Jump to content

Wb/nia/Amaedola/S

Add links
From Wikimedia Incubator
< Wb | nia | Amaedola
Wb > nia > Amaedola > S
  1. Sabila gae, saköi dalö. Böi lau röröu wangadölö, ikana hörömö gitö.[1]
  2. Sabölö ka'u ba mbanua, ebua dödögu lö alua. Sabölö ka'u ba halama, ebua dödögu na fasala.[2]
  3. Sadölö limbu mbaeŵa, saköi limbu guro. Awai andrö zata'udo, limbu hambae manikaoro.[3]
  4. Sagörö mbulu mbala ba mbawagu, sagölu mbulu damo ba dangagu, sara nono mbalatu ba löwi-löwigu, ahori ifalökhaisi bakha narö wahagu, noa khögu löhedegu.
  5. Salukhö manga gate, itötölö abe'e. Salukhö manga guto, itötölö owulo.[4]
  6. Sambua kata göda böra, sara göda ono zökha. Böi tawuwu böi taböda, me faoma nilau dödöda.[5]
  7. Samösa zimanga na'a, ba samösa zigöna gitö.
  8. Sangötö idanö sangötö molö, böi keŵaisi wanörö, hasambua döi wa'abasö.[6]
  9. Sani'o tugala, lito zi tetaru ba lito göi zazizi.[7]
  10. Sara dödö galökö, dua dödö manu danö. Sara tö ba ngai da'ö, zi tekuru zi tekörö, sobu mbewe löhö-löhö.[8]
  11. Sara gehomo, sara ndriŵa, faoma laso-lasora nawöra.[9]
  12. Sara hao ana'a, sara hao firö, ta'irö'ö zadölö, tatibo'ö zagakiŵö.
    Eluahania: Böi ta'ozaragö ba böi tatörö tödö gamuata si lö sökhi. Amuata satulö da'ö nirorogö, ni'irö'ö.
  13. Si fafuka helua, si fafuka bögi. Fatua lö öbözi, faigi ngai fatambai.[10]
  14. Sara dödö galökö, dua dödö manu danö. Sara niwaele-waele, dua nibini-bini'ö. Sara tö ba ngai da'ö zi tekuru zi tekörö, so bu mbeewe löhö-löhö.[11]
  15. Sara idanö, ba sambua ugu-ugu sambua mbanua, ba sambua mbua-bua.[12]
  16. Sara moi ba sara mua, la'orudugö ma'adua.[13]
  17. Sigi-sigi no, sadumba me ataha, ba sadumba göi me asoso.
  18. Sigölu mbowoa gögu, boroe dölö-tölögu. Ofanö na so gögu, aine na so halöŵögu.[14]
  19. Sigu ba gambölö, lagia ba gabera, si so ba ngai zamade'a.[15]
  20. Sikoli ba nasi, sara waŵa ba mangawuli. Sikoli ba hörö newali sagötö tanö lö fasai.[16]
  21. Sikhö-sikhö tea-tea talului wahea-hea. Sikhö-sikhö talaho, talului waoso-waoso.[17]
  22. Silatao safusi silatao soyo latuli'ö ö wötö si lö fao ba wamöbö. Eu si faraha, eu sifaremo, latuli'ö ba mbaho na lö fagölö wa'adölö.
    Eluahania: Asese ta'ila ba niha si lö fao-fao wahasara dödö khö nawönia, no göi fabörö-börö manö ia khö nawönia.
  23. Si lö fakhai ba zuhe nakhe, fakhai ba zuhe la'ore. Si lö fasaule ba gasö dete, ba fasaule ba gasö hambo. (Amaedola Nias Tengah)
  24. Silu sitöra sumbölö afasi, ha sowöhö zi lö möi ba zisökhi.
    Eluahania: Silötolalö'ö möi ba zi sökhi niha. Ha niha sowölö-ölö.
  25. Simanga howu hao, inganga-nganga bawa, ba irongo-rongo talinga.
  26. Simanö na hino mogumo golalu, simanö na hino ndroi daleanu. Lakhao mbanio fabaya ölömbu, latutu lada farahu mbulu.
    Eluahania: Na inötö so, ba labe'e manö zahori dölara niha.
  27. Simatua garaŵi, iti'ini dödö lala.
  28. Sinaragelea safusi angango, lö tebulö-bulö ya'ia ya'ia manö.
  29. Si no aetu tahalö, si lö aetu tabase'ö.
  30. Sinörö gelea safusi angango. Lö dou'ö-dou'ölö, siya'ia-ya'ia no.[18]
  31. Sinunga yae gomboyu, sinunga yae ndraölö, me lö sinunga eu bö'ö.[19]
  32. Si oföna aduwa akho, da'ö zi oföna awai belewa.
  33. Sirahi ngai mbanua, sirahi ngai danö. Si mate nihese-hese, me no la'ila marase.[20]
  34. Si tekuru si tekörö, so bu mbewe löhö-löhö.[21]
  35. Siŵa zi manga mbua manaze.[22]
  36. So doho, ba dozi bu'u hili, so nono laosi.
  37. Sofanö ba gawu, sofanö baene, tafaoma fabalu lahe.[23]
  38. Solalau niasa, solalau tufo. Ha elungu ba mböröta, ba elungu ba hogu.
  39. So mbekhu salömö sahani, bekhu sangolembai ahe zauri, bakhu zahöndrö si so ba ngöfi.[24]
  40. Sondröbi no'eu sondröbi gasö. Böi tasöbi furi, tahötöi talulugö manö.''[25]
  41. Sonowi ba na'ai, sökhi mbua sökhi ngalai, tafatete tafandrai.[26]
  42. Sökhi atö wanou'ö, sökhi atö wame'e, ami sibai moroi ba wöli-wöli gae. Na lö sökhi atö wanou'ö, na lö sökhi atö wame'e, afeto moroi ba gawökhu, afoe moroi ba dödö gae.[27]
  43. Sökhi itörö lalania silumana, moroi ba zo ana'a sabila lala.[28]
  44. Sökhi na fandröu-ndröu mbambatö, sökhi na fandröu-ndröu la'o. Gabua-bua na ero möi, gabua-bua na ero so.[29]
  45. Sökhi na aeru, moroi na aetu.[30]
  46. Sökhi nifabu'u ba ganano moroi ba ni fabu'u ba mbörö zui.
    Eluahania: Sökhi na lafatunö ua hadia ia ba niha, ena'ö la'ila ba aboto ba dödöra, moroi na lafatunö ia ba zi lö la'ila niha.
  47. Sökhi niŵaö ba gangango moroi ba niŵaö ba tu'i-tu'i. (Amaedola Nias Tengah)
  48. Sökhi niŵaö zatua, amuhu-muhua belu matua. Lö sökhi niŵaö ndraono, aböu-böu gazö-gazö.[31]
  49. Sökhi mate moroi aila.
    Eluahania: Tandrofö sibai hezo manö gaoloma dödönia. Itehe mate ena'ö alua.
  50. Sökhi wame'e sökhi wanou'ö, awai zimörö zimate.
  51. Sumangegu öbe yaŵa, sumangeu ufazaŵa.

Umbu

[edit | edit source]
  1. ↑ Nifazaewe Atieli Lahagu ba Facebook, 19 Desember 2024.
  2. ↑ Nifazaewe Faeryani Bate'e ba Facebook, 26 Desember 2025.
  3. ↑ Nifazaewe Atieli Lahagu ba Facebook, 17 Juli 2025.
  4. ↑ Nifazaewe Atieli Lahagu ba Facebook, 17 Juli 2025.
  5. ↑ Nifazaewe Atieli Lahagu ba Facebook, 27 Juni 2025.
  6. ↑ Nifazaewe Atieli Lahagu ba Facebook, 16 Agustus 2025.
  7. ↑ Nifazaewe Atieli Lahagu ba Facebook, 14 Juli 2025.
  8. ↑ Nifazaewe Atieli Lahagu ba Facebook, 18 Juni 2025.
  9. ↑ Nifazaewe Atieli Lahagu ba Facebook, 24 Juli 2025.
  10. ↑ Nifazaewe Atieli Lahagu ba Facebook, 23 Oktober 2025.
  11. ↑ Nifazaewe Faeryani Bate'e ba Facebook, 21 Desember 2025.
  12. ↑ Nifazaewe Atieli Lahagu ba Facebook, 13 Agustus 2025.
  13. ↑ Nifazaewe Atieli Lahagu ba Facebook, 15 Juli 2025.
  14. ↑ Nifazaewe Atieli Lahagu ba Facebook, 19 Juni 2025.
  15. ↑ Nifazaewe Atieli Lahagu ba Facebook, 20 Juni 2025.
  16. ↑ Andrew Beatty, Society and Exchange in Nias, 1992, nga'örö 20.
  17. ↑ Nifazaewe Atieli Lahagu ba Facebook, 22 Oktober 2025.
  18. ↑ Nifazaewe Atieli Lahagu ba Facebook, 23 Juli 2025.
  19. ↑ Nifazaewe Atieli Lahagu ba Facebook, 13 Mei 2024.
  20. ↑ Nifazaewe Faeryani Batee ba Facebook, 14 Desember 2025.
  21. ↑ Nifazaewe Atieli Lahagu ba Facebook, 19 Desember 2024.
  22. ↑ Nifazaewe Faeryani Bate'e ba Facebook, 24 Oktober 2025.
  23. ↑ Nifazaewe Atieli Lahagu ba Facebook, 27 Juni 2024.
  24. ↑ Nifazaewe Atieli Lahagu ba Facebook, 6 September 2025.
  25. ↑ Nifazaewe Atieli Lahagu ba Facebook, 10 Mei 2024.
  26. ↑ Nifazaewe Atieli Lahagu ba Facebook, 17 Juli 2025.
  27. ↑ Nifazaewe Atieli Lahagu ba Facebook, 3 November 2025.
  28. ↑ Amaedola Nias Desa Hilisondrekha, mufaigi me 21 November 2025.
  29. ↑ Nifazaewe Atieli Lahagu ba Facebook, 20 Juni 2025.
  30. ↑ Nifazaewe Atieli Lahagu ba Facebook, 30 Juni 2025.
  31. ↑ Nifazaewe Atieli Lahagu ba Facebook, 29 Oktober 2024.

Fabaliŵa lala

[edit | edit source]

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Amaedola/S&oldid=6984899"