Jump to content

Wb/nia/Amaedola/M

Add links
From Wikimedia Incubator
< Wb | nia | Amaedola
Wb > nia > Amaedola > M
  1. Mamunu te'u, böi tunu galasa.
  2. Manaere-manaere ituwu ono'alawe, aso'a-aso'a ituwu onomatua.[1]
  3. Mana göi na ndra'ugö mogaele, mana göi na ndra'o mobio gahe.[2]
  4. Mana hili na lakhao ba ahori, mendrua manö na ni'a ma'ökhö.
  5. Mana hili salaŵa aruru, mana namö sebua alau gawu, mana namö fadölö tobali möi hohou.[3]
  6. Mana zalaŵa, mana gere fakaole li na mohede.
  7. Mangea-ngea dödö mberua, me no iböbö ia ewo.
    Eluahania: Hana lö ifa'eze ia zi no taŵa'ö, börö me oya manö ia ni'oguna'ö.
  8. Mane malu Dahönagö sambua ihalö ba isaetagö. Hulö malu Daföfö'ö sambua ihalö ba iföfögö.
  9. Mangelama lela ba mboha.
  10. Mate nama mbö'ö, mane nifaudu mbawa lökhö. Mate i namagu, mane nibe ba mbawa deu.
  11. Mate nilangö dugala, mate nilangö zilimo. Me lö dahania sanuwu tanö, me lö dahania sanuwu dao. Auri nilangö gawöni, auri nilangö gewo. Me so ndrahania sanuwu tanö, me so ndrahania sanuwu dao.[4]
  12. Mate zöfu zita ba mbawi, mate zöfu haria ba duo sami.[5]
  13. Me akhozi nomo ba Dumöri felezara zamaböli ba felendrua göi zanöri-nöri.
    Eluahania: Heŵa'ae ato niha samalua si sökhi ma samunu alitö ba simanö göi solau si lö sökhi samuhola alitö. Ba na si sökhi sa'atö nilauda ba lö'ö muhola ma zui lö alua zi lö sökhi andrö.
  14. Mendrua wogaoni salaŵa. medölu wogaoni ere, me sangorifi simate.[6]
  15. Mobelu nifö zökha, molarua nifö mböhö. Na lö ölu-ölu, na lö fatö-fatö, ba lö i'ila mofanö.[7]
  16. Mobowo duru-duru, mowua söfö-söfö. Böi faudugö mbalö salöfö, so luo furi da'ö.
  17. Mobowo godu hili, ba mowua lage ndraso. Gogowaya zabuso, la'oro i zolu'i gumo.
  18. Mobowo lagae hili, mowua lagae ndraso, gogowaya zabuso, la'oro zolu'i gumo.
  19. Mofanö gadulo mbisi, ha iŵaö wangoroisi. Mofanö gadulo waha, ha iŵaö wangombakha.
  20. Mofökhödo mofökhö, sambua hie u'a tawö. Mogikhido, mogikhi, u'a zi sambua hie bawi.
  21. Moledo gawu soboto gawöni, no tobali tödö lala sebolo, da'ö lala wangötö khö Laeno'o sitebai ehowu, Laeno'o sitebai manöi.
  22. Molokhötö mbanua, aukhutö zino, tafaese-ese wangehao.[8]
  23. Mowengu dödö zatua si lö ono, me'e dödö zatua si so ono, na fanema lira sifao hago-hago.''[9]
  24. Möido-möido ba khömö, famoloi khöda wökhö. Ae'e-ae'e ba khögu famoloi khöda mbekhu.''[10]
  25. Möi miyöu, idou tugöu. Möi miraya, idou la'aya.
    Eluahania: Gofu hezo numalö ba tetutu.
  26. Mu'ao harimo, lö mondra'u.
  27. Mu'ogöri mbaluguu böi söbi, foriti-riti manö.
  28. Muhombo-hombo lö afi, manuge lö bagi mbisi.
  29. Muhombo mburu kökö ha ba mbörö humöngö ba gamozua döhö manö.
    Eluahania: Böi ha ba wamobörö tehöngö ba ba gamozua toröi manö, lö sa'ae gamatohulania.
  30. Muhombo ngösi-ngösi, ba moloi zaso mbatö. Lö fa'angenu dödö, ba zi no uŵa'ö-ŵa'ö.[11]

Umbu

[edit | edit source]
  1. ↑ Nifazaewe Atieli Lahagu ba Facebook, 27 Juni 2024.
  2. ↑ Nifazaewe Atieli Lahagu ba Facebook, 27 Juni 2024.
  3. ↑ Nifazaewe Atieli Lahagu ba Facebook, 21 Agustus 2024.
  4. ↑ Nifazaewe Atieli Lahagu ba Facebook, 27 Juni 2024.
  5. ↑ Nifazaewe Atieli Lahagu ba Facebook, 11 Juli 2025.
  6. ↑ Nifazaewe Atieli Lahagu ba Facebook, 28 Juli 2025.
  7. ↑ Nifazaewe Atieli Lahagu ba Facebook, 17 Juli 2025.
  8. ↑ Nifazaewe Atieli Lahagu ba Facebook, 23 September 2025.
  9. ↑ Nifazaewe Atieli Lahagu ba Facebook, 7 Juli 2025.
  10. ↑ Nifazaewe Atieli Lahagu ba Facebook, 13 Juli 2025.
  11. ↑ Nifazaewe Atieli Lahagu ba Facebook, 23 Juni 2025.

Fabaliŵa lala

[edit | edit source]

Olayama Gamaedola: A | B | C | D | E | F | G | H | I | J | K | L | M | N | O | Ö | P | Q | R | S | T | U | V | W | X | Y | Z

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Amaedola/M&oldid=6923404"