Wb/nia/Sakharia/11
I. Fama'ele'ö nitandrösaigö ba gubalo si lö sökhi andrö
[edit | edit source]1 Bokai mbawa gölimö, ya'ugö hili Libano, ena'ö i'a alitö döla geresi andrö khöu![1] 2 Ege'ege, ya'ugö senobari, me no tekiko geresi, me no afufu zoadu andrö! Mi'ege-ege, ya'ami manawa ba danö Mbazana, me no tou ba danö so gatua andrö, si tebai itörö niha mege![2] 3 Tarongo wege-ege gubalo andrö, me no afufu wa'asökhi andrö. Tarongo wendröndröndröndrö nono zingo, me no tobali tanö si mate zatua eu andrö ba ndraso Yoridano. 4 Da'ö niŵa'ö Lowalangigu Yehowa: Kubaloi mbiri-biri andrö nitaba dania;[3] 5 nitaba zowöli lö fotu; ba niŵa'ö zamawa: Nisuno Yehowa, so'ana'a sa'ae ndra'odo! ba kubalora, ba lö lahakhösi tödö ira. 6 I'otarai da'e sa, ba lö'ö sa'ae uhakhösi tödö niha ba danö, iŵa'ö Yehowa; ya'odo sa'ae zolulu niha, ululu ba danga gubalonia zamösana, ba ba danga razonia; da'ö sa'ae zamakiko tanö, ba samösa lö u'efa'ö ba dangara.
II. Kubalo si sökhi andrö, ba si'o si dua rozi: "fa'ebua dödö" ba "famaböbö"
[edit | edit source]7 Ba no ukubaloi mbiri-biri sinuturu andrö, biri-biri sabölö ahakhö dödöda, me no si manö, ba dua rozi uhalö khögu si'o gubalo; "fa'ebua dödö" ube'e töi zi sara, ba "famaböbö" döi zi sara khögu. 8 Ba me ukubalo-baloi mbiri-biri andrö, ba me no utimba gubalo si datölu andrö, barö zi ba sara waŵa, ba anuzu dödögu ira, ba ya'ira göi, ba no sanuzu tödö ya'odo.[4] 9 Ba umane: Lö omasido wokubaloi ya'ami: si mate, ba alakha mate ia, ba si tekiko, ba alakha tekiko, ba si tosai na dania, ba hana na faoma la'a nawöra![5]
III. Ba me latibo'ö gubalo si sökhi andrö banuania, ba i'efa'ö ia khöra ba ilulu ira khö gubalo si lö tödö
[edit | edit source]10 Ba utuyu zi'ogu "fa'ebua dödö" andrö, ba ufatö, ba wanudugö fawu'usa li andrö khögu, ba niha baero fefu. 11 Ba me tedudugö, me luo da'ö, ba aboto ba dödö mbiri-biri andrö, fondrege zahakhö dödöda, sanöngöni nilaugu, wa no taroma li Yehowa. 12 Ba umane khöra: Na lö abua khömi, ba mibe'e luogu, ba na lö mibe'e, ba böi. Ba latulo luogu, 30 rufia.[6] 13 Ba imane khögu Yehowa: Fazaumba ba mbate'e girö-girö, mböli soadu andrö, niŵa'öra böligu! Ba uhalö rufia andrö, si 30, ba ufazaumba ba mbate'e girö-girö, ba gosali Yehowa. 14 Ba ufatö göi zi'ogu si sara, "famaböbö" andrö, ba wanudugö fa'afatalifusöra mado Yuda Ndraono Gizeraeli.[7] 15 Ba imane khögu Yehowa: Halö khöu wakake gubalo sambö tödö; 16 Hiza sa, ya'odo zangasogö dania kubalo ba danö, si lö ba dödö si tekiko sa'ae, ba si lö mangalui sisuna ba si lö mamadöhö sokho zesokho, ba si lö mondrorogö si lö fökhö [na], si aga'aga nösi zatabö, ba samabali sa'ara.[8] 17 Alai gubalo andrö, si lö ngaroro, si faröi ba nikubaloi andrö. Ya oköli da'ionia, ba ya aboto hörönia kambölö! Ya oköli sibai da'ionia, ba akha alua mate hörönia kambölö!
Famotokhi ba gahe
[edit | edit source]Fabaliŵa lala
[edit source]Olayama Zura Zakharia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö