Wb/nia/Sakharia/6
I. Angilata fanete si fitu: kureta, si öfa, fa'alua huku, nifatörö Lowalangi[edit | edit source]
1 Ba ufuli ufaöga hörögu, ufakhölödo, ba hiza gureta, öfa endronga, si otarai gotalua hili; ba hili andrö, ba töla garamba. 2 Ba sondröni kureta si so föna, ba kudo soyoramö, ba ba gureta fanete da'ö, ba kudo saitö, 3 ba ba wanete da'ö, ba safusi, ba ba wanete da'ö, ba sombaŵambaŵa.[1] 4 Ba humede ndra'o, umane khö mala'ika andrö, si fahuhuo khögu: Hadia geluaha da'ö, Tuha? 5 Ba imane khögu mala'ika: Da'ö mata angi andrö, si öfa; latörö, me no faefa la'ondrasi zamatörö ösi guli danö ma'afefu.[2] 6 Kureta andrö, nidöni kudo saitö andrö, ba ba danö miyöu isaŵa, ba la'o'ö safusi andrö; ba sombaŵa-mbaŵa, ba ba danö miraya lasaŵa. 7 Ba mofanö göi soyoramö andrö; ba me mangefa ira ena'ö, ba imane Yehowa: Milabu! Mitöröi guli danö! ba latöröi guli danö. 8 Ba humede ia khögu, ba imane khögu: Faigi, sanaŵa tanö miyöu andrö, ba ahono Gehehagu ba danö yöu andrö misa labe'e.[3]
II. Angilata fanete zi ŵalu: takula nibe'e ba högö ndra Yosua, fa'asalaŵa razo ere andrö, sohahau dödö mbanua Lowalangi[edit | edit source]
9 Ba so niŵa'ö Yehowa khögu, imane: 10 Halö ösa game'ela mbanua si no mu'oloi'ö, Helida'i zama'ema khöu, nibe'e ndra Tobia Yedaya; ba ae yomo khö Yosia, ono Zefania, na luo da'ö, ya'ugö andrö, ba nomo ba zi möi ira, me la'otarai Mbabeli. 11 Ba halö wirö ba ana'a, ba bali'ö takula, ba fotakula Zerubabeli ba Yosua, ono Yosadaki, ere sebua,[4] 12 ba ömane khöra: Da'ö niŵa'ö Yehowa ngahönö: Hiza niha sotöi "Lewiö" — na so ia, ba tumbu-tumbu [zi sökhi], ba ya'ia zolau osali Yehowa.[5] 13 Ya'ia zolau osali Yehowa, ba si falukha fa'asalaŵa ia, ba tobali dumadao ia ba dadaoma zalaŵa khönia, ba salaŵa ia, ba so ba ngainia gere, ba ha sara dödö zi darua andrö.[6] 14 Ba takula no mege, ba nibe'e ba gosali Yehowa, fa böi aefa-aefa itörö tödöra ndra Helida'i Tobia Yedaya, ba fa'oböwö nono Zefania andrö. 15 Ba banua saröu, ba möi manolo ba wolau osali Yehowa, ena'ö aboto ba dödömi, wa no Yehowa ngahönö zamatenge ya'o khömi, ba na moroi ba dödömi mi'o'ö goroisa Lowalangimi Yehowa, ba itörö.[7]
Famotokhi ba gahe[edit | edit source]
Fabaliŵa lala[edit source]
Olayama Zura Zakharia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö