Wb/nia/Sangombakha/9

I. Itari lö oroma ba niha wa'atulö Lowalangi

1 Da'ö fefu sa, ba no utöngöni sibai ba no u'alu-alui fefu: wa no ba danga Lowalangi so zatulö tödö ba satua-tua, fabaya nilau-laura andrö; he fa'omasi, ba he fatiusa, ba tenga si no tohöna i'ila niha; oi si so fönara fefu.
2 Faoma i'ila itörö ira fefu hadia ia: ha sambalö zi göna ira, he satulö tödö, ba he sebua horö, he si sökhi, sohau-hau, ba he si ra'i-ra'iö, he same'e sumange, ba he si lö mame'e sumange; si mane ba zi sökhi göi ba zi so horö, ba si mane ba zi möi ba hölu göi ba zata'u hölu.
3 Famakao da'ö, ba ngawalö hadia ia fefu ba guli danö, wa no ha sara manö zi göna ira fefu, ba tobali fahöna manö ba dödö nono niha zi lö sökhi, ba fa'owöhö mowa ba dödöra, sagötö ya'ira; ba aefa da'ö, ba möi ba mbanua tou.
4 Na awö zauri fefu na niha, ba lö saetu wanötöna; sökhi sa nasu sauri, moroi ba zingo si no mate.
5 Sauri sa, ba no la'ila, wa si mate ira dania, ba si no mate, ba lö hadia ia la'ila, ba lö'ö sa'ae böli gölöra, lö'ö sa'ae itörö tödö niha bö'ö ira.
6 He fa'omasira ba he fatiusara ba fönura, ba no ara sa'ae numalö, ba lö'ö sa'ae hadia ia zo'urakha ira, ba guli danö.

II. Oguna'ö nibe'e Lowalangi khöu

7 Ba labu sa'ae, omusoi'ö dödöu wemanga göu, awö wamadu agu khöu; no ara sa'ae, me itehe wolaumö andrö Lowalangi.
8 Böi tebulö wa'afusi nukhau ba böi manö ambö wanikha ba mbumö.
9 Omusoi'ö dödöu ba wa'aurimö, awö wo'omou somasi'ö, götö wa'anau nosou andrö, si lö boto, nibe'e Lowalangi khöu, ba guli danö, si sagötö ya'ugö, si no faya-faya; me no da'ö dana khöu, ba wa'auri andrö, ba ba wa'erege dödöu andrö, nifakaomö ya'ugö, ba guli danö.
10 Fefu hadia ia ni'ilamö ölau tangau, ba wa'abölömö andrö, ba ölau; ba mbanua tou andrö sa, ba zi möi'ö dania, ba lö halöŵö ba lö fa'onekhe ba lö fa'aboto ba dödö ba lö fa'atua-tua.
11 Ba so zui ni'ilagu ba guli danö: no tenga ba zalio ahe wagohisa, ba tenga ba zabölö wanuwö, ba tenga göi ba zatua-tua gö, ba tenga ba zonekhe wa'ebua gana'a, ba tenga ba zaboto ba dödö wa'ebua dödö; no ha sambua ginötö ba no ha sara zi göna ira fefu.
12 Lö'ö na'i i'ila ginötö khönia niha: si mane i'a nifa'u'u ba ndriala famunu ba si mane fofo, nifa'ala ba dandraŵa, — si manö göi wama'ala niha, na baŵa wamunu, na ihawui ira, si lö mudöna-döna.

III. No aröu tohude wa'atua-tua, moroi ba wa'ambö tödö

13 Ba da'ö na göi ni'ilagu fa'atua-tua ba guli danö, ba sebua da'ö wamaigigu:
14 banua side-ide, si lö atoto niha, ba isuwö ira razo sebua, ifa'u'u mbanua ba ifalau'ö mba'a-ba'a sebua ba gero göli.
15 Ba no so yomo ba mbanua andrö niha si numana, samösa, satua-tua, da'ö zangorifi banua andrö ena'ö, ba wa'onekhenia; ba samösa lö si lö olifu niha si numana andrö.
16 Ba umane dödögu: Si sökhi moroi ba wa'abölö wa'atua-tua, ba fa'atua-tua zi numana andrö, ba no lö ba dödö niha [bö'ö], ba linia, ba lö lafondrondrongo.
17 Taroma li zatua-tua, na ba wa'ahono-hono tafondrondrongo, ba no si sökhi moroi ba we'ao zalaŵa zowöhö mowa.
18 Fa'atua-tua, ba no si sökhi moroi ba wangöna, ba oya ifakuyu si sökhi niha si so horö, he ha samösa ia.

Famotokhi ba gahe

Fabaliŵa lala

Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö