Jump to content

Wb/nia/Amaedola/H

Add links
From Wikimedia Incubator
< Wb | nia | Amaedola
Wb > nia > Amaedola > H
  1. Ha ba dödö niha sambö fangera-ngera, so wönu sebua.
  2. Hadia guna udou duga, ba tebai manaoka. Aoha i udou gambi, asala so harazaki.[1]
  3. Hadia nitoto si lö omböila, hadia nifoe si lö naha danga. Ufakhölö-khölödo yaŵa barö zagö, ba lö tesöndra gu'ö laŵa. Ufakhölö-khölödo tou ba mbatö, ba lö göi tesöndra zasao. Sambua fulaŵa yaŵa geu, daya-daya tou galikhi.[2]
  4. Hadia mauwu ndraono na tenga ö, hadia mauwu zatua na tenga böwö. Lö mauwu ndraono ba hagö, lö mauwu zatua ba wekökö.[3]
  5. Hadia wa mauwu ndraono na tenga ö, ba hadia wa mauwu zatua tenga böwö. Lö mauwu ndraono ba hagö-hagö, lö mao zatua nibalö-balögö.
  6. Ha famelai mbörö wemanga.
  7. Ha fangago mbörö wamelai. Eluaha: Ha hokha-hokha wamobörö, ba gafuriata la'osindruhugö.
  8. Ha fa'adölö hulu ba mbakhu, ha fa'afusi ngai ba gelefu, faoma hua na mutunu bawu.[4]
  9. Ha fatua aukhu wanaba baeŵa.
  10. Ha fatua awuyu la'isö, nano atua laleke'ö manö.
  11. Ha irugi dömba zömba.
  12. Halö khöu sihahalö, na ö'ila öhalö za'usö solehe dalö. Doro khöu sidodoro, na ö'ila ödoro za'usö so uli mbowo.[5]
  13. Ha lumö zulu ba mbaeŵa, ha lumö ho'ae ba wolaya. Oroma sa ia nono zalaŵa, ituyu lumönia ba dalu mbanua.[6]
  14. Ha mendrua wogaoni salaŵa.
  15. Hana na abakha namö nasi, hana na ebua namö Noyo. So sa su'a-su'a sinaraeŵa, so sa su'a-su'a sinandro.[7]
  16. Hana na me'e hulö za'iki, hana na manendre hulö moyo sanari.[8]
  17. Hana na no ide-ide la'oro, hana na ebua sibai lahuru mao. Fagölösa so gate, ba so mbo, ba fagölö göi wa'oyo-oyo ndro.[9]
  18. Ha namo-namo mbulu mbalikhi, ba ha namo-namo mbulu go'o, si lö lokha atö so, ha faböi aila ba gaolo niha sato.
  19. Ha ni'usu mbörö wanali, ha ono gi'a mbörö lagasi, ba ha fangago mbörö wamelai.[10]
  20. Ha öfa mbongi döi zi lalö, ha öfa mbongi wa'ara. Moledo löndru sofalölöŵa, moledo löndru sowua.
  21. Hare-hare zanutu, ifelai mbalö halu. Hare-hare zanikhi i'enata damböni. Hare-hare zondrino ifelai doyo zondro.[11]
  22. Harugu haru manawa, harugu haru tuho. Lö ufalökhai ba mbö'ö, ufalökhai khögu yomo.[12]
  23. Ha sambua göda manu, tabagi tölu gazuzu, tabagi dua zuzuwöru.[13]
  24. Ha sara gorö, ba ilau ö mbawi dai.
  25. Ha sara mbu, ha sambua limi, ifalökhai zoya sibai.[14]
  26. Ha ŵaraö gadona, ha ŵaraö manu, zi dombua lakawöru, zi tölu uo döla hulu.[15]
  27. Ha ŵaraö zalaŵa, ha ŵaraö gere, zame'e ba nono mbarunoa, gasi hambae si no mate.[16]
  28. Ha zai bu zi farekha ba lagia.[17]
  29. Ha zai tuturu zami gö, ha zai dödöu zaözö-aözö. Lö ami na no idawö, afoe na no i'erogö.[18]
  30. Ha zönö-zönö khö ndrökhia, ha zönö-zönö khö wogao. So sa dania zindruhu mamanikha, so sa dania zindruhu mamayo.[19]
  31. Hede-hede ba zabösi, o'ao-ao ba zafiso, salakha na irongo.
  32. He göi na ya'ugö mogaele, he göi na ya'o mobio gahe. He göi na ya'ugö mogambi, ba he göi na ya'o mobu zimbi.[20]
