuk neshti.

Ne kalpuli kintuktij takamet ma muishtikan ne nepa muchantiat tik ne 300 chinamit nemit wejka ne iikshi ne tepet hasta yey kilometroj. Ijtik yejemet mupuat ne kojkojtantechan itukay San Rafael, Santa Elena, Usulutan, Las Placitas, El Tránsito, San Jorge, Santa María, Batres, Shukuapan, Chinamekan wan sejseuk.

Ne Chaparrastike kipia 2129 metroj ijpak ne weyat. Yaja se ne yey volcan mas kojkojtik tik Kuskatan. Sejse inat ka ne itukay ne tepet “Chaparrastike” kineki ina tik Lenkataketzalis “tutunik tal ipal ne chaparroj”.

Tik Twitter mutalijtiwit fojfotoj ipal ne tepet kichijcha pukti. Ashan kichiwa 37 shiwit ini tepet te kichijtuk tatka.

Kan inaket[edit | edit source]

Kuskatan (Wikipediaj)
Flag of El Salvador.svg Coat of arms of El Salvador.svg
Talkwachti Chimal
El Salvador (orthographic projection).svg
Chanejket 6,134,000
Keski tal kipia 21,041 km²
Weytechan San Salvador
Achtumutaliani Mauricio Funes
Tajtaketzalis Castillaj (oficial), Nawat, Lenka (tea aka tanutza) wan Kakawira (Cacaopera) (tea aka tanutza)
Tumin dolar Americanoj, colon
Horaj UTC -6:00 (Central)
+

Volcanoes near Usulután, El Salvador.jpg

Mumulutza Chaparrastike

Mural Oscar Romero UES.jpg

Ashan 33 shiwit kimiktijket Monseñor Romero

Current event marker.png
Yajyankwik
Ne achtu partidoj pal ikshitachti ijtik tejtepewa nacional (Inglaterra–Escocia, 0-0, 1872
  • Ne tamakalis: Kuskatan 1-1 Irak. Ne tajtaishtukani: Kuskatan: 34' Jairo Henríquez; Irak: 40' Suad Nariq. Ne sabadoj witz Kuskatan yawi mawiltia itech Turquia tik ne Copaj pal ne Taltikpak.
Logoj pal ne Tay Ipal Muchi Tukniwan
  • Se tajkwilul tik ne periodicoj pal Kuskatan "Diario de Hoy" ina ka te tatka ipatiw tajtaketzalis ken ne Nawat, wan ina ka mas yek ma mikikan ne tajtaketzalis ijkiuni. Muchiwtuk wey kwalan wan kumunilis tik ne movimientoj pal kipalewia ne Nawataketzalis. Weli tikita tay nemit tajtaketzat ipanpa tik ne tepewa pal Ishkalamat Tikpalewikan ne taketzalis ("Salvemos el idioma náhuat").

(Diario de Hoy)

Se siwat weli muutztitamia asu... ██ ne siwat kineki. ██ kichiwtiwit violar, weli miki, sea kukuya, te kipia yek itzuntekun, te kipia tatka o su ne shulut te yek. ██ kichiwtiwit violar, weli miki, sea kukuya, te kipia yek itzuntekun o su ne shulut te yek. ██ kichiwtiwit violar, weli miki, sea kukuya o te kipia yek itzuntekun. ██ weli miki, sea kukuya o te kipia yek itzuntekun. ██ (Kuskatan) TE KEMAN. ██ (te kenha nujme ne tal) ██ (te tikmatit)
  • Ne takakiluyan pal Kuskatan te kiajkaw Beatriz muutztitamia ika ne tajtuli ina ka te weli muchiwa; melka uni tamik kiajkawa ma kichiwilikan se cesareaj. Ne siwat pal 22 shiwit kitajtan ne abortoj ika yaja kukuya wan ne shulut te kipia nian muchi itzuntekun nian intzuntekwich. Kipiaya se ikunew wan yajasan welik miki su puni. Ashan muchiwtuk ne cesareaj: ne shulut mikik wan inat ka ne siwat nemi yek. Nakak ne tajtanilis: ken ijtuk iwan ne tajtuli? Ne kalkukuyanit, ne kalpuli wan miak sennemit ipanpa dejderechoj, muchi kinekituyat ma weli muutztitamia pero ne juejjuez inaket ka ne tajtuli te kiajkawa. (BBC News)
  • Ne weytakakiluyan inatuk ka te weli kichiwa abortar se siwat itukay Beatriz ne weli miki ika kukuya wan ne kunet tik iijti nusan sujsul kukuya. Miak te welit yek tay inatiwit ne juezmet (nawi inaket te, wan sesan eje) wan kisket tik projprotestaj tik ne ujujti ijtik Kuskatan wan hasta tik Meshijku nusan. Semaya nakat chikume tal ijtik muchi Latinoamerica kan ne tajtuli te kiajkawa ne "utztitamilis" nian kwak ne siwat muchiwtuk violar o kukuya wan weli miki. Pal uni chikume, yey nemit tik ne Shiktal: Honduras, Nicaragua wan Kuskatan.

(BBC Mundo)

Monseñor Romero
  • Ne tatuktiani pal Kuskatan, Mauricio Funes, yajki tik Roma ne 23 Mayoj 2013 pal taketza iwan ne Papaj Francis. Semaya sennemituyat majtakti ume minutoj. Funes kielnamiktilij ne Papaj ka ne teupan Catolicaj teuk kichiwki santoj Monseñor Romero. Ne ume Papaj panutiwit tesu kinekituyat, wan ne kalpuli pal Arena nusan te kintajtan. Sejse inat ka ne Papaj Francis yawi kichiwa Santoj, ken ne teupan Anglicana kichiwki ashan miak shiwit.

(Washington Post)

Ne Maraj Salvatrucha
  • Ne tatuktianimet pal ne majmaraj Salvatrucha wan Barrio 18 mutajtawelijtiwit tik se "rueda de prensa" ika ne Wey Takakiluyan pal Kuskatan inatuk ka te weli naka ken ministroj pal ne kalpuli ne general David Munguia Payes ika yaja se militar. Inat ne tatekimakat ka kakasiwit wan weli tami ne treguaj ika David Munguia se pal ne kiekchiwket uni nejmachnemilis. Ne achtumutaliani Funes ina ka melka te kita yek tay inatuk ne takakiluyan, muneki mutakamati. Nusan inatuk ne takakiluyan ma mupata ne tatekimaka pal ne policiaj, ne general Francisco Salinas. Ne kitekimakat ne majmaraj inat ka te kinekit ma tami ne nejmachnemilis wan tejchiat ma kichiwakan respetar ne treguaj ne yajyankwik tatuktiani ne yawit mutukaytiat.

(BBC News)

Itajtzinkayu Kuskatan
  • Ini semanaj, ne tukniwan nemit tik Kuskatan yawit welit kitat ne peliculaj El Tigre y el Venado iwan ne Nawataketza pal Tajkupan (Tacuba) Marcelino Galicia wan Roberto Carlos Mendoza. Sergio Sibrián kichiwki ne peliculaj wan nemi tik Nawat wan Castillaj. Welit tikitat ne trailer ka nikan. Tata Marcelino yajki itan tal tik ne shiwit 2012; inat ka kipiatuya 104 shiwit. El Tigre y el Venado yawi muishpanua ijtik ne "festival ambulante" tik ne Cinepolis Multiplaza ne 17/5 ka 7 horaj ka teutak.

(Ishkalamat)

Palabraj uij ?...
Ne taj taketzalis chiltik :
Su tik panultia mu kimichin ijpak, tiaw tikita ne i tapatalis tik Castillaj!

Muskogean langs.png

Mikik ne Chickasawtaketza Emily Johnson Dickerson

Volcanoes near Usulután, El Salvador.jpg

Mumulutza Chaparrastike

Nelson Mandela-2008 (edit).jpg

Nelson Mandela 1918–2013

Insect food stall.JPG

Tikwakan ijinsectoj!

Welsh2011w.png

“Tejemet nusan tikpiat se tutaketzalis”

Flag of South Africa.svg

Kimiktiat se takapiltzin siwayulu “pal kishkwepat takat”

Map-of-HIV-Prevalance-in-Africa.png

SIDA tik Africa: tupajpakilis ipanpa Malik

Tay, kan, keman

Pal tikchiwat...[edit source]

  • YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
  • Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
  • Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
  • Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.

Tajtajkwilul[edit source]

Tzajtzawalamat[edit source]

Ajamat tik Nawat[edit source]

  • Genaro Ramírez, Naja Ni Genaro (IRIN). Tajtzin techilwia tay kichiwtuk wan sejseuk.

Tikpia se pal tikneshtia? Shikpachu "Editar"! (Pal tikmati chiupiuk...)

Ijilpika
Nawataketzalis

Yajyankwik

Yajyankwik tik...

Timetzchiat tik

Yajyankwik Tik Nawat

tik

Facebook.svg !


Taja nusan shitajkwilu tik YTN!