Jump to content

Wb/nia/Roma/13

Add links
From Wikimedia Incubator
< Wb‎ | nia‎ | Roma
Wb > nia > Roma > 13

Famarou tödö ba wolo'ö li zalaŵa

[edit | edit source]

I. 1 Dozi niha ndramu'o'ö li zalaŵa, si so ira barö mbawa: lö'ö sa fa'asalaŵa, na tenga moroi ba Lowalangi, ba nifataro Lowalangi zalaŵa si so andrö.[1] 2 Tobali, ha niha zolaŵa salaŵa, ba ilaŵa nihonogöi Lowalangi; ba solaŵa andrö, ba la'a'asogö khöra huku. 3 Samatörö andrö sa, ba tenga fameta'u ba mbua-bua si sökhi, no fameta'u ba mbua-bua si lö sökhi. Ba na omasi'ö lö ata'u'ö zalaŵa, ba si sökhi lau, ba isuno ndra'ugö. 4 Enoni Lowalangi sa ia, soguna khöu. Ba na ölau zi lö sökhi, ba ata'ufi ia; tenga sa mai-mai, wa so khönia wöda; enoni Lowalangi sa ia, solau balö, samatörö huku ba zolau si lö sökhi.[2] 5 Andrö lö tola lö ta'o'ö lira tenga ha ba wotu andrö, fa lö itegu ita tödöda göi. 6 Andrö mibe'e mbeo göi, sangai halöwö Lowalangi sa ira, lö tola lö laŵa'ö-ŵa'ö. 7 Midozigö ira, wame'e ömömi, böli döla högö ba zanema böli döla högö, ba beo ba zanema beo, ba fa'ata'u ba ni'ata'ufi, ba sumange ba nifosumange.[3]

Famarou tödö ba wangomasi'ö awö

[edit | edit source]

II. 8 Boi mo'ömö ami hadia ia, gofu ha ökhö, ha fa faoma mi'omasi'ö nawömi; sangomasi'ö awönia sa, ba no i'o'ö goroisa.[4] 9 Oroisa andrö sa: "Böi ohorö!" "böi ange'e!" "böi anagö!" "böi angisö!" ba hadia ia goroisa bö'ö, ba no tefarahugö ba niŵa'ö andrö: "Omasi'ö zahatö khöu, si mane fa'omasiu ndra'ugö".[5] 10 Fa'omasi andrö, ba lö ilau zi lö sökhi khö nawönia, andrö wa folo'ö oroisa wa'omasi andrö.[6]

No numalö zi bongi, moluo sa'ae. Ba databöhöi sa'ae mbua-bua ba zogömi-gömi andrö, ba ta'aro'ö ita fangöna ba zi moluo.

Famarou tödö ba wa'ohau-hau

[edit | edit source]

III. 11 Andrö mi'o'ö da'ö, me no mi'ila ginötö andrö, wa no irugi baŵa khömi, ba wemaoso moroi ba wemörö; noa sa ahatö khöda wangorifi andrö iada'e moroi me awena mamati ita.[7] 12 No numalö zi bongi, moluo sa'ae. Ba databöhöi sa'ae mbua-bua ba zogömi-gömi andrö, ba ta'aro'ö ita fangöna ba zi moluo.[8] 13 Data'onangegö wanörö lalada, si mane na moluo, böi femanga-manga ba famadu-madu tuo, böi fohorö-horö ba hokha, böi fagua-guasa ba fa'afökhö dödö;[9] 14 mihalö balu-balumi Zo'aya ya'ita, Yesu Keriso, ba fangehaomi ösimi andrö, ba böi ba wolo'ö fangisönia.[10]

Famotokhi ba gahe

[edit | edit source]
  1. ↑ Tit 3:1; FetI 2:13,14; Yoh 19:11
  2. ↑ Nga'ötII 19:6 b.t.
  3. ↑ Mat 22:21
  4. ↑ Yoh 13:34; TimI 1:5
  5. ↑ Gal 5:14; MozII 20:13 b.t.; MozIII 19:18; Mat 22:39,40
  6. ↑ KorI 13:4 b.t.
  7. ↑ Efes 5:14,16
  8. ↑ TesI 5:6,8; Efes 5:11; 6:13
  9. ↑ Luk 21:34; TesI 4:3 b.t.; Yak 3:14
  10. ↑ Gal 3:27; 5:16; KorI 9:27; FetI 2:11

Fabaliŵa lala

[edit source]

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/13&oldid=6229775"