  33. He indrigö-ndrigö ia böhö, ba oroma ia ba mbawö. Ba he i'oroma'ö ia laosi, ba tobini ia ba mbalikhi.[21]
  34. He na no ide-ide la'oro, he ebua sibai lahuru mao. Fagölö khöra so gate ba so mbo, fagölö göi wa'oyo-oyo ndro.[22]
  35. He na no tafatambai gehomo akhe, ba na lö nitöitöinia töida, ba böi tahalö khöda.[23]
  36. He no ide-ide na fa'ösi, ba he ebua sibai na'atakhi.[24]
  37. He ono zalaŵa, ba he ono gere, ba na lö baga warange mane asu simate.
  38. Henu-henu gae, lamömö narö mboto, lasöbi mbu oroma mbo.[25]
  39. Heŵa'ae ŵalu alisi mbawi nifahö ba gero nomo ba lö töi-töi. Ba he ha tölu tu'e nifahö ba golayama ba alakha-lakha
  40. He odo'ö ba he atakhi, fagölö tebai ni'a na ali-ali.
  41. He na ötuwu-tuwu yaŵa nono mborokoa, ba ifuli-fuli ia tou. Ba he na öfanöi-nöi ba geu nono dawuo danö, ba ifuli-fuli ia tou.[26]
  42. Hezo zi lö ahilu, hezo zi lö akao. Ae yomo uro, yae nahau bola mboko.[27]
  43. Hiza me hino gumo mbulalu, hiza me hino ndroi dali'anu. Ukhamö ba zanösö zigölu, Ulafoyoi mba'e ba hogu geu. Hiza me no atua tebai no eu, u'usu dalu lada lö aetu, ufelai nasio lö mangulu.[28]
  44. Hiza sa dödögu tanö khöu, no ufamolo fakhe ba gawu. Hiza i dödöu tanö khögu, no öfolökhö adulo manu.[29]
  45. Hokha-hokha dalimbo, sambua lauru me ataha, hatö sadumba me asoso.[30]
  46. Hono na zalaŵa, hono na gere, fetagö fakaole mbewe na humede.
  47. Hönö mböwö no awai, ba hönö mböwö no tosai.
  48. Hönö we'alu föna, hönö wamolo, awena falukhado göröbao si lö i'o.[31]
  49. Hugö-hugö ba mbanua li khö dalifusö, so sa dania zolu'i boto.
  50. Hulö abo'a hakhi heziwala, möi fondrou'ö laga-lagania.
  51. Hulö aefa zumbölö dandrawa, no iboka mbanua.
  52. Hulö döla zaku satöla, da'ö nahia gangöröta gera. Hulö namö hohou wa'abakha, da'ö nahia gangöröta gi'a.[32]
  53. Hulö dura-tura hili, ha salito zadölö döfa zabila.
  54. Hulö fahuku lafau adu, hulö fahuhuo lafau fune. Boto mbu lö to'ese, huhuo si no laŵa'ö mege.[33]
  55. Hulö famanö-manö ci'a-ci'a, hulö fahuhuo mbayakomo, lö adudu, ba lö aroro.
  56. Hulö fambambatö galitö, hulö famatua mbalö ndrögö, sambua mbongi fambambö, samuza luo aröu manö.
  57. Hulö fambambatö ira helua mbögi. Ha ba mbörö waiki, na no ara ba faoma lahawui nawöra tai.[34]
  58. Hulö fambambatö nidanö, hulö famatua mbalö molö. He ilau teu ilau lökhö, lö alö sagötö tanö, lö faröi na lö fondröi ulidanö.[35]
  59. Hulö fatuko bawa zangasio.
  60. Hulö ganuno galaŵa, i'osa'ö gara sebua.
  61. Hulö gaolo-gaolo wadati. So möi tou, so möi yaŵa.[36]
  62. Hulö geu safatö hogu.
  63. Hulö harita, olifu ia gulinia.
  64. Hulö la'asioini gola lö falemba asio.
  65. Hulö labözi dutu, aefa mbözi-bözinia, ba tebato göi linia .
  66. Hulö labözi garamba duada balugu, böi labua-bua ba hagu.[37]
  67. Hulö labözi garamba duada Luo Mewöna, nifahela famözi, fa'ategaolo-gaolo li.
  68. Hulö laedurumba'e, ha mutuko ba no ifagaölö ia. Hulö zigölu, na tosasa woloinia ba iköröbui ia.[38]
  69. Hulö la'ese hao mbitaha, hulö la'ese hao kauko. Mangali-ngali gombu-ombu, mangali-ngali zesolo.[39]
  70. Hulö la'eŵa dalu nidanö, ifuli fahalö-halö.
  71. Hulö latanö danömö magai, siŵa hili no fakhai, oi fakhai zoya sibai.[40]
  72. Hulö latatawi mboroe, abua gi'o moroi ba högö.
  73. Hulö latebu tambu, lö fangandrauli.[41]
  74. Hulö lateu mbanio, oföna nikaoni moroi ba zogaoni.
  75. Hulö latunu go'o ba Dumöri, felezara zamaböli, felendrua zanöri-nöri.
  76. Hulö latunu zole, izuzu hola-hola nawönia.
  77. Hulö lazuloi mbulu esitö, ya falemba-lemba ba ya fakhitö-khitö. (Amaedola Nias Tengah)
  78. Hulö mbelewa si fabörö ba ndranga, hulö gari si tobali saembu. Me tebai fao ia ba zihönö, ba tebai faböbö mangotu, me no ituko dalosu.[42]
  79. Hulö mamarö ndraha danö, khönia lölö, ba khönia göi warö.
  80. Hulö mamini mböhö ba lagaene.
  81. Hulö mamini zawaoho, oroma-roma gi'ö.
  82. Hulö mamotu Derigaŵa, mo'aga-agau wogao yaŵa nora.
  83. Hulö manu safusi, atabö mbu angao nösi.[43]
  84. Hulö mate lea, notokhai za'a.
  85. Hulö mate manu ndrawa, möi horö zokata-kata.
  86. Hulö mbu mbisi, lö atabö ba lö afuo.
  87. Hulö mobowo hefuya'a, hulö mobowo zöfö-söfö, satö falemba fakitö, ba gahe mbaru zanörö.
  88. Hulö motomo dowi-towi, hulö motomo la'oro, lö arara balö aroro. Simanö niha si lö anau dödö, simanö niha si lö anau zöndra, niha si lö mama'anö halöŵö.
  89. Hulö motomo lagigia hulö motomo la'oro, lö'arara ba lö'aroro.
  90. Hulö mowua go'o, no ifaöga.
  91. Hulö mowua la'izu duha, he lö bua ba mbörö, ba ma sa dania so mbua ba hogu.
  92. Hulö mowua wakhe, no ifatugu.
  93. Hulö muhede mburu'u kökö ba mböröta muhöngö-höngö ba gamozua döhö manö
  94. Hulö nekhe fabörö ba ndranga, hulö gari tobali ba zaembu. Me tebai fao ia ba ziönö, tebai faböbö ba ngaotu, me no ituko dalosu.[44]
  95. Hulö nifemondri mazauwu, ha itutugö gi'onia.
  96. Hulö nohi ba mbewe Do'ua, samösa zolowi börö ba samösa zimanga bua.
  97. Hulö nono galakhaö wanua, aökö na muŵa'ö, ba aökö göi na lö muŵa'ö.
  98. Hulö zamarö fanikha, hulö zamarö taguli, ndrohu-ndrohu zi toröi bakha nösi.[45]
  99. Hulö zango'oi esitö, sara ya'ia dainia
  100. Hulö zanihoi tugala, anau zazizi moroi ba zitetaru.
  101. Hulö zanunu o'o ba Dumöri, felezara zamabö-maböli, felendrua zanöri-nöri.
  102. Hulö zigi sitoba'a lela.
  103. Hulö ziliŵi ba ngalai wakhe.
  104. Hulö zimanga rigi-rigi nifakoe.
  105. Hulö zogohi boroe, fatambu nigohi ba fatambu zogohi.
  106. Hulö zökha sesokho, te sa isigö'ö ia.
  107. Hulö zole ba newali.
  108. Hulö zoga'ai gimö-gimö, tanö khönia ifelalö khö nawöra, lahakhö'ö khöra odörö-dörö'ö.[46]
  109. Hulö zondro faoma bowoa, faoma itaria fadekha.
  110. Hulö zonoro gasö matua, fatuwu furi ba fatuwu föna.[47]
  111. Hulö zonowi ba Na'ai, na sökhi lai ba tafandrai si'ai, ba na lö sökhi lai ba taböhöi si'ai.
  112. Humombo mburu kökö, ha ba mbörö humönö, ba gamozua döhö manö.

Umbu

[edit | edit source]
  1. ↑ Nifazaewe Atieli Lahagu ba Facebook, 4 Juni 2025.
  2. ↑ Nifazaewe Atieli Lahagu ba Facebook, 25 Oktober 2024.
  3. ↑ Nifazaewe Cinta Terlarang ba Facebook, 5 Oktober 2022.
  4. ↑ Nifazaewe Atieli Lahagu ba Facebook, 11 Juli 2025.
  5. ↑ Nifazaewe Atieli Lahagu ba Facebook, 20 Juli 2025.
  6. ↑ Nifazaewe Atieli Lahagu ba Facebook, 28 Agustus 2025.
  7. ↑ Nifazaewe Atieli Lahagu ba Facebook, 16 Juli 2025.
  8. ↑ Nifazaewe Faeryani Bate'e ba Facebook, 28 Oktober 2025.
  9. ↑ Nifazaewe Atieli Lahagu ba Facebook, 9 Maret 2025.
  10. ↑ Nifazaewe Atieli Lahagu ba Facebook, 23 Juni 2025.
  11. ↑ Nifazaewe Atieli Lahagu ba Facebook, 19 Oktober 2025.
  12. ↑ Nifazaewe Atieli Lahagu ba Facebook, 19 Juni 2025.
  13. ↑ Nifazaewe Atieli Lahagu ba Facebook, 28 Juni 2025.
  14. ↑ Nifazaewe Atieli Lahagu ba Facebook, 9 September 2025.
  15. ↑ Nifazaewe Atieli Lahagu ba Facebook, 2 November 2025.
  16. ↑ Nifazaewe Faeryani Bate'e ba Facebook, 13 September 2025.
  17. ↑ Nifazaewe Atieli Lahagu ba Facebook, 5 Juli 2025.
  18. ↑ Nifazaewe Atieli Lahagu ba Facebook, 19 Juli 2025.
  19. ↑ Nifazaewe Atieli Lahagu ba Facebook, 1 Juli 2025.
  20. ↑ Nifazaewe Atieli Lahagu ba Facebook, 21 Juni 2025.
  21. ↑ Nifazaewe Atieli Lahagu ba Facebook, 21 Agustus 2025.
  22. ↑ Nifazaeŵe Atieli Lahagu ba Facebook, 29 Juni 2025.
  23. ↑ Nifazaeŵe Atieli Lahagu ba Facebook, 27 Juni 2025.
  24. ↑ Nifazaewe Atieli Lahagu ba Facebook, 3 Juli 2025.
  25. ↑ Nifazaewe Atieli Lahagu ba Facebook, 14 Oktober 2025.
  26. ↑ Nifazaewe Atieli Lahagu ba Facebook, 21 Oktober 2025.
  27. ↑ Nifazaewe Atieli Lahagu ba Facebook, 2 Juni 2024.
  28. ↑ Nifazaewe Atieli Lahagu ba Facebook, 17 Juni 2025.
  29. ↑ Nifazaewe Atieli Lahagu ba Facebook, 7 September 2025.
  30. ↑ Nifazaewe Atieli Lahagu ba Facebook, 9 September 2025.
  31. ↑ Nifazaewe Atieli Lahagu ba Facebook, 25 Juni 2025.
  32. ↑ Nifazaewe Atieli Lahagu ba Facebook, 1 Oktober 2025.
  33. ↑ Nifazaewe Atieli Lahagu ba Facebook, 23 Agustus 2025.
  34. ↑ Nifazaewe Atieli Lahagu ba Facebook, 18 Juni 2025.
  35. ↑ Nifazaewe Faeryani Bate'e ba Facebook, 22 Desember 2025.
  36. ↑ Nifazaewe Faeryani Bate'e ba Facebook, 3 November 2025.
  37. ↑ Nifazaewe Atieli Lahagu ba Facebook, 4 Agustus 2025.
  38. ↑ Balugu Tuha Omasiö Zega (Tuhezoi Banuasibohou), Ngawalö Gamaedola ba Hoho, 1966
  39. ↑ Nifazaewe Faeryani Bate'e ba Facebook, 1 November 2025.
  40. ↑ Nifazaewe Atieli Lahagu ba Facebook, 10 Juli 2025.
  41. ↑ Nifazaewe Faeryani Bate'e ba Facebook, 10 Januari 2026.
  42. ↑ Nifazaewe Faeryani Bate'e ba Facebook, 18 Desember 2025.
  43. ↑ Nifazaewe Faeryani Bate'e ba Facebook, 7 November 2025.
  44. ↑ Nifazaewe Atieli Lahagu ba Facebook, 11 Desember 2025.
  45. ↑ Nifazaewe Faeryani Bate'e ba Facebook, 11 Desember 2025.
  46. ↑ Nifazaewe Atieli Lahagu ba Facebook, 5 Juli 2025.
  47. ↑ Nifazaewe Atieli Lahagu ba Facebook, 6 Juli 2025.

Fabaliŵa lala

[edit | edit source]

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Amaedola/H&oldid=6999301"