Wp/ppl/Kuskatan (El Salvador)

Ne Wikipediaj Tik Nawat Achtu Iswat pal Wikipediaj Tepalewilis Tajtaiwan Chinamit

Kuskatan

Panti Chimal
Takwikalis	Himno nacional ipal Kuskatan
Chanejket	6,134,000
Keski tal kipia	21,041 km²
Weytechan	Kuskatan (Weytechan)
Tatuktiani	Nayib Bukele
Tajtaketzalis	Castillaj (oficial), Nawat, Lenka (tea aka tanutza) wan Kakawira (tea aka tanutza)
Tumin	Dólar Americanoj, Colón Salvadoreño, Bitcoin
Oraj	UTC -6:00 (Central)

Ne itachishka

Ne tepet ipal Ijtzalku.

Kuskatan ne estadoj mas chikitik ipal ne Shiktal. Kwajtemalan, Honduras wan ne weyat itukay Nejmachat kiyawaluat. Ikman, tik ne tajtal ne ashan muilwiat Kuskatan nemituyat ne tejtechan Nawamet, Lenka, Kakawira wan sejseuk. Ne Españolujmet pejket ajsit tik ne shiwit 1524, musunket iwan ne Nawamet wan inaket ka yaja ipal España. Tik 1821, muchi ne Shiktal tea nakak ipal España, wan tik 1842 nesik ne estadoj mukwajpilua ipal "El Salvador", ne muilwia tik Nawat Kuskatan. Ikman kwak teuk ajsitiwit ne Españolujmet, Kuskatan katka itukay se wey tal ipal ne Nawamet. Ashan ne chanejket ipal Kuskatan nemit mas que seis millones. Ne weytechan itukay San Salvador. Ne tumin ipal Kuskatan, hasta 2001 katka ne colon wan ashan yaja ne dolar Americanoj. Ina ne tajtuli ka ne taketzalis oficial ipal Kuskatan ne Kastilla. Ne tatuktiani ipal Kuskatan itukay Nayib Bukele.

Kuskatan kipia 14 taltakutun (dejdepartamentoj) wan 262 chikitik taltakutun (mujmunicipioj). Ne itukay ne weytechan Kuskatan tik Kastilla itukey San Salvador (sejse kinutza Kuskatan nusan), wan sejseuk wey techan Santa Ana (Siwatewakan), San Miguel, Suyapanku, Santa Tecla (Pulamil), wan Kuskatan Pal Ikman (Tik Kastilla itukey Antiguo Cuzcatlán).

Ne makwiliswat itakil nacional ipal Kuskatan.

Se guerraj ishtunki 12 shiwit tamik ne 16 enero 1992, kwak ne kalpuli wan ne guerrillaj inaket ka tea yawit musumat, wan ka yawi nemi nechmachnemilis (Acuerdos de Paz) nujme ne tal.

Ne talaputz tutut nacional ipal Kuskatan.

Techantukaytilis

Kuskatan o Kuskatan (ne tal ipal ne Nawamet pal ikman) < kusti o kuskat 'se tay yektzin taiwan tikyawaluat ne tukechkuyu' + -tan. Tik Kastilla mukwepki Cuzcatlán.

Tik ini mapaj muita tik shushuknaj ne tajtaltakutun ipal ne Kuskatan ipal ashan ne ikman nemituyat ijtik ne Kuskatan palikman kan nemituyat ne Nawamet wan taketzat katka Nawat. Ka ajkuik (ajkuikpa) nemituyat ne Ch'orti, se techan Maya. Kan kisa ne tunal (taneshkan) ne Kuskatan palikman ajsi katka hasta ne apan Lempa. Sentapal ne apan Lempa nemituya ne techan Lenka.

Se mapaj ipal ne estadoj ipal Kuskatan.

Sejseuk pal tikita tik ne Wikipediaj Tik Nawat

• Talmet wan tejtechan ipal Kuskatan
• Tajtaltakutun ipal Kuskatan
• Ikmanpanutuk ipal Kuskatan

Sejse ilpika tik ne Internet

• Ministerio de Turismo ipal Kuskatan
• Kuskatan tik Google Maps
• Ajamat ipal Amnistía Internacional ipanpa El Salvador
• Tamatilis ipal ne CIA ipanpa Kuskatan (tik ingles)