Wb/nia/Sangombakha/3
I. Fefu hadia ia ba guli danö ba oi mo'inötö[edit | edit source]
1 Fefu hadia ia, ba so ginötö, ba hadia ia fefu nilau ba guli danö, ba oi ba ginötönia.[1]
2 So mbaŵa wa'atumbu ba so mbaŵa wa'amate. Fananö ba fondröni nitanö andrö.
3 Famunu niha ba fangorifi. Fanudugö ba fangotomosi.
4 Fege-ege ba fa'iki. Fa'abu dödö ba folaya.
5 Fanibo kara ba fangozaragö kara. Fa'omasi ba fa lö fa'omasi.
6 Fangalui ba fa'aekhu. Fangirö ba fanibo.
7 Fanika ba fanagu. Fa lö hede-hede ba fehede.
8 Fangomasi'ö ba fatiusa. Fasuwöta ba fa'atulö.
II. Oi ba ginötö ilau nilaunia Lowalangi göi[edit | edit source]
9 Hadia hare zolau hadia ia ba ni'eregesinia tödönia?
10 No u'ila halöŵö andrö, nibe'e Lowalangi ba nono niha, ba wangeregesi tödöra.[2]
11 Fefu hadia ia, ba no ihaogö wolau, oi ba ginötönia, ba he si lö aetu andrö, ba noa göi ibe'e ba dödöra; ba fa tebai aboto ba dödö niha — i'otarai wamobörö, irugi ba gamozua — nilau Lowalangi andrö.[3]
12 Ba no aboto ba dödögu, wa lö hadia ia zi sökhi ba khöra, moroi na la'omusoi'ö dödöra ba na lahaogö-haogö göra, ba götöra ba guli danö.[4]
13 Ba he na manga-manga niha ba na ibadu-badu hadia ia, na i'abusoi'ö ia si sökhi ba wa'erege dödönia andrö fefu, ba no buala Lowalangi khönia.
14 No aboto ba dödögu, wa si lö tebulö, irugi zi lö aetu, fefu hadia ia nilau Lowalangi; tebai tanönö ba tebai tawuwu: No imanö wolau Lowalangi, ena'ö la'ata'ufi ia niha.
15 Hadia zi so, ba no ara, ba si so dania, ba no föna sa'ae so; ifuli sa i'alui Lowalangi zi no numalö.
III. Niha si lö Lowalangi, ba no timba zaliŵa-liŵa ba danö[edit | edit source]
16 Ba so na ni'ilagu, ba guli danö: famuyu'ö huku ba naha wanguhuku ba famalangögö niha ba naha wangatulö.
17 Ba umane dödögu: he satulö tödö ba he sebua horö, ba faoma ihuku Lowalangi; fefu hadia ia nitörö ba hadia ia nilau, ba noa sa ifakhoi ginötö.[5]
18 Ba umane na dödögu: Börö nono niha, ena'ö itandraigö ira Lowalangi, ba ena'ö aboto ba dödöra, wa no timba zaliŵa-liŵa ba danö ira.
19 Me no faoma zi göna ira niha zaliŵa-liŵa ba danö — ha sara lalara: no faoma wa'amatera, ha sambua nosora; lö si tohude niha moroi ba zaliŵa-liŵa ba danö, oi sa si lö boto.[6]
20 Ha sara lua-lua lalara, gawu-gawu mböröta hadia ia fefu, ba si tobali gawu-gawu zui dania.[7]
21 Ha zangila, na miyawa isaŵa bekhu niha, ba na barö danö tou isaŵa bekhu zaliŵa-liŵa ba danö?[8]
22 Ba aboto sa'ae ba dödögu, wa lö si sökhi, moroi na i'omusoi'ö dödönia niha ba nilau-launia andrö, me no da'ö dana khönia; ha niha sa zangila mama'ele'ö khönia, he wisa dania, na lö ya'ia sa'ae?
Famotokhi ba gahe[edit | edit source]
Fabaliŵa lala[edit source]
Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö