Jump to content

Wb/nia/Roma/3

Add links
From Wikimedia Incubator
< Wb | nia | Roma
Wb > nia > Roma > 3

Famu'a na so zamadaö

[edit | edit source]

I. 1 Ba hadia zi tohude ba niha Yehuda, ba hadia guna wamoto andrö?[1] 2 Ebua sa, gofu he wisa wamaigida. Si föföna ua, wa no mube'e ba dangara daroma li Lowalangi andrö.[2] 3 Ma he wisa? na so ösa zi lö mamati, hadia, iwu'ai wa lö faröi Lowalangi wa lö mamati ira?[3] 4  Tenga si manö. Fozunia, ba si ndruhu Lowalangi ba sofaya niha fefu, itörö zi so ba zura: "Ena'ö satulö ndra'ugö, laŵa'ö, ba niŵa'öu andrö, ba ena'ö möna ndra'ugö, na lahuku'ö."[4] 5 Ba na i'aro'ö wa'atulö Lowalangi wa lö atulö ita, ba hadia niŵa'öda? Hadia, si lö atulö Lowalangi, na ifatörö wönu? (tödö niha niŵa'ögu).[5] 6 Tenga si manö. Na si manö ena'ö, ba he iwisa Lowalangi wanguhuku ösi guli danö?[6] 7 Ba na tedou wa'aduhu Lowalangi andrö, ba wayagu andrö, fangebua lakhöminia, ba hadia wa lafatörö na khögu huku zamazökhi horö? 8 Ba tenga itörö, na latandraŵaisi ita, na so ösa zanguma'ö, no maŵa'ö: "Datalau zi lö sökhi, ena'ö si sökhi lua-luania." Si nangea nihuku zi manö.[7]

Faoma göna ira huku he niha Yehuda ba he niha baero

[edit | edit source]

II. 9 Ba he wisa? No tohude ita? Tenga sa ya'ia manö. Noa sa mege ta'adugö ira, he niha Yehuda, ba he Dawa Heleni, wa no a'oi sawuyu horö ira,[8] 10  itörö zi so ba zura: "Lö satulö tödö, samösa lö'ö,[9] 11 lö satua-tua, lö sangalui sibai Lowalangi. 12 No ahori fabali ira, no fatutu manö, lö gunara, lö solau si sökhi, samösa lö'ö, 13 Lewatö sobawa dölö-tölöra, lalau falimo lelara, söfu gulö no so ba mbewera.[10] 14 Ba mbawara ba no fahöna wangelifi ba fatiusa,[11] 15 ahera, ba no alio-lio ba wange'e,[12] 16 ba lalara, ba no so wamakiko, awö wa'abu dödö; 17 lala wa'ohahau dödö andrö, ba lö saboto ba dödöra, 18 Fangata'ufi Lowalangi ba lö'ö, fametahöra."[13] 19 Ba no ta'ila, fefu hadia ia niŵa'ö ba goroisa, ba ba khöra teŵa'ö si so barö mbawa goroisa, ena'ö nifa'afu mbawara fefu ba ena'ö mo'ömö khö Lowalangi dozi niha ba guli danö. 20 Börö wa samösa lö niha niŵa'ö satulö, fönania, ba wolo'ö oroisa andrö. Soroi ba goroisa sa, ba fa'aboto ba dödö horö.[14]

Ha ba wamati falukha ira wa'omasi Lowalangi ira

[edit | edit source]

III. 21 Ba noa sa'ae to'ele wa'atulö dödö khö Lowalangi, baero goroisa, nifaduhu'ö goroisa ba nifaduhu'ö zama'ele'ö andrö,[15] 22 fa'atulö dödö khö Lowalangi soroi ba wamati khö Yesu Keriso, ba zamati andrö fefu; lö'ö sa fa'afaehu.[16] 23 Noa sa ahori mamazökhi horö ira, ba lö'ö sa si sökhi turiara khö Lowalangi.[17] 24 Ba saoha gölö wa iŵa'ö Lowalangi satulö ira, fa'ebua dödönia, börö wangöhöli andrö, ba khö Keriso Yesu,[18] 25 nifataro Lowalangi höli, ba ndrönia andrö, balazi wamati, ba wangoroma'ö fa'atulö dödönia, börö wa no i'osilömilagö horö föna,[19] 26 götö wa'ebolo dödö Lowalangi, ba wangoroma'ö fa'atulö dödönia ba götö da'e, ena'ö satulö ia ba ena'ö satulö göi, iŵa'ö, zamati khö Yesu.[20] 27 Ba heza so khöda wanuno ya'ita? Lö'ö sa ya'ia. Hadia lala? Hadia, balazi mbua-bua? Tenga. No lala wamati andrö.[21] 28 Ba da'ö niŵa'öda, börö wamati, wa satulö niha iŵa'ö Lowalangi, baero wolo'ö oroisa.[22] 29 Ma ha Lowalangi niha Yehuda Lowalangi? Tenga Lowalangi niha baero göi? Ya'ia, Lowalangi niha baero göi.[23] 30 Na duhu ha samösa Lowalangi, sanguma'ö dania satulö zi no muboto, moroi ba wamati, awö zi lö muboto, ba wamati andrö.[24] 31 Ba hadia, tawu'ai goroisa, ba wamati andrö? Tenga da'ö. Ta'aro'ö goroisa.[25]

Famotokhi ba gahe

[edit | edit source]
  1. ↑ Faigi 2:25
  2. ↑ Faigi 9:4 b.t.; HalZin 7:38; MozV 4:7 b.t.; Sin 147:19
  3. ↑ Faigi 11:1,2,29; TimII 2:13
  4. ↑ Sin 116:11; 51:6; MozIV 23:19
  5. ↑ Faigi 9:14
  6. ↑ MozI 18:25
  7. ↑ Faigi 6:1,2
  8. ↑ Faigi 1:2; Gal 3:22
  9. ↑ Sin 14:1–3
  10. ↑ Sin 5:10, 140:4
  11. ↑ Sin 10:7
  12. ↑ Yes 59:7,8
  13. ↑ Sin 36:2
  14. ↑ Gal 2:16; Sin 143:2; Faigi 7:7 b.t.
  15. ↑ Faigi 1:17; HalZin 10:43
  16. ↑ Fil 3:9; KorII 5:21; Faigi 10:10,12
  17. ↑ RazI 8:46
  18. ↑ HalZin 13:38 b.t.; Efes 2:8 b.t.
  19. ↑ MozII 25:17; Heb 4:16; HalZin 17:30
  20. ↑ Faigi 8:3,4
  21. ↑ Faigi 4:2; 8:2
  22. ↑ Gal 2:16; HalZin 13:38,39
  23. ↑ Faigi 9:24 b.t.; 10:12 b.t.
  24. ↑ Faigi 4:11,12; HalZin 15:11; Gal 3:8
  25. ↑ Faigi 6:15; Mat 5:17; Yak 2:14 b.t.

Fabaliŵa lala

[edit source]

Olayama Zura Roma: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Roma/3&oldid=6229765"