Wb/nia/Sangombakha/2
I. Faya-faya fefu ngawalö wa'omuso dödö[edit | edit source]
1 No umane dödögu: Ba da'utandraigö wa'omuso dödö andrö, u'owua-wua'ö dödögu si sökhi! Ba hiza, no si lö boto da'ö göi.
2 No umane ba wa'iki andrö: Owöhö'ö! ba ba wa'omuso dödö: Hadia nilau da'ö?
3 U'alu-alui tödögu wondrorogö botogu wamadu agu, fatua ifa'ua wa'atua-tua tödögu, ba wangolembai fa'owöhö-wöhö, irege u'ila hadia zoguna lalau niha, ba götöra ba guli danö.
II. Ba he lakhömi ba fa'ebua gana'a[edit | edit source]
4 Sebua ulau: ulau khögu nomo, ba ufazökhi khögu kabu nagu;
5 utanö zinanö ba ngai nomo ba ufazökhi kabu nihaogö, ba utanö geu sowua ba da'ö, hadia ia ngawalö;
6 ufazökhi mbaŵa nidanö, ba wamo'idanö börö geu ba gatua, sanöi-nöi;
7 ba uhöli zawuyu, ira matua ba ira alawe, ba so göi khögu zi no tumbu yomo khögu. Ba so göi khögu ngawawa zaŵi ba biri-biri, oya moroi ba gokhöta zi so ba Yeruzalema fönagu.
8 No uhöna göi khögu wirö ba ana'a, nihalö ba zalaŵa ba niha ba danö; ba u'asogö khögu zanunö, ira matua ba ira alawe, awö wa'omuso dödö niha ba guli danö; uhöna ndra alawe.[1]
9 Ba tobali sebua ndra'o, sebua moroi ba danö bö'ö fefu, fönagu ba Yeruzalema; ba he göi fa'atua-tuagu, ba lö tebulö khögu.
10 Ba fefu hadia ia gomasiö hörögu, ba utehe khönia, ba hadia ia zomasi dödögu, ba u'o'ö khönia, omuso sa dödögu wa'akaogu andrö fefu, da'ö haregu ba wa'erege dödögu andrö fefu.
11 Ba me ufaigi halöŵögu andrö fefu nilau dangagu, ba fa'arege dödögu; ölögu andrö, ba wolau ya'ia, ba u'ila: oi si lö boto ba folohi angi, ba lö hare ba guli danö.
III. Ba he fa'atua-tua ba guli danö, saetu sa atö, na aetu noso niha[edit | edit source]
12 Ba u'otahögö wa'atua-tua ba fa'owöhö mowa ba fa lö tödö, ba wamaigi da'ö; he iwisa sa niha andrö, si so dania, na lö'ö sa'ae razo andre? Si no mulau föna sa'ae ilau!
13 Ba u'ila, wa no tohude wa'atua-tua, moroi ba wa lö tödö, timba haga, si tohude moroi ba wa'ogömi-gömi.
14 Ba zatua-tua, ba so hörö ba mbawania, ba sambö tödö, ba ba zogömi-gömi lalania. Ba u'ila göi, wa no si fagölö-gölö manö zi göna ira.
15 Ba umane dödögu: Göna göi ndra'o si göna zambö tödö, ba hadia guna wa no satua-tua sibai ndra'odo? Ba uŵa'ö tödögu, faya-faya göi da'ö.
16 Faoma sa lö ara itörö tödö niha dania, he satua-tua, ba he sambö tödö; ba götö dania, ba olifu manö niha ira fefu, ba mate manö zatua-tua, awö zambö tödö.[2]
17 Ba anuzu dödögu wa'auri, lö'ö sa omasido nilau-lau ba guli danö; oi sa si lö boto manö ba folohi angi!
18 Ba anuzu dödögu wa'erege dödögu andrö fefu, fa'akaogu andrö ba guli danö, me ba zi so furigu uröi furi dania.[3]
19 Ba ha niha zangila, na satua-tua da'ö, ba na sambö tödö? Ba ya'ia dania zamatörö si no erege dödögu, si no ufakao ndra'o, ba zi no atua-tua ndra'o ba guli danö — ba da'ö göi, ba no si lö boto!
IV. Ba aragu-ragu ena'ö dödöda, na tafatou-tou da'ö[edit | edit source]
20 Ba u'erogö, ena'ö aragu-ragu manö dödögu, ba wa'erege dödö andrö fefu, nifakaogu ya'o, ba guli danö.
21 Na so zi so fa'atua-tua ba fa'aboto ba dödö, ba si faduhu dödöda ba wangainia halöŵönia, ba iröi furi dania okhöta niha si lö erege tödö khönia: si lö boto göi da'ö ba famakao sebua.
22 Hadia atö nisöndra niha, ba wa'erege dödönia andrö fefu ba ba wangalungalui dödönia, nifakaonia ya'ia ba guli danö?[4]
23 Ero ma'ökhö sa so wa'afökhö khönia, ba fa'abu dödö halö-halöŵönia; ba he ba zi bongi, ba lö falukha wolombase dödönia. Si lö boto göi da'ö![5]
24 Awai zi sökhi ba niha: femanga-manga ba famadu-madu hadia ia ba na i'omusoi'ö dödönia ba wamakaonia andrö: ba he da'ö göi, ba ba danga Lowalangi moroi — no u'ila.[6]
25 Ha niha sa zi manga ba ha niha zabuso, na lö ya'ia?
26 Ba zomasi ia sa, ba ibe'e wa'atua-tua ba fa'aboto ba dödö ba fa'omuso dödö; ba ba zi so horö, ba da'ö ibe'e halöŵönia: fangozaragö ba fangöhöna, ba wame'e ya'ia ba zomasi Lowalangi. Ba si lö boto da'ö göi ba folohi angi.[7]
Famotokhi ba gahe[edit | edit source]
Fabaliŵa lala[edit source]
Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö