Jump to content

Wb/nia/Amaedola/N

Add links
From Wikimedia Incubator
< Wb | nia | Amaedola
Wb > nia > Amaedola > N
  1. Na adölö geu ba labe'e dela. Ba na abila ba labe'e fama'ö'ö.
  2. Na afatö zi'öli so gambukha famadou, na afatö dödögu sinali daŵa hörögu.[1]
  3. Na anau gambalada, ba tafadölö gaheda. Ba na adogo-dogo gambalada ba takandro'ö gaheda.[2]
  4. Na esolo geu, ba ebua waha-waha, na ebua zökha ba ebua mbea-bea.[3]
  5. Na ha sara dödö, na ha sara li, ta'olikhe gaŵöni, ta'olae guli nasi.
  6. Na itali zinali ono zalaŵa, tenga tagu-tagu mbawania, tagu-tagu mbawa nawönia.[4]
  7. Nali woböwö ba cumba walalisa.
    Eluahania: Hadia nibe'eda khö nawöda na lö mutakugö ba no ewawa manö.
  8. Na lafaligoi zizai boto mbu ba zangila, ba iŵaö boto gawöni ha. Ba na lafaligoi i zizai boto gawöni, ba zi lö mangila, ba iŵaö boto mbu ha.[5]
  9. Na lö faehagö waehagö, no'obu'u olögö-lögö ba dödögu, ba dödömö, ba dödö zitenga bö'ö, ba dödö zi so ba da'ö. Na no faehagö waehagö, hulö lae nitöfa'ö, ba dödögu ba dödömö, ba dödö zi tenga bö'ö, ba dödö zi so ba da'ö.[6]
  10. Na lö so dekha so ene, lö so doi so manaze. Fa'u-fa'u ndramatua ba tödö gae ndra'alawe. Na so i zo dekha so ene, so zodoi, so manaze. Söfu zita ndramatua, söfu haria ndra'alawe.[7]
  11. Na sökhi wangehao banua, na sökhi wangehao omo, oi agadölö gahe zagö, ohalu mbumbu nomo. Na lö atö sökhi wangehao banua, na lö sökhi wangehao omo, oi agabila gahe zagö, oi agaköi mbumbu nomo.[8]
  12. Namo mbulu mbalikhi, namo mbulu go'o, si lö lokha atö so ba wa'aila ba zato.
  13. Na moroi ba dödö wowengu, na moroi ba dödö we'e, ba idanö hörö ana'ate. Ba na tenga moroi ba dödö wowengu ba na tenga moroi ba dödö we'e, ba idanō hörö mogitö gae.
  14. Na mu'ugu-ugu nomo ba wanga'azökhi, ba na farekha nono gara ba wangalösö.[9]
  15. Na no abila mo'afi manu, na no aköi motalinga zi'u. Datatunö ia na orudu, datasao'ö ia na orahu. Lö asi si lö modulu, lö boto-boto duo si lö mo'otu.[10]
  16. Na olotu lulu ba olotu luaha
  17. Na so zabila so'afimanu, na so zaköi sotalingazi'u, ohe wamatunö ena'ö faudu, ohe ba zi sökhi fa'ohau-hau.[11]
  18. Na soroi ba dödö wowengu, na soroi ba dödö we'e, alua daŵa hörö ana'ate. Ba na tenga soroi ba dödö wowengu, ba na tenga moroi ba dödö we'e, alua daŵa hörö sogitö gae.
  19. Na töra dania sumange, na töra dania böwö, ba so li aefa da'ö.[12]
  20. Nifa'abe'e hucumou, ombuyu narö, ba abe'e hulu.[13]
  21. Nifa'aboto mbowoa tanö. Hezo aboto ba da'ö toröi gakhökhöla.[14]
  22. Nifa'alau helua, nifa'alau mbögi, alau mangandra-ngandrauli.[15]
  23. Nifa'alau nazese, nifa'alau wune. Lö ma'iki lö me'e, tanömö wa'ebua mao'e.[16]
  24. Nifamahalö takhi-takhi, nifamahalö la'edo. Na lö mutehe, na lö mufesokho, ba lö naha danga fa'aro.[17]
  25. Nifamözi ulö ngalai wakhe, mate gulö ba lö adudu lai wakhe. Nifondröbi bu ba hamo, aheta mbu, ba lö adudu hamo.[18]
  26. Nifanaba bulu wakhe ndrawa, nirahu-rahugö.[19]
  27. Nifemanga harita ndrawa, sambua ofetu, sambua ana.
  28. Nifemanga mao, nihene-hene zinga
  29. Nifemanga zilatao, oföna ua ifakhölö ia, awena i'a gönia. Ba nifemanga waelo, ifatugu manö ia wondrou gi'onia.
  30. Nifo'awi-awi galasa, nifosaembu-saembu laowömaru. No latanö mbörö labini'ö hogu, hatö talu lafabaya-baya'ö khögu.
  31. Nifo'awi-awi lahagu, no i'orodugö hogu fabaya mbörö ba ifabaya-baya'ö khögu dalu.
  32. Nifo'idanö ndrekha lö alö, nifo'idanö ndrao lö ogo'ö. Döfi deu döfi lökhö, lö isöndra mamalö.[20]
  33. Nifolöwösi nagole, obou hunö, nofolöwösi töla isika lae-laenia.
  34. Nifofanö guro iwuwu. Nifofanö hambae ibe hulu.[21]
  35. Nifofanö mbawi lalu, hezo nihundragö da'io, ba ihundragö ahe.[22]
  36. Nifowuwusi bawa lösu, nifakifu.[23]
  37. Niha mbanua la'izu, öri mbanua gundru. Si no aetu-aetu, lafuli lazofu-zofu.[24]
  38. Niha si tobali bekhu, lö i'a nasio, i'a gawu. Niha si tobali bekhu, lö i'a wakhe, i'a dambu.[25]
  39. Niha sonekhe mangalui lala, sambö tödö manandraŵa.
  40. Nitaba ba wa'alio, nitaba ba wa'aösö, aeru-aeru zi matonga, bötö-bötö zi föfö.[26]
    Eluahania: Halöŵö nilau ba wa'alio-lio ba amozuania lö sökhi.
  41. No abasö ba ihawui nasa teu.
  42. No abila aöndrö, no aköi lö sadölö. No tekuru tekörö, lua-luania teköröbu tegaölö.[27]
  43. No atoru luo, ba no aekhu mbawa. Andrö sibai lö oroma, daru gadi ni'obawa, ba nomo zi mate niha.
  44. No fangai mbörö dowua, no fangai mbörö nohi, so yaŵa zi fadege, no fakhai mbörö hakhi.[28]
  45. No fataba talu dundröni, no fabali mbu dowi-towi. No aheta ba mbagi zimate, no tofali ba mbagi zauri.[29]
  46. Norogu gasö matua, noromö toga tuo. Tafaföfö na anau, tafabea na esolo.[30]
  47. No tebulö huku föna, no tebua huku ma'e. Na mate ahulö ndramatua, na mate alio ndra'alawe.


Umbu

[edit | edit source]
  1. ↑ Nifazaewe Onesius Otenieli Daeli ba Facebook, 8 Januari 2023 (faigi wanemalinia khö Esther Gloria Telaumbanua).
  2. ↑ Nifazaewe Atieli Lahagu ba Facebook, 25 Agustus 2025.
  3. ↑ Nifazaewe Atieli Lahagu ba Facebook, 9 Desember 2025.
  4. ↑ Nifazaewe Atieli Lahagu ba Facebook, 4 September 2025.
  5. ↑ Nifazaewe Atieli Lahagu ba Facebook, 20 Juli 2025.
  6. ↑ Nifazaewe Atieli Lahagu ba Facebook, 25 Juli 2025.
  7. ↑ Nifazaewe Atieli Lahagu ba Facebook, 21 Juli 2025.
  8. ↑ Nifazaewe Atieli Lahagu ba Facebook, 21 Juni 2025.
  9. ↑ Nifazaewe Atieli Lahagu ba Facebook, 3 Juli 2025.
  10. ↑ Nifazaewe Atieli Lahagu ba Facebook, 9 Juli 2025.
  11. ↑ Nifazaewe Yas Harefa, 14 Oktober 2023 ba Grup WA Membahas Bahasa Nias.
  12. ↑ Nifazaewe Atieli Lahagu ba Facebook, 19 Agustus 2025.
  13. ↑ Nifazaewe Atieli Lahagu ba Facebook, 17 Oktober 2025.
  14. ↑ Nifazaewe Atieli Lahagu ba Facebook, 5 September 2025.
  15. ↑ Nifazaewe Atieli Lahagu ba Facebook, 30 Juli 2025.
  16. ↑ Nifazaewe Atieli Lahagu ba Facebook, 17 September 2025.
  17. ↑ Nifazaewe Faeryani Bate'e ba Facebook, 22 Oktober 2025.
  18. ↑ Nifazaewe Atieli Lahagu ba Facebook, 31 Juli 2025.
  19. ↑ Nifazaewe Atieli Lahagu ba Facebook, 1 September 2025.
  20. ↑ Nifazaewe Atieli Lahagu ba Facebook, 20 Agustus 2025.
  21. ↑ Nifazaewe Faeryani Bate'e ba Facebook, 5 Januari 2026.
  22. ↑ Nifazaewe Atieli Lahagu ba Facebook, 13 September 2025.
  23. ↑ Nifazaewe Atieli Lahagu ba Facebook, 10 September 2025.
  24. ↑ Nifazaewe Atieli Lahagu ba Facebook, 31 Agustus 2025.
  25. ↑ Nifazaewe Atieli Lahagu ba Facebook, 18 Maret 2025.
  26. ↑ Nifazaewe Ama Marcel Zebua ba Facebook,17 September 2024.
  27. ↑ Nifazaewe Faeryani Bate'e ba Facebook, 31 Oktober 2025.
  28. ↑ Nifazaewe Titin Cianak Niasbatak ba Facebook, 29 September 2023.
  29. ↑ Nifazaewe Atieli Lahagu ba Facebook, 22 September 2025.
  30. ↑ Nifazaewe Atieli Lahagu ba Facebook, 15 November 2025.

Fabaliŵa lala

[edit | edit source]

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Amaedola/N&oldid=6986696"