Jump to content

Wb/nia/Roma/4

Add links
From Wikimedia Incubator
< Wb | nia | Roma
Wb > nia > Roma > 4

Ibe'e famaedo Gaberahamo Faulo me no ba wamati isöndra wa'atulö ba tenga ba mbua-buania

[edit | edit source]

I. 1 Ba ha taŵa'ö, hadia nisöndra Gaberahamo, furugöda, ba lala niha ba guli danö?[1] 2 Na moroi ba wolo'ö oroisa sa'ae, wa iŵa'ö Lowalangi satulö Gaberahamo, ba nisuno ia, ba tenga nisuno Lowalangi.[2] 3 Ba hadia sa niŵa'ö ba zura? "Ba mamati Gaberahamo khö Lowalangi, ba tebe'e fa'atulö dödönia da'ö."[3] 4 Ba ba zohalöŵö, ba tenga fa'ebua dödö, wa tebe'e luonia, no ömö.[4] 5 Ba ba zi tenga balazi mbua-bua, samati khö zanguma'ö satulö zi no mangerogö Lowalangi mege, khönia tebe'e fa'atulö dödönia wamatinia andrö.[5] 6 Si manö göi wamahowu'ö Dawido niha niŵa'ö Lowalangi satulö ia, he lö folo'ö oroisa, imane:[6] 7 "Ya'ahowu zi no mube'e aefa lalö andrö, si no mubalugö horö! 8 Ya'ahowu niha ba zi lö ibe'e horö lalö andrö So'aya." 9 Ba famahowu'ö andrö, hadia, ha famahowu'ö si no muboto, ba ma famahowu'ö si lö muboto göi? Noa sa taŵa'ö: No tebe'e fa'atulö dödö Gaberahamo wamatinia andrö. 10 Ba ha mege tebe'e fa'atulö dödönia, hadia, me no muboto ia, ba ma me lö muboto na? Tenga me no muboto, no me lö muboto na. 11 Ba itema dandra, famoto andrö, famaduhu'ö fa'atulö dödö andrö, ba wamati andrö, si so khönia, me lö muboto ia na, ena'ö tobali tua zamati lö muboto fefu ia, ena'ö tebe'e fa'atulö dödöra wa'atulö dödö andrö,[7] 12 ba ena'ö tua zi no muboto göi ia, ba zi tenga ha famoto, sanara göi lahe wamati andrö, si so khö duada Aberahamo, me lö muboto ia na.[8] 13Tenga sa ba goroisa tefa'ema gamabu'ula li andrö khö Gaberahamo, ba he ba ma'uwunia, wa ya'ia zokhö uli danö dania, no ba wa'atulö dödö ba wamati tefa'ema.[9] 14 Na solo'ö oroisa sa zanema ondröita, ba no tobali faya wamati andrö, ba si lö boto gamabu'ula li andrö. 15 Samobörö fönu sa goroisa, ba ba zi lö oroisa, ba lö'ö göi fanawö.[10] 16 Andrö moroi ba wamati, ena'ö fa'ebua dödö, ena'ö aro gamabu'ula li andrö, ba ma'uwunia fefu, tenga ha ba ma'uwunia moroi ba goroisa, no ba ma'uwunia moroi ba wamati göi, moroi ba wamati Gaberahamo, si no tuada fefu,[11] 17 si mane si so ba zura: "No ube'e furugö ndra'ugö, oya soi ma'uwumö dania"; ba khö Lowalangi andrö, ba zamati ia, sangorifi si no mate, sanötöi si lö'ö na, hulö na no so[12] 18 samati manö, wanötöna, he lö tötönafö, ena'ö oya soi ma'uwunia, na itörö niŵa'ö andrö: "Si manö ma'uwumö dania."[13] 19 Ba lö sangiwa dödönia wamati, wamaigi botonia, wa no atua — no mato otu fakhe — ba ma talu Zara andrö, si no amaedola zi mate;[14] 20 lö sangiwa dödönia ba gamabu'ula li Lowalangi andrö, fa lö mamati ia, abe'e dödönia wamati, ifosumange Lowalangi,[15] 21 no faduhu sibai dödönia, i'ila ifalua göi Lowalangi hadia nifabu'unia.[16] 22 Andrö göi tebe'e fa'atulö dödönia, 23 ba tenga ha ba khönia, wa tesura, wa no mube'e fa'atulö dödönia, 24 ba khöda göi, ba nibe'e dania, khöda samati khö zanusugi Yesu, So'aya ya'ita, moroi ba ngai zi mate,[17] 15 nibe'e nibunu ba lalöda andrö, nisusugi ba wangatulö'ö ya'ita.[18]

Famotokhi ba gahe

[edit | edit source]
  1. ↑ Yes 51:2
  2. ↑ Yak 2:21; KorI 1:29,31
  3. ↑ MozI 15:6; Gal 3:6; Yak 2:23
  4. ↑ Faigi 11:6
  5. ↑ Faigi 3:26,28
  6. ↑ Sin 32:1,2
  7. ↑ Faigi 2:28 b.t.; MozI 17:10,11; Gal 3:7 b.t.
  8. ↑ Yoh 8:39; Mat 3:9
  9. ↑ Gal 3:16—18; MozI 22:16 b.t.
  10. ↑ Faigi 3:20; 7:8,10; 5:13
  11. ↑ Gal 3:7,9,14
  12. ↑ MozI 17:5; Heb 11:19
  13. ↑ Heb 11:1; MozI 15:5
  14. ↑ Heb 11:11,12; MozI 17:1,17; 18:11
  15. ↑ Yak 1:6
  16. ↑ Sin 115:3; Luk 1:37
  17. ↑ Faigi 15:3; 10:9; FetI 1:21
  18. ↑ Faigi 3:25; 8:32,34; FetI 1:3

Fabaliŵa lala

[edit source]

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/4&oldid=6463708"