Wb/nia/Amosi/1
I. Famobörö huhuo Gamosi andrö[edit | edit source]
1 Huhuo Gamosi da'e, Amosi kubalo andrö, banua Dekoa, huhuo ba Ndraono Gizeraeli, nifa'ele'ö khönia, me luo razo mado Yuda Usia andrö, ba me razo Ndraono Gizeraeli Yerobeamo, ono Yoasi, mendrua fakhe lö duru andrö.[1] 2 Ba imane: Mundröndröndröndrö Yehowa, moroi ba Ziona, moroi ba Yeruzalema ifarongogö linia. Ba aleu dania mbenua gubalo andrö, ba mate ndru'u ba zuzu hili Garemeli.[2]
II. Fameta'u Damaseko[edit | edit source]
3 Da'ö niŵa'ö Yehowa: Börö horö Ndramaseko andrö, si tölu balö, si öfa balö na, wa lö ufuli ligu — me no lafatörö ba mbanua Gileadi wamöbörö wakhe nifosi'öli.[3] 4 Andrö wa ocfatörö galitö ba mbanua Hazaeli, si manga gödo Mbenihada andrö.[4] 5 Lazi ba mbawa göli Ndramaseko, ba ufatö, ba ösi mbanua, ba uhori, ba ndraso horö andrö, ba solohe si'o zalaŵa, ba ubunu ba nomo wa'omasi andrö, ba soi Ndrawa Garamo andrö, ba ni'oloi'ö ba Giri, iŵa'ö Yehowa.[5]
III. Fameta'u Gasa[edit | edit source]
6 Da'ö niŵa'ö Yehowa: Börö horö [Ndrawa Wilisiti] ba Gasa, si tölu balö andrö, si öfa balö na, wa lö ufuli ligu — me no sambasamba banua manö sa'ae la'oloi'ö, ba wame'e ba danga Ndraono Gedomo.[6] 7 Andrö wa ufatörö galitö ba göli Gasa, alitö si manga gödo andrö khöra. 8 Banua Gasoto, ba uhori, ba solohe si'o zalaŵa ba Gasikalo, ba ubunu, ba ufulido furi, ba Nekerona, ba tobali tekiko si tosai Dawa Wilisiti, iŵa'ö So'aya Yehowa.
IV. Fameta'u Tiro[edit | edit source]
9 Da'ö niŵa'ö Yehowa: Börö horö [Ndrawa Wönikia] ba Diro, si tölu balö, si öfa balö na, wa lö ufuli ligu — me no sambasamba banua manö sa'ae la'oloi'ö, nibe'e ba danga Ndraono Gedomo, ba me no olifu ira wawu'usa li andrö ba zi fatalifusö.[7] 10 Andrö wa ufatörö galitö ba göli Diro andrö, alitö si manga gödo andrö khöra.
V. Fameta'u Iraono Gedomo[edit | edit source]
11 Da'ö niŵa'ö Yehowa: Börö horö Ndraono Gedomo andrö, si tölu balö, si öfa balö na, wa lö ufuli ligu — me no lagohi si'öli dalifusöra ba me no fadoro manö labunu wa'ahakhö dödöra, me no lö lafamalö-malö wönura, ba me lö latayaigö wa'abao dödöra.[8] 12 Andrö wa ufatörö galitö ba Demana, alitö si manga gödo ba Mbosera.[9]
VI. Fameta'u Iraono Gamoni[edit | edit source]
13 Da'ö niŵa'ö Yehowa: Börö horö Ndraono Gamoni andrö, si tölu balö, si öfa balö na, wa lö ufuli ligu — me no lasiköi dalu zanabina, ba Gileadi, ba wangebolo tanöra.[10] 14 Andrö wa ufatörö galitö ba göli Raba andrö, alitö si manga gödora, ba fao we'ao-ao, na baŵa wasöndrata, ba angi sabölö, na baŵa we'ugu-ugu mbanua. 15 Ba ni'oloi'ö Milikomo andrö, fabaya ere ba satua andrö khönia, iŵa'ö Yehowa.
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö