Wb/nia/Amosi/4
I. Fameta'u banua Zamaria; ni'oloi'ö dania ira[edit | edit source]
1 Mifondrondrongo ligu andre, ya'ami saŵi Mbazana ba hili Zamaria, ya'ami samakao side-ide ba samufu si numana ba sanguma'ö khö zokhö ya'ira: Faigi khönia nibaduma![1] 2 No fahölu Zo'aya, Yehowa, ba wa'asalaŵania andrö, no imane: Hiza, irugi baŵa dania khömi, nidöni yaŵa ami ba khaikhai, ba nga'ötömi, ba ba gai gi'a. 3 Ba mitörö zatöla göli, we'amöi baero mbanua, idölö ia zamösana, ba tetibo ami ba Haramono.
II. Lö nifalalinira era-erara ba wotu andrö mege[edit | edit source]
4 Mi'ae ba Mbetieli ba misao'ö horö, ba ba Giligala, ba mi'oya'ö wanao horö. Mibe'e zumange nitaba andrö khömi, na mahemolu mbanua, ba ba zi dua wongi, ba mibe'e zi sambua ni'ofulu andrö khömi.[2] 5 Mitunu manö roti ni'aisöni, sumange fangandrö saoha gölö, ba mi'ao ba niha sato, ena'ö labe'e game'ela saoha gölö! Da'ö sa atö zomasi ami, ya'ami Iraono Gizeraeli! iŵa'ö Soaya, Yehowa. 6 Ba he ŵa'ae lö halöŵö mbohami ube'e ba mbanuami fefu, ba he ŵa'ae ambö balazo ba nahiami fefu, ube'e, ba lö'ö zui nifalalinimi era-erami, wamuli ya'ami khögu, iŵa'ö Yehowa. 7 Ba he ŵa'ae lö ube'e khömi deu mege, me tölu waŵa lö famasi na; tenga ha samuza, ba ba mbanua si sambua aekhu ba danö deu, ba ba zi sambua, ba lö'ö — nowi si sagörö, ba no si göna teu, ba ba zi sagörö, ba mate zinanö, me lö si göna ia — 8 ba he ŵa'ae tenga ha samuza, ba dombua banua, tölu banua na, zondröni ya'ira ba mbanua si sambua, ba wamadu idanö, si lö'ö sa atö döhö fa'owökhi dödö, ba lö'ö zui nifalalinimi era-erami, wamuli ya'ami khögu, iŵa'ö Yehowa. 9 No u'otu'ö ami fa'akhozi ngalai wakhe ba fa'ongaö; ba tamo zi manga zinanö ba kabumi soya andrö ba ba kabu nagu, ba he ara khömi ba he zai, ba la'a. Ba lö'ö zui nifalalinimi era-erami, wamuli ya'ami khögu, iŵa'ö Yehowa.[3] 10 Ba no ufatörö khömi wökhö waba, si mane ba Ndrawa Miserayi no; no ubunu si'öli zabölömi, lö lai wa no lahalö göi kudomi, ba no ufa'amöi miyaŵa ba nikhumi wa'aböu golombaseŵami andrö. Ba lö'ö zui nifalalinimi era-erami, ba wamuli ya'ami khögu mena'ö. 11 Ba no ubali'ö ami, si mane me ibali'ö Zodoma ba Gomora Lowalangi, ba tobali timba ndrundrunga nisöbi ba galitö ami. Ba lö'ö zui nifalalinimi era-erami, ba wamuli ya'ami khögu mena'ö.[4]
III. Famarou tödö zui, ba wangawuli ba zi sökhi[edit | edit source]
12 Andrö wa ulau khömi da'ö, ya'ami Iraono Gizeraeli: — ba me umanö dania khömi, ba mifa'anö ami, ya'ami Iraono Gizeraeli, ba wangondrasi Lowalangimi! 13 Hiza sa, so zamösa, samazökhi hili mege ba somböi angi, sama'ele'ö ba niha hadia ba dödönia, samali'ö sogömi-gömi fa'amoluo, ba sanawö hili ba guli danö, — Yehowa, Lowalangi ngahönö döinia.[5]
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö