Ne Shiktal (tik Kastillaː Centroamérica) ne taltakutun tatajku America ka nusan ne talpanuwas ne kinhilpia Ajkuik America wan Tatzinu America. Ne Shiktal piktuk inwan ne chikume estadoj inpal Kwajtemalan, Belice, Honduras, Kuskatan, Nikawak, Costa Rica wan Panamá. Ne wejweyat intukay Nejmachat wan Caribe, wan ne ejestadoj inpal Meshijku wan Colombia kiyawaluat. Ashkan, achka 42 millones ipal chanejket nemit tik ne Shiktal. Tik ne shijshiwit 1520, ne Españolujmet pejket kikwit muchi ne Shiktal asunte Belice, wan tik ne shiwit 1540, kitetzilnajtalilijket ne Capitania General ipal Kwajtemalan. Yaja muchayaj desde Chiapas, ka tatzinu ipal Meshijku, ashta Costa Rica (ajatzika muchi ne Shiktal), wan nentuk ashta ne shiwit 1821, kwak ne ejestadoj ipal ne Shiktal inat ka intea nakak ipal España. Ne ajkuik taltakutun ipal ne Shiktal nemi ijtik ne taltakutun cultural ipal Mesoamerica. Ikman ne culturaj Maya katka se ipal ne wejwey culturaj ipal ne Shiktal. Ne Canal ipal Panamá panu tik ne italtakutun ne Shiktal mas uchulnaj pal kinsalua ne Nejmachat wan ne Caribe, wan pal kipalewia ne tanamakalis wan takualis (comercioj) tik ne taltikpak.
.svg)