Wb/nia/Sakharia/14
I. Fanuwö niha baero Yeruzalema, safuria
[edit | edit source]1 Hiza, irugi dania baŵa khö Yehowa, ba yomo ba mbanua khömi lafosasi gondra'ua nirabu ba khömi. 2 U'owuloi sa'ae dania niha baero fefu, ba wanuwö Yeruzalema, ba atu'a dania ira ba mbanua, ba laraburabu gama-gama ba nomo, ba lahoröni ndra alawe; ba si matonga nösi mbanua, ba ni'oloi'ö, ba si tosai niha, ba tenga nihori ba mbanua.[1] 3 To'ele dania Yehowa a'i, möi fasuwö ba soi niha andrö, si mane no, me fasuwö ia, me luo wasöndrata andrö.[2] 4 Ba hili wanikha i'iagö, na luo da'ö, ba hili wanikha andrö ba gamaudu Yeruzalema, tanö ba gatumbukha luo. Ba fabali hili wanikha, i'otarai zuzunia, numalö ba gatumbukha ba ba gaekhula, tobali bawa danö sebolo, miyöu to'ese zi tambai hili ba miraya to'ese zi tambai. 5 Ba moloi ami, misaŵa mbawa danö andrö, otalua hili andrö khögu — me no ba Gaseli irugi bawa danö andrö, otalua hili — ba soloi ami, si mane me moloi ami ba ziheu no andrö, me luo razo mado Yuda Usia. Ba si to'ele Yehowa, Lowalangigu, ba awönia ni'amoni'ö fefu.[3] 6 Ba na luo da'ö, ba lö'ö manö moluo, tobali ogömi-gömi zihaga andrö. 7 Ba ma'ökhö dania — nihonogöi Yehowa — ba tenga si moluo ba tenga si bongi; ba na tanö owi, ba awena moluo.[4]
II. Razo ba guli danö ma'asagörö Yehowa
[edit | edit source]8 Na luo da'ö, ba so nidanö gumbu, si oroi moroi yomo ba Yeruzalema, sangele misa: sara zoluaha ba zilua asi tanö ba gatumbukha luo, ba si sara, ba ba nasi tanö ba gaekhula moluaha; faoma, he ba mbaŵa lökhö, ba he ba mbaŵa deu.[5] 9 Ba Yehowa razo ba danö, ma'asagörö. Na luo da'ö, ba ha samösa Yehowa, ba töinia, ba ha sambua.[6] 10 Tobali salo'o dania danö ma'asagörö, i'otarai Geba, numalö ba Rimono, raya Yeruzalema. Ba Yeruzalema, ba si lö tebulö ba dadaomania andrö, si no alaŵa, i'otarai mbawa göli mado Mbeniyami, irugi naha mbawa göli me föna ba irugi mbawa göli ba watalinga andrö; ba i'otarai malige Hananeli, ba irugi wolazi andrö khö razo.[7] 11 Ba soso ira ba da'ö, ba lö fangelifi sa'ae, ba sahono mbanua Yeruzalema, lö hadia ia.[8]
III. Famakiko niha baero
[edit | edit source]12 Ba da'ö wamakao, famözi Yehowa niha baero andrö fefu, si no manuwö Yeruzalema: Mangobou nösira fatua muzizio na ira; höröra, ba obou ba nahania bakha, ba lelara, ba obou ba mbawa. 13 Na luo da'ö, ba ihawui ira fa'afakuyu sabölö-bölö Yehowa, ba tobali fara'ura'u tanga ira, ba ilau khö nawönia zamösana. 14 Ba mado Yuda göi zi fasöndra khöra, yomo ba Yeruzalema. Ba te'owuloi dania gana'a niha baero fefu, si fasui, ana'a ba firö ba nukha, si fahöna. 15 Ba famunu da'ö göi zi göna kudo ba kudo kalide ba ondra ba kalide, urifö niha fefu, si so ba naha zanuwö andrö.
IV. Dozi niha, ba lafosumange Yehowa
[edit | edit source]16 Ba dozi si tosai niha baero andrö fefu, si no möi manuwö Yeruzalema, ba ero röfi möi ira misi yaŵa, ba wangalulu khö Yehowa ngahönö ba ba wolau owasa nose daha geu andrö.[9] 17 Ba si lö möi misi yaŵa ba Yeruzalema, soi niha ba guli danö, ba wangalulu khö razo Yehowa ngahönö, ba lö aekhu ba danöra deu. 18 Ba na lö möi misi yaŵa Ndrawa Miserayi, na lö ya'ira, ba göna ira famakao andrö, nifatörö Yehowa ba niha baero andrö, si lö möi misi yaŵa, ba wolau owasa nose daha geu. 19 Da'ö dania horö Ndrawa Miserayi ba horö niha baero fefu, me lö möi ira misi yaŵa ba wolau owasa nose daha geu. 20 Ba na luo da'ö, ba sura ba dete ritiriti andrö ba kudo, ba: "Ni'amoni'ö khö Yehowa!" ba bowoa fondrino andrö ba gosali Yehowa, ba no si mane figa andrö, ba wame'e sumange.[10] 21 Dozi bowoa dania, ba Yeruzalema ba ba mado Yuda, ba no mu'amoni'ö khö Yehowa ngahönö, ba dozi same'e sumange, ba so ira, ba lahalö ösa, ba labe'e fondrino [zumange], ba na luo da'ö ba lö'ö sa'ae saniaga, ba gosali Yehowa ngahönö.[11]
Famotokhi ba gahe
[edit | edit source]Fabaliŵa lala
[edit source]Olayama Zura Zakharia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö