Wb/nia/Sangombakha/6
Fa'ebua gana'a ba fa'ebua döi ba no tenga si lö tebulö[edit | edit source]
1 So wamakao ni'ilagu ba guli danö, si no tohare sibai ba hulu niha:
2 Na so nibe'e Lowalangi ana'a ba girö-girö ba fa'ebua döi, na tobali lö ambö khönia hadia ia zomasi ia, ba na lö itehe khönia Lowalangi i'a; na niha bö'ö zi manga, ba si lö boto da'ö ba famakao safökhö.
3 Na so zi otu ono, ba na ha me uga fakhe ia ba guli danö, na anau nosonia, ba na lö i'a zi sökhi andrö, ba na lö'ö göi lako'o ia [na no mate ia], ba da'ö niŵa'ögu: tabina saekhu, ba no sohahau tödö moroi khönia.
4 Noa sa ba wa lö boto so da'ö, ba ba zogömi-gömi lalania, ba si tobalu fa'ogömi-gömi döinia;
5 ba lö'ö göi ni'ilania haga zi moluo, lö saboto ba dödönia: ba ohahau dödönia, moroi ba da'ö no mege.
6 Ba he mendrua wa hönö fakhe wa'anau nosonia, ba na lö ni'ania si sökhi, ba hadia, tenga ha sambua nahiara fefu dania?
7 Fefu hadia ia halöŵönia, ba börö dölö-tölönia; ba lö'ö manö zui döhö wangisönia andrö.
8 Hadia sa zi tohude zatua-tua, moroi ba zambö tödö? Ba hadia zi tohude zi numana, sangila manörö lala si sökhi, ba zanehe niha sauri?
9 Sökhi na ha famaigi hörö, moroi na si lö ahono-hono wangisö andrö. Si lö boto göi da'ö ba folohi angi.
10 Hadia zanörö niha, ba no ara, me lafotöi ia, ba no muhonogöi, he wisa niha dania, ba tebai fasoso ia ba zabölö moroi khönia.[1]
11 He na oya linia, fonönö wa lö boto, ba hadia hare niha?[2]
12 Ha niha sa zangila, hadia zoguna ba niha, ba we'asonia ba guli danö, götö wa'anau nosonia andrö si lö boto, silalö hulö lumö-lumö? Ha niha sa zangombakha ba niha, he wisa dania ba guli danö, na lö ya'ia sa'ae?[3]
Famotokhi ba gahe[edit | edit source]
Fabaliŵa lala[edit source]
Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö