Wn/ppl/Kimiktiat se takapiltzin siwayulu pal kishkwepat takat

From Wikimedia Incubator
< Wn‎ | pplWn > ppl > Kimiktiat se takapiltzin siwayulu pal kishkwepat takat
Jump to navigation Jump to search


Yajyankwik Tik Nawat

Señorio cuzcatlan.svg

Dico.png
Taketzalistal pal YTN

Kimiktiat se takapiltzin siwayulu “pal kishkwepat takat”

Tatzinu Africa, 3/5/2013[edit | edit source]

Italkwach Tatzinu Africa

Ne itejteku kituktijket inpiltzin ka se campamentoj pal "kipajtiat" ika kipiatuya "déficit de atención" (kineki ina ka chiupi tajpia) wan siwayulu (homosexual). Kwak panuket sejse semanaj, kititanijket Raymond Buys ka kalkukuyanit (hospital). Kwak kipiatuya majtakti semanaj ka ajsik tik ne campamentoj, mikik. Kipiatuya 15 shiwit.

Kwak Buys ajsik tik ne kalkukuyanit, yaja pijpiachin wan kipiatuya chiupi iayu. Kipiatuya se imajkul keluntuk, wan nujme ne iweyka tatijtuk wan tzayantuk. Panuket 4 semanaj wan mikik.

Ukse piltzin ne nemik iwan Raymond tik Echo Wild Game Rangers, ken itukay ne campamentoj, ina ka kilpijket ijpak itapech iwan tepusti muchi ne tajtayua wan te kiajkawat yawi mushisha nian mijkwitia. Seujti kichiwket ka kikwa ne ikwit. Nusan ina ka kichajchalujket iwan kwajkwawit wan sejseuk, wan kichiwket electrocutar kwak nemituya ilpituk, petztituk iwan semaya se ikwachpepech kitzakwa ne itzuntekun.

Ne italkwach ne movimientoj kipalewia ne indejderechoj ne homosexualmet

Ashan nemit tik ne takakiluyan Alex De Coker, “ne general” (49 shiwit) wan se ikunpa itukay Michael Erasmus (20 shiwit) ipanpa tamiktilis, wan ika inat ka kichajchalujket wan te tajpishket ne takapilztin.

Inak ne inan Raymond: “Niktuktij nupiltzin ka né pal mukwepa se yek takat, pal nikmaka se yek musta”.

Yaja taketzki iwan Raymond ukpa (ume wipta) kwak nemituya tik ne campamentoj. Mumati ka ne tamachtiani kilwij ka ne ipiltzin mutzayana isel. Kwak tajtaketzket, kitajtanilij taika kichiwa ijkiuni wan ne takapiltzin inak ka yaja tesu mutzayana. Melka uni, ne inan te kishtij tik ne campamentoj.

Ini mapaj kilwitia tay ina ne tajtuli ipanpa ne indejderechoj ne homosexualment tik ne talmet pal ne taltikpak. Kan nemi susul, kipiat mas wey derechoj; kan nemi gris, te; kan nemi tultik o chiltik, welit mutentzakwat o mumiktiat.

Ne 23 ipal ne Metzti Yey, De Coker kinutzki ne nantzin pal kilwia ka ne piltzin nemituya tik ne kalkukuyanit wan sujsul kukuya.

Anka ini tesu ne achtu wipta ka Alex De Coker kichiwtuk sejse ijkiuni wan kimiktia se takapiltzin. Tik 2009 nemik iishpan ne juez ipanpa se kiane, pero kiajkawket yawi wan mukwepki tekiti tik ne campamentoj.

Kan inaket[edit | edit source]

Palabraj uij ?...
Ne taj taketzalis chiltik :
Su tik panultia mu kimichin ijpak, tiaw tikita ne i tapatalis tik Castillaj!

Muskogean langs.png

Mikik ne Chickasawtaketza Emily Johnson Dickerson

Volcanoes near Usulután, El Salvador.jpg

Mumulutza Chaparrastike

Nelson Mandela-2008 (edit).jpg

Nelson Mandela 1918–2013

Insect food stall.JPG

Tikwakan ijinsectoj!

Welsh2011w.png

“Tejemet nusan tikpiat se tutaketzalis”

Flag of South Africa.svg

Kimiktiat se takapiltzin siwayulu “pal kishkwepat takat”

Map-of-HIV-Prevalance-in-Africa.png

SIDA tik Africa: tupajpakilis ipanpa Malik

Tay, kan, keman

Pal tikchiwat...[edit source]

  • YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
  • Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
  • Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
  • Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.

Tajtajkwilul[edit source]

Tzajtzawalamat[edit source]

Ajamat tik Nawat[edit source]

  • Genaro Ramírez, Naja Ni Genaro (IRIN). Tajtzin techilwia tay kichiwtuk wan sejseuk.

Tikpia se pal tikneshtia? Shikpachu "Editar"! (Pal tikmati chiupiuk...)

Ijilpika
Nawataketzalis

Yajyankwik

Yajyankwik tik...

Timetzchiat tik

Yajyankwik Tik Nawat

tik

Facebook.svg !


Taja nusan shitajkwilu tik YTN!