Jump to content

Wb/nia/Roma/12

Add links
From Wikimedia Incubator
< Wb | nia | Roma
Wb > nia > Roma > 12

Famarou tödö ba wolo'ö li Lowalangi

[edit | edit source]

I. 1 Andrö ufarou dödömi, ya'ami ira talifusö, moroi ba wa'ahakhö dödö Lowalangi andrö, ena'ö mibe'e sumange mbotomi, sumange sauri, ni'amoni'ö, somasi Lowalangi; da'ö wamosumange Lowalangi khömi, si so tödö.[1] 2 Ba böi mifaomagö ami ba niha zi sagötö tanö andre, mibali'ö ami, wamohouni era-era dödömi, ena'ö mi'ila mitimba tödömi hadia nilau dödö Lowalangi, hadia zi sökhi, hadia wa'omasinia ba hadia zo'ahonoa.[2]

Famarou tödö ba wa lö fayaŵa ba ba wa lö faröi

[edit | edit source]

II. 3 Uŵa'ö sa khömi, dozi ami, moroi ba wa'ebua dödö andrö, si no falukha ndra'o, böi fayaŵa zamösana, ha ndrohu-ndrohu, era-era zatua-tua yamu'alui, dali zu'a-su'a wamati andrö, nindrohugö Lowalangi ba zamösana.[3] 4 Hulö mbotoda sa, me no oya ndroto-ndroto khöda, ba me tenga ha sambalö halöŵö ndroto-ndroto andrö,[4] 5 si manö ita ba khö Keriso, ya'ita si no ato, ha sambua boto ita, ba no ndroto-ndroto ita, zamösana ba khö nawönia;[5] 6 Ba no faehu game'ela andrö khöda, balazi wa'ebua dödö andrö, si no falukha ita: Na fama'ele'ö, ba yafaudu ba wamati andrö;[6] 7 ba na so zi so halöŵö, ba yamuhaogö halöŵönia, ba na famahaö, ba yamamahaö;[7] 8 ba na famarou tödö, ba yamufarou dödö niha; na so zame'e ame'ela, ba ya'adölö dödönia wame'e; na samatörö, ba yamu'oigö dödönia; ba na sahakhö tödö si numana, ba ya moroi ba dödönia.[8] 9 Ba wangomasi'ö awö andrö, ba böi faruka wamini tödö. Mi'ogorofi zi lö sökhi andrö, mi'olembai zi sökhi.[9] 10 Fangomasi'ö talifusö andrö, ba ya moroi ba dödömi, faoma mihulö naŵomi, wamosumange ya'ia.[10] 11 Ba wa'owölö-ölö andrö, ba böi atage ami; ya'atarö dödömi, ya enoni Zo'aya ami. 12 Mi'omusoi'ö dödömi ba wanötöna andrö, mitaha dödömi, na göna ami famakao; böi mifamalö-malö wangandrö.[11]

Mi'omusoi'ö dödömi awö zomuso tödö, ba mi'ege-ege awö zege-ege.

Famarou tödö ba wangomasi'ö he awö ba he göi udu

[edit | edit source]

III. 13 Na so ni'amoni'ö, sambö-ambö hadia ia, ba mitolo; mifamaha ami ba wame'e gö dome.[12] 14 Mifahowu'ö zolohi ya'ami; mifahowu'ö ba böi mi'angelifi.[13] 15 Mi'omusoi'ö dödömi awö zomuso tödö, ba mi'ege-ege awö zege-ege.[14] 16 ya ha sara dödömi khö nawömi, böi mifayaŵa, tou mi'iagö, awö zide-ide, böi miŵa'ö tödömi satua-tua ami.[15] 17 Böi misulöni zi lö sökhi awönia si lö sökhi, ba niha; si sökhi mifatou-tou, ba niha fefu.[16] 18 Na dali ami, ba ya'atulö ami ba niha fefu.[17] 19 Böi milau mbalömi, ya'ami ni'omasi'ögu! mifonaha wönu andrö; noa sa so ba zura: "khögu wolau balö, ya'o zanulöni, iŵa'ö So'aya."[18] 20 Ba na olofo zi fa'udu khöu, ba be'e gönia, ba na owökhi dödönia, ba fabadugö khönia nidanö. Na ölau da'ö sa, ba ö'owuloi mbo galitö ba högönia.[19] 21 Böi ilaŵa ndra'ugö si lö sökhi, be'e folaŵa zi lö sökhi zi sökhi.

Famotokhi ba gahe

[edit | edit source]
  1. ↑ Faigi 6:13
  2. ↑ Efes 4:17,22 b.t.; 5:10,17
  3. ↑ Faigi 11:20; Gal 6:3; KorII 10:13
  4. ↑ KorI 12:12 b.t.
  5. ↑ KorI 12:27
  6. ↑ KorI 12:4; 14:1
  7. ↑ FetI 4:10,11
  8. ↑ Mat 6:2 b.t.; KorII 9:7
  9. ↑ TimI 1:5; Sin 34:15; Amos 5:15
  10. ↑ Heb 13:1; FetI 1:22; 2:17
  11. ↑ Faigi 5:2 b.t.; 8:24 b.t.; TesI 5:16,17
  12. ↑ FetI 4:9; Heb 6:10; 13:2
  13. ↑ Mat 5:44; FetI 3:9
  14. ↑ Luk 15:32
  15. ↑ Faigi 15:5; KorI 1:10; Fil 2:2,3; Yes 5:21
  16. ↑ Faigi 12:14; Amaed 20:22; KorII 8:21
  17. ↑ Faigi 14:19; Heb 12:14
  18. ↑ MozIII 19:18; Mat 5:39 b.t.; MozV 32:35
  19. ↑ Amaed 25:21,22

Fabaliŵa lala

[edit source]

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/12&oldid=6229774"