Wb/nia/Amosi/9
I. Angilata: Adudu gosali, ba te'oloi'ö mbanua[edit | edit source]
1 Ba u'ila Zo'aya, si iagö ngai naha wame'e sumange, ba imane: Bözi högö [daru nahe] andrö, ena'ö muhisi mbuatö, rasa, [ekhugö] ba högöra, fefu! Nga'ötöra, ba ububunu si'öli, samösa böi moloi, samösa böi i'orifi ia.[1] 2 Ba he banua tou lasaŵa, ba ihalö ira ba da'ö tangagu, ba he miyaŵa ba mbanua si yaŵa möi ira, ba utuli'ö si tou ira moroi ba da'ö.[2] 3 Ba na labini'ö ira ba zuzu hili Garemeli, ba u'alui ira ba da'ö, ba uhalö ira. Ba he si tou ba doyo nasi labini'ö ira, fa böi u'ila ira, ba ufatörö gulö ba da'ö, sondrou ya'ira. 4 Ba na möi ni'oloi'ö ira, emalira moroi furi, ba uŵa'ö zi'öli ba da'ö, famunura; ba unehegö ira ba zi lö sökhi, ba tenga ba zi sökhi![3] 5 Ba ya'ia So'aya, Yehowa ngahönö, na ibaya danö, ba alau, ba abu dödö dozi sonahia ba detenia, ba manöi danö ma'asagörö, si mane Nilo, ba ifuli alö, si mane Nilo ba danö Miserayi.[4] 6 Ba mbanua si yaŵa ilau mbate'e khönia, ba ba guli danö itaru'ö nöu khönia, no humede ia ba nasi ba no ifaduwa ba guli danö misa — Yehowa döinia.[5]
II. Fama'ele'ö, tefuli tetaru'ö dania nose Dawido andrö, si no adudu[edit | edit source]
7 Hadia, tenga si mane Dawa Gaitiofia ami khögu, ya'ami Iraono Gizeraeli? iŵa'ö Yehowa. Hadia, lö ni'ohegu miyaŵa Iraono Gizeraeli moroi ba danö Miserayi, ba Dawa Wilisiti moroi ba Gafora, ba Dawa Garamo moroi ba Giri?[6] 8 Ba hiza, ba inehegö mbanua sebua horö andrö So'aya, Yehowa; ba uhori ba guli danö. Ba lö'ö sa ufalua sibai wangohori ma'uwu Yakobo andrö, iŵa'ö Yehowa.[7] 9 Hiza sa, ube'e li dania, ena'ö lasikhi ma'uwu Yakobo, ba niha baero fefu, timba na lasikhi damböni ba data, ba sambua ngawua lö aekhu ba danö. 10 Ba mbaŵa zi'öli mate dozi si so horö ba mbanuagu, sanguma'ö tödöra: "Lö ikhamö ita famakiko, lö ihawui ita!"[8] 11 Ba na luo da'ö, ba ufuli utaru'ö nose Dawido andrö, si no adudu, ba ufuli u'a'azökhi zadudunia; adudulania, ba ufuli ufasindro, ba ufuli u'otomosi, si mane ba götö föna.[9] 12 Ena'ö labe'e barö mbawara zi tosai Iraono Gedomo, ba soi bö'ö fefu, ba nitötöi töigu mege — iŵa'ö Yehowa, solau da'ö dania. 13 Ba irugi baŵa dania, iŵa'ö Yehowa, ba ikhamö zamasi samaku, ba ikhamö zolazi bua nagu sanaru; ba mowöi ösi nagu hili misa, ba mangulu hili-hili fefu.[10] 14 Ba ufuli u'azökhi mbanuagu Iraono Gizeraeli, ba tobali na lafuli lataru'ö mbanua si no adudu, ba la'onahia göi, ba na lafazökhi kabu nagu, ba labadu göi nösi mbua, ba na latanö geu sowua, ba la'a göi mbuania. 15 Ba amaedola utanö ira ba danöra, fa böi sa'ae adeha ira ba danöra andrö, nibe'egu khöra, iŵa'ö Yehowa, Lowalangiu.[11]
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö