Wb/nia/Sangombakha/7

I. Ni'onangegö fefu hadia ia

1 Sökhi döi si sökhi, moroi ba wanikha [famayoini] si sökhi, ba sökhi mbaŵa wa'amate, moroi ba mbaŵa wa'atumbu.
2 Sökhi we'amöi ba nomo, ba ni'e'esi si mate, moroi ba we'amöi ba nomo ba nibadu-badu tuo; amozua niha fefu sa da'ö no mege, ba möi ba dödö zi so noso na.
3 Sökhi wa'abu dödö, moroi ba wa'iki; ohahau sa dödö, na mangerau mbawa.
4 Ba nomo ba ni'e'esi si mate so dödö zatua-tua, ba tödö zambö era-era, ba ba nomo ba zomuso dödö niha so.
5 Sökhi wamondrongo fanegu zatua-tua, moroi ba wamondrongo wanunö zambö tödö.
6 Me no hulö wa'ofetufetu manawa, na labe'e eu galitö wa'iki zambö tödö: no faya-faya göi da'ö.
7 Si taya sa gera-era zatua-tua, na lafalangögö ia, ba na labe'e önia gana'a, ba tefuyu dödönia.

II. Ena'ö na ihonogö dödönia niha ba nibe'e Lowalangi khönia

8 Sökhi lua-lua hadia ia, moroi ba mbörötania. Sökhi zebolo tödö, moroi ba zi fayaŵa.
9 Böi alio-lio abao dödöu, me no barö doto zambö era-era so wa'abao dödö.
10 Böi ömane: Hadia mbörö, wa no sökhi götö föna, moroi ba götö da'e? Tenga sa fanofu zatua-tua da'ö.
11 No timba göndröita zatua wa'atua-tua, ba no soguna sibai ba zangila haga zi moluo.
12 Ba'a-ba'a zino sa'ae wa'atua-tua ba ba'a-ba'a zino [göi] gana'a, ba hare ba wa'aboto ba dödö, ba i'orifi zi so ya'ia fa'atua-tua andrö.
13 Faigi-faigi nilau-lau Lowalangi; ha niha sa zangila mangadölö niköi'önia?
14 Na baŵa si sökhi ba omusoi'ö dödöu; ba na baŵa si lö sökhi, ba ömane dödöu: nibe'e Lowalangi göi da'ö, si mane si sökhi andrö, ena'ö lö'ö sa'ae irongo hadia ia, baero ö, niha, dania.

III. Böi si tenga moroi ba dödö wolo'ö oroisa, ba böi molau si lö sökhi

15 No ahori u'ila ba götögu andre: Soso zatulö tödö, si tekiko ba wa'atulö dödöra andrö, ba soso zebua horö, sanau noso, ba walösökhira.
16 Böi töra wa'atulömö, ba böi atua-tua sibai ndra'ugö öŵa'ö: hana wa öfakiko'ö?
17 Böi abölögö wanao horö ba böi sambö era-era ndra'ugö! Hana wa omasi'ö mate, na lö'ö na inötö khöu?
18 Sökhi na ö'aro'ö khöu zi sambalö ba na lö'ö göi iböhöli tangau zi sambalö; sangata'ufi Lowalangi sa, ba lö göna ia da'ö fefu.
19 Fa'atua-tua andrö, ba i'abe'e'ö zatua-tua, moroi ba zi dafulu sabölö, si so yomo ba mbanua.
20 Lö'ö sa niha satulö ba guli danö solau si sökhi lö olalöŵa.
21 Böi göi töngöni deatea mbewe andrö fefu, nilau-lau, fa böi örongo i'elifi'ö sawuyumö.
22 Me no asese ö'elifi göi niha bö'ö, si lö olifu'ö.

IV. Wa'afökhö wangalui fa'atua-tua si ndruhu

23 Da'ö fefu, ba no utandraigö, ba wa'atua-tua andrö; no umane dödögu: "Omasido na atua-tua ndra'odo," ba lö'ö sa ihatö'ö ia khögu.
24 No aröu zi so andrö, ba no abakha sibai; ha niha zogamö?
25 Ba no u'otahögö, no ube'e dödögu, ena'ö aboto ba dödögu ba ena'ö usöndra; ba wangalui fa'atua-tua ba fame'e ba lala, ba ena'ö aboto ba dödögu, wa no fa'ambö tödö wanao horö, awö wa fa'owöhö sa'ae wa'owöhö mowa andrö.
26 Ba no safeto moroi ba wa'amate ndra alawe usöndra; no timba gu'ö ia, ba tödönia, ba no timba dandraŵa, ba tangania, ba fesu. Somasi Lowalangi, ba lö alau khönia, ba si so horö, ba te'ala ibe'e.
27 Hiza, da'ö nisöndragu, iŵa'ö sangombakha, no u'ozaragö, ena'ö usöndra wozu.
28 Da'ö ni'alu-aluigu, ba lö nisöndragu: Ira matua, ba samösa ba zi hönö usöndra, ba ira alawe, ba samösa lö'ö ba da'ö fefu.
29 Hiza, ha da'ö nisöndragu: no adölö dödö niha, womböi Lowalangi ya'ia, ba ya'ira, ba no oya la'alui göi-köi.

Famotokhi ba gahe

Fabaliŵa lala

Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö