Wb/nia/Sakharia/4
I. Angilata fanete zi öfa: Naha wandru ana'a ba töla zai, si dua geu[edit | edit source]
1 Ba isusugido mala'ika andrö, si fahuhuo khögu, timba na lasusugi zi mörö, 2 ba imane khögu: Hadia ni'ilau? Ba umane: Naha wandru u'ila, ana'a manö, naha wanikha tanö yaŵa ba fitu wandrunia ba fitu goro wanikha, ba wolau ba wandru andrö, tanö yaŵa. 3 Ba ba ngainia, ba dua geu döla zai, sageu ba gambölö naha wanikha andrö ba sageu ba gabera. 4 Ba humede ndra'o, umane khö mala'ika andrö, si fahuhuo khögu: Hadia geluaha da'ö. Tuha? 5 Ba itema ligu mala'ika andrö, si fahuhuo khögu, imane khögu: Hadia, lö ö'ila, hadia geluaha da'ö? Ba umane: Lö'ö, Tuha! 6 Ba humede ia, imane khögu: Taroma li Yehowa khö Zerubabeli da'ö, imane: Tenga ba wa'abölöu ba tenga ba wa'abe'eu, ha ba Gehehagu a'i, iŵa'ö Yehowa ngahönö.[1] 7 Hadia atö, ndra'ugö, ya'ugö hili sebua, föna Zerubabeli? Salo'o dania ndra'ugö! Ena'ö alaŵa yaŵa ibe'e gara andrö, ba ena'ö lahehegö: Ya ahowu! Ya ahowu!
II. Nibayoini andrö, si darua: Yosua ba Serubabeli[edit | edit source]
8 Ba humede khögu Yehowa, imane: 9 Tanga Zerubabeli mege zame'e tou toyo ba watalinga nomo andre, ba tangania göi zangasiwai, ena'ö aboto ba dödöu, wa no Yehowa ngahönö zamatenge ya'o khömi.[2] 10 Ha niha sa zangositengagö baŵa mböröta andre! oi no ide-ide na! Somuso tödö ira, na la'ila zimo ba danga Zerubabeli; si fitu andrö — hörö Yehowa andrö — zondrugi uli danö ma'asagörö.[3] 11 Ba humede ndra'o, umane khönia: Ba töla zai andrö, fatambai naha wandru, ba hadia geluaha? 12 Ba usofu na khönia, umane: Ba hadia geluaha duturu zai andrö, ba ngai goro andrö ana'a, si dua andrö, lala wanikha ana'a andrö moroi yaŵa? 13 Ba imane khögu; Hadia, lö ö'ila hadia geluaha da'ö? Ba umane: Lö'ö, Tuha! 14 Ba imane: Da'ö nibayoini andrö, si darua, si iagö ngoni-ngoni föna zamatörö ösi guli danö ma'asagörö.[4]
Famotokhi ba gahe[edit | edit source]
Fabaliŵa lala[edit source]
Olayama Zura Zakharia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö