Wb/nia/Sangombakha/1
I. Hadia zi lö tebulö me no a'oi faya-faya manö fefu hadia ia[edit | edit source]
1 Taroma li zangombakha andrö, ono Dawido, razo ba Yeruzalema.[1]
2 Faya-faya si tumbu ba zi lö boto! iŵa'ö sangombakha andre; faya-faya si tumbu ba zi lö boto! Oi faya-faya manö!
3 Hadia hare niha ba wa'erege dödönia andrö fefu, ba ni'eregesinia tödönia ba guli danö?[2]
II. Tobali-bali manö fefu hadia ia ba guli danö[edit | edit source]
4 Mulalö zi sagötö niha, ba so zi sagötö, ba tanö andre, ba si lö tebulö, irugi zi lö aetu.[3]
5 Ba tumbu luo ba aekhu, si fulöi ia, isaŵa zi tumbu ia dania.
6 Tefuyu nangi miraya, ba irugi yöu; tefuyu-fuyu manö ia, ba ifulifuli ia ba nifasuinia mege.
7 Ba nasi numalö nidanö fefu, ba lö'ö sa falawu nasi: ba zi numalö idanö andrö, ba da'ö manö zui lua-lua dania.
8 Fefu hadia ia, ba serege tödö; tebai ahori idunö-dunö niha; lö abuso hörö wamaigi, ba lö afönu dögi dalinga ba wamondrongo.[4]
9 Hadia zi no aefa, da'ö zui zi so dania, ba si no numalö, ba ifuli itörö dania, ba lö hadia ia zi bohou so ba guli danö.[5]
10 Hadia, so hadia ia niŵa'öda: Hiza, sawena so da'ö? No föna sa'ae so, ba götö fönada.
11 Lö'ö sa'ae itörö tödö zi so mege, fönada, ba he si so dania, furida, ba lö dania itörö tödö zi so furira zui dania.
III. He ba wa'atua-tua niha andrö, ba lö si lö tebulö[edit | edit source]
12 Ya'odo, sangombakha andre, ba no razo Ndraono Gizeraeli ndra'o, ba Yeruzalema.
13 Ba no ube'e dödögu ba wangalungalui ba ba wamaigi-maigi fefu hadia ia ba guli danö, ba wa'atua-tuagu: famakao, nibe'e Lowalangi ba nono niha, wangeregesi tödö ba da'ö![6]
14 No ahori u'ila nilau-lau ba guli danö, ba si ndruhu: oi si lö boto ba folohi angi.
15 Sabila, ba tebai adölö, ba sambö-ambö, ba tebai ni'erai.
16 Ba umane dödögu: Si ndruhu, no usöndra wa'atua-tua, ba itugu tedou-dou, italui fefu zalaŵa ba Yeruzalema, fönagu, no fahöna wa'atua-tua ba fa'aboto ba dödö ni'ila dödögu.[7]
17 Ba me u'alu-alui, ena'ö aboto ba dödögu wa'atua-tua ba he fa'owöhö mowa ba fa'ambö tödö, ba usöndra, wa folohi angi da'ö göi.[8]
18 Na no fahöna wa'atua-tua, ba fahöna göi wa'abu dödö, ba na so zangöhöna fa'aboto ba dödö, ba no sangöhöna fa'afökhö göi.
Famotokhi ba gahe[edit | edit source]
Fabaliŵa lala[edit source]
Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö