Wb/nia/Amosi/5
I. Fange'esi Iraono Gizeraeli[edit | edit source]
1 Mifondrondrongo ligu andre, fange'esigu ya'ami, ya'ami Iraono Gizeraeli! 2 No alau nono alawe andrö soi Ndraono Gizeraeli, ba tebai maoso sa'ae. No mutuli'ö tou ia ba danöra tou, ba lö samazaŵa ya'ia! 3 Da'ö sa niŵa'ö Zo'aya, Yehowa: Ba mbanua andrö, si hönö sabölö, ba hato otu zi tosai dania, ba ba zi otu sabölö mege, ba hato fulu zi tosai dania, ba mbanua Ndraono Gizeraeli.[1]
II. Famarou tödö, ba wangalui So'aya[edit | edit source]
4 Da'ö sa niŵa'ö Yehowa ba mbanua Ndraono Gizeraeli andrö: Misofu ndra'odo, ena'ö auri ami! 5 Ba böi mi'alui Mbetieli andrö! Böi mi'ae ba Giligala ba böi misaŵa Mbereseba! Giligala andrö sa, ba ni'oloi'ö dania, ba Betieli, ba nifufu.[2] 6 Mi'alui Yehowa, ena'ö auri ami! Fa böi ihawui mado Yosefo, timba galitö, si manga-manga hadia ia, si lö samunu, ba Mbetieli; ya'ia andrö, 7 somböi "zara" andrö ba "si tölu" (döfi) samali'ö fa'amoluo si bongi, sogömi-gömi sibai, ba samali'ö si bongi si moluo; si no humede ba nasi mege, ena'ö inönöi guli danö: Yehowa döinia! 8 Sangasogö famakiko zabölö, si lö mudöna-döna, ba he fa'adudu mbanua saro. 9 Ya'ira andrö, samali'ö safeto sibai huku satulö, ba samila'ö lala.[3]
III. Fanegu fa'atefuyu dödö Ndraono Gizeraeli[edit | edit source]
10 Si fatiu tödö ira ba zolohe ba lala huhuo, ba kato, ba la'ogorofi zolau si duhu. 11 Me no sanguhundragö si numana ami, ba me mitema khöra mbuala, bua nowi, ba alakha milau nomo kara nitoto, ba lö tola mi'onahia; ba alakha mifazökhi kabu nagu omasiö, ba lö tola mibadu nösi mbua.[4] 12 Noa sa aboto ba dödögu: no fahöna golalöŵami ba no oya sibai horömi! Mifakao zi lö horö ba manga gana'a ami ba mifalangögö zi numana, ba kato. 13 Andrö wa lö hede-hede zatua-tua, ba götö da'e, me no götö si lö sökhi.[5]
IV. Famarou tödö zui ba wamalalini era-era[edit | edit source]
14 Mi'alui zi sokhi, ba böi si lö sökhi, ena'ö auri ami! Awena dania itolo ami Yehowa Lowalangi ngahönö, si mane niŵa'ömi. 15 Mi'ogorofi zi lö sökhi ba mi'omasi'ö zi sökhi; böi mifuyu'ö huku, ba kato! Ma atö ihakhösi tödö zi tosai mado Yosefo Yehowa, Lowalangi ngahönö![6]
V. Fameta'u: no hatö fanguhuku ya'ira[edit | edit source]
16 Andrö wa imane Yehowa, Lowalangi ngahönö, So'aya: Dozi olayama dania, ba fege-ege, lamane ba newali fefu: Alai ndra'o! alai ndra'o! Sangahalö ba danö, ba humede dania ba zi no to'ölö ba wege-ege ba wa'abu dödö ba ba wange'esi, 17 ba dozi kabu nagu misa, ba fege-ege dania, na utörö ami, iŵa'ö Yehowa. 18 Alai zomasi na alio irugi baŵa andrö khö Yehowa! Hadia guna mbaŵa andrö khö Yehowa khömi? Fa'ogömi-gömi dania ia, ba tenga haga![7] 19 Hulö zi falukha berua, na no moloi ia ba zingo, ba nidou ulö, na no irugi yomo, ba na itufa tangania dowa.[8] 20 Hiza, fa'ogömi-gömi dania mbaŵa andrö, khö Yehowa, ba tenga haga; sogömi-gömi, ba tenga sihaga! 21 Anuzu dödögu gowasami andrö, lö ba dödögu, tebai u'ago gowuloami.[9] 22 Na mibe'e khögu zumange nitunu ba ame'elami andrö, ba no tenga somasido; ba sumange fangandrö saoha gölö, ono zaŵi nibula andrö khömi, ba lö'ö na'i ufaigi. 23 Aröu'ö khögu wakoresa andrö, fanunömö; li mbiola andrö khöu, ba lö omasido urongo! 24 Ba ena'ö na mangumbu-ngumbu zatulö lala, timba nidanö; ba huku satulö, ba ena'ö na timba mbombo, si tebai ogo'ö! 25 Hadia, no mibe'e khögu zumange nitaba ba ame'ela, ba danö si mate no, si öfa wulu fakhe wa'ara; ya'ami Iraono Gizeraeli?[10] 26 Ba mi'osa'ö Zikuti andrö, razomi, ba Kewana andrö, Lowalangimi, famaedo andrö khömi, nifazökhimi![11] 27 Ba ube'e ni'oloi'ö ami, amaedola nitibo'ö, irugi ba zi tambai Ndramaseko, iŵa'ö Yehowa — Lowalangi ngahönö döinia.[12]
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö