Wb/nia/Amosi/6
I. Fanegu Siona ba Samaria[edit | edit source]
1 Alai zi lö mangabusi tödö hadia ia ba hili Ziona, ba si no ahono-hono manö ba hili Zamaria, si no sebua töi ba zi a'a soi andrö, ba ni'ondra'ondrasi ma'uwu Gizeraeli![1] 2 Mi'ae ba Galene, ba mifakhölö ami ba mi'otarai da'ö, ba mirugi Hamata sebua, ba mi'ae mitou ba Gata, ba danö Ndrawa Wilisiti: Hadia, si sökhi ami, moroi ba mbanua da'ö, ba hadia, ebua danömi, moroi ba danöra?[2] 3 Ya'ami, sanguma'ö tödöra, aröu na sa mbaŵa si lö sökhi, ba sangahatö'ö dadaoma horö.[3] 4 No farate ifö guaza waratera, ba lafadölö ira ba gasora; ono mbiri-biri satabö göra, ono mbiri-biri nikubaloi, ba ono zaŵi moroi ba kandra. 5 Si fakore ira, na telau mbiola nitika, ba lawai nifolau Dawido wolaura biola.[4] 6 Mako zumange la'amadugö wamadu agu, ba labayoini ira fondrege zi sökhi wanikha, ba fökhö ma'uwu Yosefo andrö, ba lö la'abusi tödö! 7 Andrö wa si a'a ni'oloi'ö sa'ae ira, ba tebato wa'iki zi no mamadölö ya'ira ba zalo.
II. Fameta'u: so wotu dania[edit | edit source]
8 No fahölu Zo'aya, Yehowa, iŵa'ö Yehowa, Lowalangi ngahönö, [imane]: Ogoro ndra'odo wayaŵasa ma'uwu Yakobo, anuzu, dödögu hatira andrö, ba ululu mbanua andrö, fabaya ösinia. 9 Ba na dafulu dania zi tosai niha ba nomo heza, ba ahori mate ira. 10 Ba na ihalö dania ira sahatö khöra, sogo'ö ya'ira, ba wangeheta yomo, ba na imane khö zi so si bakha ba mbate'e side-ide: Hadia, so na nawöu? ba na imane da'ö: Lö'ö, ba imane: Böi hede-hede! Lö töla sa latötöi döi Yehowa. 11 Hiza sa, ibe'e goroisa Yehowa, ba idudugö nomo sebua ba irasa zide-ide.[5] 12 Hadia, latörö dete gara kudo, ba hadia, ta'ila tabe'e sanguhundra asi zaŵi? Me no mibali'ö langu huku, ba me no mibali'ö safeto sibai mbua-bua wa'atulö.[6] 13 Omuso dödömi zi lö boto, mimane dödömi: Moroi ba wa'abe'eda, wa no sabölö ita![7] 14 Ba hiza, ya'ami Iraono Gizeraeli — iŵa'ö Yehowa, Lowalangi ngahönö — u'asogö sa'ae khömi soi samakao ya'ami, i'otarai ba lala ba Hamata, irugi mbombo andrö ba danö si mate.[8]
Famotokhi ba gahe[edit | edit source]
Fabaliŵa lala[edit source]
Olayama Amosi: 1 • 2 • 3 • 4 • 5 • 6 • 7 • 8 • 9
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö