Wb/nia/Amosi/7
I. Angilata Gamosi, tölu ngawalö[edit | edit source]
1 Da'e nifa'ele'ö Zo'aya Yehowa khögu: So nono damo, me ibörötaigö auri zinanö ba nowi sebolo, ba so zarakha mo'ahonoa fa'ebua, me no aefa ifaguti'ö mbua mbiri-biri khönia razo.[1] 2 Ba me no ahori la'a mbulu ndru'u ba danö, ba mangandrö ndra'o, umane: He So'aya, Yehowa, be'e aefa horö! Heza lasöndra wangorifi ma'uwu Yakobo? No si numana sibai ira! 3 Ba mangesa dödö Yehowa. Böi! iŵa'ö Yehowa.[2] 4 Ba da'e [zui] nifa'ele'ö Zo'aya Yehowa khögu: Iŵa'ö wanuwö galitö So'aya, Yehowa. Ba i'a nasi sebua alitö; ba me i'a ena'ö dana khö Yehowa, 5 ba mangandrö ndra'o, umane: He So'aya, Yehowa, böda! Heza lasöndra wangorifi ma'uwu Yakobo? No si numana sibai ira! 6 Ba mangesa dödö Yehowa. Böi! iŵa'ö Yehowa. 7 Ba da'e [zui] nifa'ele'ö Zo'aya, Yehowa, khögu: No so ba dete göli kara, sadölö fesindro, Zo'aya, ba no so ba dangania zimo (fanimba, na adölö)[3] 8 Ba imane khögu Yehowa: Hadia ni'ilamö, Amosi? Ba umane: Simo. Ba imane So'aya: Hiza, ulau zimo ba hunö mbanuagu Iraono Gizeraeli; lö'ö sa'ae ufuli ube'e aefa horöra![4] 9 Nidudugö ine hili-hili andrö ba ma'uwu Giza'aki, ba nifufu ni'amoni'ö andrö ba ma'uwu Gizeraeli; ba ba zi samba omo ndra Yerobeamo, ba utema ulau zi'öli![5]
II. I'adugö ia khö razo Amasia, ba itimba ia[edit | edit source]
10 Ba ifatenge zinenge Amasia, ere ba Mbetieli, khö Yerobeamo, razo Ndraono Gizeraeli, imane: Amosi andrö, ba ifawe'e ma'uwu Gizeraeli, ba wolaŵa ya'ugö; tebai itaha tanö huhuonia andrö fefu![6] 11 Da'ö sa niŵa'ö Gamosi: Ba mbawa zi'öli mate Yerobeamo, ba Iraono Gizeraeli, ba lö zi lö mu'oloi'ö dania, aheta ira ba danöra. 12 Ba imane Amasia khö Gamosi: He sangi'ila, faoso! oloi, saŵa danö mado Yuda! Ba da'ö alui göu, ba ba da'ö möi'ö sama'ele'ö! 13 Ba ba Mbetieli, ba lö tola sa'ae möi'ö sama'ele'ö! me no ni'amöni'ö khö razo da'e, osali zato fefu khö razo.[7]
III. Fama'ele'ö ba khö Gamasia andrö[edit | edit source]
14 Ba itema li Gamasia Amosi, imane: Tenga sama'ele'ö ndra'odo ba tenga göi ono zekola zama'ele'ö, kubalo zaŵi ndra'odo a'ine, ba si so kabu ara.[8] 15 Ba no ihalö ndra'odo Yehowa, no ihetado kubalo, ba no imane khögu Yehowa: Ae'e, ba iagö sama'ele'ö ba mbanuagu Iraono Gizeraeli.[9] 16 Ba fondrondrongo sa'ae li Yehowa: Ya'ugö, ba ömane: Lö tola ö'iagö sama'ele'ö ba Ndraono Gizeraeli, ba lö tola ölau huhuo ba ma'uwu Giza'aki! 17 Andrö wa imane Yehowa: Fo'omou, ba si tobali sohorö, ba mbanua, ba onou matua ba onou alawe, ba si mate ba mbawa zi'öli. Tanöu, ba lasu'a sinali, wamaosa ya'ia, ba ya'ugö, ba ba danö si ra'i-ra'iö mate'ö. Ba Iraono Gizeraeli, ba lö zi lö mu'oloi'ö dania, aheta ira ba danöra.[10]
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö