Wb/nia/Sakharia/2
I. Angilata fanete zi dua balö andrö: niha si so fanu'a danö ba danga. Fa'ebua Yeruzalema[edit | edit source]
1 Ba ufaöga hörögu, ufakhölödo. Ba hiza niha si so fanu'a danö ba danga.[1] 2 Ba umane: Heza möi ndra'ugö? Ba imane khögu: Ba wanu'a Yeruzalema, ba wamaigi ha wa'ebolo, ba ha wa'anau. 3 Ba hiza, ba so mala'ika andrö, si fahuhuo khögu, ba so na mala'ika bö'ö, ba gametahönia; 4 ba imane ba da'ö: Fulöi, ba hede khö nono matua andrö ba da'ö, ömane: Si lö öli dania Yeruzalema, ba wa'ato niha ba ba wa'oya gurifö, si so yomo ba mbanua,[2] 5 ba ya'odo — iŵa'ö Yehowa — ba öli alitö ndra'odo, fasui, ba lakhömi ndra'o yomo ba mbanua.[3]
II. Mangawuli dania ira moroi ba danö ba ni'oloi'ö ya'ira, ba i'iagö Ziona Yehowa[edit | edit source]
6 Hai, hai! Mi'oloi, miheta ami ba danö yöu andrö, iŵa'ö Yehowa; noa sa amaedola ba zi öfa balö mata angi ufazawili ami, iŵa'ö Yehowa.[4] 7 Hai, ya'ugö Siona, orifi'ö, ya'ugö sonahia ba ngai nono Mbabeli alawe! 8 Noa sa imanö wame'e li Yehowa ngahönö, no ifatenge ndra'o ba niha baero andrö, si no morabu si so khömi, ba wangalui fa'ebua döi ifatenge ndra'o; me no sombambaya ono hörönia zombambaya ya'ami![5] 9 Ba hiza, ba u'oro'ö dangagu, yaŵara, ena'ö ondra'ua zi so barö mbaŵara ira, ba ena'ö aboto ba dödömi, wa no Yehowa ngahönö zamatenge ya'o! 10 A'iki, ba omusoi'ö dödöu, ya'ugö ono Ziona alawe! hiza sa, so ndra'o, ba wame'e nahiagu ba khömi, iŵa'ö Yehowa.[6] 11 Ba na luo da'ö, ba oya soi zi olembai Yehowa, ena'ö faböbö banuania ira, ba ena'ö ba khömi la'iagö; ba aboto dania ba dödömi, wa no Yehowa ngahönö zamatenge ya'o ba khömi.[7] 12 I'okhögö dania mado Yuda Yehowa, ihalö tana khönia, ba danö ni'amoni'ö andrö ba ifuli ituyu khönia Yeruzalema. 13 Dozi niha, ba ndramuhonogö ira föna Yehowa! Noa sa maoso ia, no iröi nahiania andrö ni'amoni'ö.[8]
Famotokhi ba gahe[edit | edit source]
Fabaliŵa lala[edit source]
Olayama Zura Zakharia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö